الحمد لله جت سليمه يا باشا بس الحمد لله انها جت علي كده
كل ده عشان ركبت حجات جديده و جامده بس متعرضش حاجة تاني للتحسد زي محصل
رقم العضوية : 3455
تاريخ التسجيل : 27Nov2007
المشاركات : 1,682
النوع : ذكر
الاقامة : Haram
السيارة: Megane II - HatchBack
السيارة[2]: A-Class 160
دراجة بخارية: لا
الحالة :
احمدك واشكرك يا رب جت سليمة ............. زجاج خلفي وزجاج الجانب بالكامل...
القصة تبدا من يوم الاربعاء ليلا ... الساعه 3:30 فجرا في بورسعيد...
بعد وصولي هناك بحوالي ساعة....
كنت ماشي في شارع 23 يوليو .. واحد من اكبر واوسع وانظف الشوارع في بورسعيد.
ماشي بنغم بصوت العلبة والفلتر ومع نفسي .....
جه قدامي مطب وعندة عربيتين هوندا ...علي اليمين 98 هاتش باك حمراء الطلقة وعلي الشمال 98 كوبية فضي ... العربيتين ماشاء الله والا قوة الا بالله حاجة ولا الخيال ...كانوا ماشين مع بعض ( طلعوا قارايب )
رعشت بالنور عشان يوسعوا وعدين من بينهم .... ومن هنا ابتدي الكلام...
سمعت الرجالة سقطت غيارات ورايا وانا كنت متاكد تماما من انهم حيشدو معايا ...لان صوت العربية عندي مستفز جدا في موضوع الشد والجري ....
واحد علي يميني واحد علي شمالي ... بدا الشد ... السرعه عدت 110 ..130....150... كلو صف واحد بالعرض...
فجاءة .... فيرنا تاكسي طلع من الشمال ... من ناحية السيفيك الفضي...
العبد لله في النص ... بأشد عزمي.... دوت فرامل سك... يعني بكل قوتي علي الاخر السرعة بالظبط 150 وداخلة علي 160 .....في نفس الوقت
السيفيك الفضي رمي علي يمينو وماحاولش يهدي ...طبعا انا كنت مش في النص لاني دوست فرامل .. وبالتالي رمي علي السيفيك الحمراء اللي علي يميني .... السيفيك الحمراء رمي علي يمينو برضة عشان يفادي الفضي ... لمس الرصيف رجع رمي علي شمالة ... لمس الفضي .. فجاءة العربيتين اختل توازنهم علي السرعة دي ... وعينك ما تشوف الا النور ....
العربيتين لفوا بسرعة خيالية ... وكل واحدة اتلبقت علي رصيف في صوت زي الانفجار ... وسحابة تراب رهيبة مصحوبة بصوت رهيييييييييب ....
العبد لله يا فكيك ...لان لو وقفت ممكن تحصلي مشكلة كبيرة في بلدنا الجميلة..
اختفيت في قرية علي البحر... اتصلت بحمادة غزي .... قالي غطي عربيتك وبكرة نشوف اية الاخبار...
الساعة كانت حوالي 4 الا حاجة بسيطة .. صوت الاسعاف والنجدة ..وانا اعصابي في رجليا ....
تقريبا مانمتش ... الصبح حاولنا نشمشم اي اخبار لكن مكنش في حاجة تقلق ....
خرجت باليل بالعربية جبت شوية حاجات وانا راجع في شارع البحر ...بدا الجزء التاني ....
اربع .. خمس ... ست عربيات ... حاصروني وقفوا قدامي ... مفيش مجال للهروووووووووووووب
شعب اتلم عليا انا واخوايا .. ( كان معايا بالصدفة البحتة)
كم بشر غير طبيعي وكلو ضرب ضرب ضرب مفيش شتيمة ....
محاولات مستميتة لانقاذ العربية من يد زغابة البشر دي .....
كن بموووووووووووت وانا بشوف الزجاج وهو بيكسر قدامي ....
والله العظيم يا جماعه انا مهما اوصف عدد البشر ... مش حقدر ...
وانا واخويا عاملين زي وائل جمعة واحمد السيد .. في محاولاتنا صد هجمات العدو....
لغاية الشرطة اما وصلت ... بعد ربع ساعة تقريبا ....
وهنا بدا الجزء التالت ....
