السرعة لا تزيد عن 85 كم/ الساعة

**Zing0** · 19-03-2015 09:31 PM

طيب انا مش عارف .... مفيش توكيل للادا ؟؟؟ يعنى مين توكيل اللادا هل شركة الأمل دى ولا حمدي لادا ؟؟؟ و هل التوكيل لو رحتله بالعربية هيظبتها و لا هيقول دى قديمة و معادوش يصلحوها ؟؟؟ انا نفسي اوديها توكيل و اخلص و ترجع زي الزيرو كدة

طيب لو الموضوع كده وديها لمحمد طلبه فى الوراق
كان شغال هو و والده فى توكيل الأمل و سافر بعثات لروسيا تبع الشركة و فتح ورشة بعد التوكيل
أمانه و خبرة و تخصص فى اللادا مش هتلاقى زيه صدقنى.
و أسعارة فى المعقول و قطع الغيار بيجيبهالك على ضمانته أحسن حاجه فى السوق و بسعرها.
جربه و قولنا رأيك هنا , و هتشكرنى بإذن الله
فى ناس كتير جربته و رأيها موجود عالنت , ممكن تتابع موضوعاتهم الأول
و برضو علشان يبقى الكلام واضح, أنا مجرد زبون عادى خالص عنده, و لا أعرفه و لا أعرف عنه أكتر من إنه "صنايعى يوصى به" فقط لا غير و دون أى مصلحة بتاتاً إطلاقاً نهائياً. و على فكرة أنا من المعادى مش من الوراق
جرب و لو مش عجبك قول عالنت اللى ليه و اللى عليه. بس المهم تقول.

محمد طلبة الميكانيكى (توكيل لادا)
الدائرى - نزلة الوراق - شركة الغاز
شركة الغاز و انت رايح ع الدائري هايبقى على يمينك و لو انت جاى من الدائري هاتلف من عند الغاز و ترجع تانى و تخش تالت شارع شمال
او كلمه بالتليفون و انت عند الغاز احسن
01111966816
محمد طلبة :- 11966816 - 011

**peter fawzy** · 20-03-2015 01:16 AM

المشاركة الأصلية كتبت بواسطة zing0

طيب لو الموضوع كده وديها لمحمد طلبه فى الوراق
كان شغال هو و والده فى توكيل الأمل و سافر بعثات لروسيا تبع الشركة و فتح ورشة بعد التوكيل
أمانه و خبرة و تخصص فى اللادا مش هتلاقى زيه صدقنى.
و أسعارة فى المعقول و قطع الغيار بيجيبهالك على ضمانته أحسن حاجه فى السوق و بسعرها.
جربه و قولنا رأيك هنا , و هتشكرنى بإذن الله
فى ناس كتير جربته و رأيها موجود عالنت , ممكن تتابع موضوعاتهم الأول
و برضو علشان يبقى الكلام واضح, أنا مجرد زبون عادى خالص عنده, و لا أعرفه و لا أعرف عنه أكتر من إنه "صنايعى يوصى به" فقط لا غير و دون أى مصلحة بتاتاً إطلاقاً نهائياً. و على فكرة أنا من المعادى مش من الوراق
جرب و لو مش عجبك قول عالنت اللى ليه و اللى عليه. بس المهم تقول.

انا بالفعل اتصلت بحمدي لادا علشان اعرف بس مسبقا و اعمل حسابي علي سعر طقم الدبرياج و قالي سعره 375 جنية ... الاسطوانة و الديسك تركي و البلية روسي ... و سألته علي محمد طلبة دة و قالي اه دة اسطي ممتاز و ابقي سلملي علية ... بعديها اتصلت بالاسطي محمد و كلمته و حكيتله علي المشكلة ... و قالي العيب هيبقي يا اما في الباب التاني بتاع الكربراتير علشان هو اللي بيفتح بعد ال 80 (و انا طبعا مش فاهم اي حاجة من اللي بيقوله) يا اما طقم دبرياج فعلا ... فان شاء الله هفضي يوم و اروحله و ربنا يسهل و يرجعها زي الزيرو

**ahmdmagdy** · 20-03-2015 02:01 AM

المشاركة الأصلية كتبت بواسطة peter fawzy

اعرف ازاي بقي انه عاوز يتغير

سحب العربيه ضعيف و بتاخد وقت لغايه ما تاخد سرعتها و لدرجه اني مره طلعت بالعربيه بالغيار التالت كانه التاني

**peter fawzy** · 20-03-2015 06:42 PM

اولا بشكر كل اللي اهتم و رد عليا و حاولوا يساعدوني ... ثانيا روحت النهاردة لمحمد طلبة .... مشواره بعيد ... مش توكيل كدة زي ما كنت فاكر ... لكنه شخص محترم جدا ... فاهم ... مش بيفتي ... لما سألته علي نوع زيت موتور كويس قاللي مش واثق اوي .... قولتله علي المشكلة اللي عندي ... بص علي البيكات لاقي ارقامها 100 و 107 ... قالي هنغير البيك التاني اللي بيفنح بعد ال80 و غيره ببيك 150 و طلعنا علي الدائري جاب 120 ... طبعا انا مش فاهم حاجة من اللي بقوله ...
الخلاصة عملت عنده الاتي:
تغيير بيك
ظبط تكيهات
ظبط كهربا
تغيير بيض (اسباني ب235 جنية من حمدي لادا كنت رايح بيه)
تليين البارات
تزييت العفشة و زيت علبة الدكسيون
المصنعيه 100 جنية
شكرا

**aw2100** · 21-03-2015 03:03 AM

مبروك على الاصﻻح

**peter fawzy** · 22-03-2015 01:40 AM

المشاركة الأصلية كتبت بواسطة zing0

مبروك الإصلاح أولاً
ثانياً أنا عارف إن المشوار ممكن يكون بعيد عن ناس كتير بس أنا عاوز أقولك أتهريت حوارات فى المعادى و حلوان و فى الآخر بقيت بأضطر أروح علشان ملقتش حد بيفهم فى اللادا زيه.

ثالثاً : الكربراتير عندنا فى اللادا ليه فتحتين (بوابتين) واحده للسرعة البطيئة لحد 80/85 كم-س
و الثاية بتشتغل بعد كده للسرعات العالية
المفروض البيكالت الفابريكا عندك للـ 2107 تكون:
107 بنزين للبوابة البطيئة (جوه حوض البنزين فى الكربراتير)
150 هواء فوق الحوض
150 بنزين لبوابة السرعة العالية (الأقرب لجهة الموتور)
150 هواء فوق الحوض أمام البوابة العالية

حضرتك كان البيك عندك حد مغيرة من 150 لـ 100 يعنى أقل من بوابة السرعة البطيئة!!!
عادى الجهابزة فى مصر كتير و العبقرية unlimited

بس المهم إنك شكرتنى برضو

ربنا يمتعك بيها و يعيننا عليها و يديم بيننا المعروف.

دا انا اللي بشكر كل القائمين علي المنتدي لاني استفد فعلا ... و ثانيا لشكر حضرتك ... كدة انا فهمت البيكات دي ... انا كمان قولت اقيم محد طلبة بما له و عليه .... انصح به فعلا للمشاكل المستعصية و اللي بيكتر فيها الفتي