السرعة لا تزيد عن 85 كم/ الساعة

**peter fawzy** · 18-03-2015 01:19 AM

الادا اللى معايا 2105 - 1991 - 1300 سى سى علشان خليجى .... المفروض انها كان معمولها نص عمرة و اترفعت بعديها 3 سنين ... اشتريتها و غيرت فيها سير الكاتينة و طرمبة المياة و البنزين و طقم الكهرباء و كدة .... المشكلة حاليا انها مبتزيدش عن 85 كم / الساعة .... الغيار الخامس ولا لية اي لزمة الا بس انو بيقلل ال rpm و لما اجي ازود بنزين مبتستجيبش .... حد صادف المشكلة دى ؟

**aw2100** · 18-03-2015 02:58 AM

عربيتك محتاجه ظبطه كهرباء وكاربراتير وممكن تكون طرمبه البنزين اللى غيرتها مضروبه وظغطها ضعيف
انصحك تشوف ميكانيكى كويس وتغير الميكانيكى اللى روحتله وربنا يقويك

**ahmdmagdy** · 18-03-2015 11:38 AM

ممكن تكون محتاجه طقم دبرياج

**Abo_Mazen** · 18-03-2015 11:58 AM

لو مفيش دردره مع المطالع يبقى كده طقم كهربا ..ابلاتين وكوندنسر ...بس إتأكد من الديسك والإسطوانه الأول

**peter fawzy** · 18-03-2015 01:12 PM

المشاركة الأصلية كتبت بواسطة dbabis8

ربنا معاك بس كنت عايزك تكتبلنا اسعار الحاجات اللى غيرتها و منين اشترتها و المصنعيات لافادة الجميع

الطرمبة روسي 85 جنية ... الجوان الواحد ليها بجنية ... فلتر زيت مصري ب 15 جنية ... من حمدي لادا
سير كاتينة لادا ماركة اسمها dayco ... من توكيلها شلبي غالب في البطراوي مدينة نصر ب 50 جنية
الباقي مش فاكر الاسعار الصراحة

**peter fawzy** · 18-03-2015 01:15 PM

عربيتك محتاجه ظبطه كهرباء وكاربراتير وممكن تكون طرمبه البنزين اللى غيرتها مضروبه وظغطها ضعيف
انصحك تشوف ميكانيكى كويس وتغير الميكانيكى اللى روحتله وربنا يقويك[/quote]
انا غيرت طقم الكهربا بس الكاربراتير شاكك انه ممكن عاوز تنظيف علشان هي كانت مركونة ...ممكن يكون دة السبب؟ ... اما الطرمبة فانا جايبها من حمدي لادا يعني بتاعت بلدها

**peter fawzy** · 18-03-2015 01:16 PM

المشاركة الأصلية كتبت بواسطة ahmdmagdy

ممكن تكون محتاجه طقم دبرياج

اعرف ازاي بقي انه عاوز يتغير

**Zing0** · 18-03-2015 05:58 PM

سير الكاتينة عندك كاوتش صح؟ من السعر بيقول كده
أكيد و بنسبة 130% العبقرى اللى ركب ركب غلط. المفروض فى علامات على ترس الكامة و الكرنك و يقسم الكهربا زى ما مكتوب على بلوك المكنه مش من دماغه (تقسيمة اللادا مختلفة عن معظم العربيات) و يسقط الإسبراتير مكانه صح.

غير الميكانيكى زى مقالولك الناس هنا

**peter fawzy** · 19-03-2015 12:33 AM

المشاركة الأصلية كتبت بواسطة zing0

سير الكاتينة عندك كاوتش صح؟ من السعر بيقول كده
أكيد و بنسبة 130% العبقرى اللى ركب ركب غلط. المفروض فى علامات على ترس الكامة و الكرنك و يقسم الكهربا زى ما مكتوب على بلوك المكنه مش من دماغه (تقسيمة اللادا مختلفة عن معظم العربيات) و يسقط الإسبراتير مكانه صح.

غير الميكانيكى زى مقالولك الناس هنا

طيب انا مش عارف .... مفيش توكيل للادا ؟؟؟ يعنى مين توكيل اللادا هل شركة الأمل دى ولا حمدي لادا ؟؟؟ و هل التوكيل لو رحتله بالعربية هيظبتها و لا هيقول دى قديمة و معادوش يصلحوها ؟؟؟ انا نفسي اوديها توكيل و اخلص و ترجع زي الزيرو كدة