طلع في محضر بالحادثة مذكور فية عربيتي انها متسببة في الحادثة...
حمادة غزي الله يباركلو دنيا واخرة ..... خلص الموضوع مع الحكومة.. جابلي نمرة العربية كانت اتسرقت في المعركة ... وساوي الموضوع مع كل الاطراف .....
والله العظيم يا جماعة انا بريء من اللي حصل للناس دي ...
انا زعلان عليهم وعلي اصابتهم الشديدة وعلي عربيتهم الجامدة ....بس انا والله مالياش ذنب ....
وكفاية صحابهم واقارايبهم كسرولي العربية وكانوا حيموتوني ..
الحمد لله انها جت في زجاج وبس ... وربنا يحفظنا ويحفظكم ....
بس برضة لازم البورسعيدية يعرفوا ان الوحوووووووش الجيزواية مضرين بالصحة !!!!!!!!!!!!!!!
الحمد لله...دي صورة من الواقعه
http://img408.imageshack.us/my.php?i...7112008os9.jpg
__________________
تم تغيير عنوان الموضوع لوجود اكثر من شكوى على العنوان.
شكراً لتفهمكم ...إ.م.2
عليها السلام
رقم العضوية : 19167
تاريخ التسجيل : 16Sep2008
المشاركات : 2,227
النوع : ذكر
الاقامة : nasr city
السيارة: peugeot 407 2.2
السيارة[2]: peugeot 306 2.0 gti6
دراجة بخارية: no
الحالة :
الحمد لله جت سليمه يا باشا بس الحمد لله انها جت علي كده
كل ده عشان ركبت حجات جديده و جامده بس متعرضش حاجة تاني للتحسد زي محصل
my peugeot 306 gti6
[aldl]http://i59.tinypic.com/a1sod0.jpg[/aldl]
رقم العضوية : 16545
تاريخ التسجيل : 17Aug2008
المشاركات : 612
النوع : ذكر
الاقامة : CAIRO...GESR.ELSUZE.ST
السيارة: vw caddy life 2007
السيارة[2]: peugeot 406 special order
دراجة بخارية: Ya333
الحالة :
ايه يا عم الحاج الفيلم الهندى ده وبعدين احنا كبرنا على حوارات الشد والكلام الفاضى ده انا صاحبى مات بسبب الحوار ده اتقلب باللانسر البومه والله يرحمه المفروض مترميش نفسك فى التهلكه لانك هتتسال عن الكلام ده وربنا يسهلك طريقك
[img3]http://store3.up-00.com/Nov12/oSq15921.jpg[/img3]
رقم العضوية : 5614
تاريخ التسجيل : 13Feb2008
المشاركات : 816
النوع : ذكر
الاقامة : ireland
السيارة: golf soon
السيارة[2]: ford fietsa ghia 2002
دراجة بخارية: no
الحالة :
هههههههههههههه.الله يجازيك يا مومو.وطبعا كله اتلم عليك.ابو العربي وام العربي والواد عربي ههههههههه.الحمد لله انك رجعت لارض الوطن سالما.
bemo,ire
رقم العضوية : 3512
تاريخ التسجيل : 01Dec2007
المشاركات : 2,280
النوع : ذكر
الاقامة : cairo-shoubra
السيارة: honda civic 2007
السيارة[2]: hyundai matrix 2008
دراجة بخارية: لا يوجد
الحالة :
حمدالله على سلامتك يا ايمن باشا وسلامة الوحش بتاعك وربنا يقوم الاتنين الشباب دول بالسلامه وعلى فكره الجرى فى الحالات ديه بيكون الجدعنه كلها
[img2]http://cdn-img1.imagechef.com/w/110921/sampe24f53992f6e9e21.jpg[/img2]
رقم العضوية : 3907
تاريخ التسجيل : 30Dec2007
المشاركات : 756
النوع : ذكر
الاقامة : Egypt - CaIro
السيارة: Renault logan 2010
السيارة[2]: Renault Megane 2007
دراجة بخارية: NO
الحالة :
لا حول ولا قوة الا بالله .
شوف مهما كانت الخساير يا عم ايمن فا كلها ولا حاجه والله عظيم قصاد اللي انت بتحكيه ده لأن الموضوع تطوره واضح منه ان الناس كانت فاكراك فعلاً المتسبب في الحادث والله اعلم برضه الناس دي ولادهم اتصابوا ولا عملوا ايه ............مع اني برضه مش شايف اي نسبة خطأ في اللي انت عملته ولا كان مفروض تفضل انت كمان بسرعتك وتكسر على اللي على يمينك وتلبسوا انتوا التلاته في بعض !!!! انا شايف تصرفك الحمد لله سليم ولميت نفسك بسرعه + انك فتحت مجال ليهم ييجوا يمين وشمال لئنك لما وقفت جامد هم قدروا يتحركوا بحريه لكن تقول ايه بقى الناس فاكره انها راكبه عربيات متظبطه يبقى دوس بنزين وخلاص والعربيه تعمل الباقي.
عموماً قدر ولطف والحمد لله ان الخسائر على قد كده بس كان ممكن الناس دي زي ما اخدت منك العربيه تاخدك انت واخوك تشرف عندهم شويه وبرضه الله اعلم بظروفهم واللي وصلهم اكيد انك المتسبب الاوحد في الحادث وبالتالي الموضوع اتغير مساره بالشكل ده.....انت اطمنت طيب على الولدين التانيين اللي كانوا بيشدوا معاك ؟؟ في اصابه او حاجه؟؟...........
الف مليووووووون سلامه يا كبيير وحمد لله على سلامت اخوك وخاللي بالك انت كده بقيت بلاك ليست عند اخوانا في بورسعيد ودي مشكله تانيه حاول بعد كده تروح متخفي او بعربيه تانيه ..................
East Or West Megane Is The Best
رقم العضوية : 3355
تاريخ التسجيل : 21Nov2007
المشاركات : 298
النوع : ذكر
الاقامة : Cairo
السيارة: dodge caliber
السيارة[2]: proton gen 2
الحالة :
حمد الله علي سلامة حضرتك و كويس انها جت علي قد كدة ,بس معلش الناس اللي كانو في العربيتين التانيين اخبارهم اية ؟ ان شاء الله محدش فيهم تكون اصابتة خطيرة و نصيحة يا اخي بلاش الشد حفاظا علي حياتك و علي حياة الاخرين
رقم العضوية : 2420
تاريخ التسجيل : 01Oct2007
المشاركات : 3,015
النوع : ذكر
الاقامة : مصر
السيارة: شاريد 90
السيارة[2]: سيريون 2010
دراجة بخارية: دايون 2012
الحالة :
يا عم الحاج احمد ربنا انت رجعت سليم
انت بتتكلم في زجاج عربيه
طب احمد ربنا ان الناس سابوك
ده في ناس في الحوادث ده اجارك الله
حمدالله علي سلامتك وكويس انها جت علي قد كده
وخلي بالك يا جميل بعد كده وربنا يسترها معانا جميعاً
ليست مشكلتي إن لم يفهم البعض ما اعنيه ؟
و ليست مشكلتي ..إن لم تصل لفكره لأصحابها ؟ فهذه قناعاتي .. وهذه افكاري .. وهذه كتاباتي بين يديكم أكتب مااشعر به .. أقول ماأنا مؤمن به .....انقل هموم غيري بطرق مختلفة و ليش بالضرورة ما أكتبه يعكس حياتي ....... الشخصية هي في النهاية ...... مجرد رؤية لأفكاري .....
http://www.postimage.org/gx1XIkV9.jpg
رقم العضوية : 143
تاريخ التسجيل : 24Apr2007
المشاركات : 17,378
النوع : ذكر
الاقامة : Nasr City
السيارة: Toyota Yaris 2007
السيارة[2]: Nissan Juke 2013
الحالة :
الف حمدالله على سلامتك يا أيمن
و الحمد لله إنها جت على زجاج العربية فقط
و إنك طلعت سليم
معلش بقى دا ضريبة التعديلات الجديدة
رقم العضوية : 57
تاريخ التسجيل : 18Apr2007
المشاركات : 19,002
النوع : ذكر
الاقامة : مدينة نصر
السيارة: هيونداي فيرنا
السيارة[2]: هيونداي فيرنا
دراجة بخارية: -
الحالة :
لا حول ولا قوة الا بالله
الحمد لله انك طلعت سليم.
لو كانوا عرفوا انك اهلاوي كمان
كنت رحت فيها:).
لأي استفسار أو شكوى بخصوص الإدارة والإشراف والدعم الفني، يرجى المراسلة على:
المفضلات