طريقة النقل على 3ااو2اوlفى فتيس الشارك

**حسام الروينى** · 18-03-2015 12:22 PM

لو سمحتم انا اول مرة اركب سيارة اتو ماتك وانا عندى الان سيارة ميتسوبيشى شارك الفئة الثانية الوكيل وعايزاعرف ازاى وامتى استعمل الفتيس على 3او2 او l ولكم جزيل الشكر

**amr011111** · 18-03-2015 12:30 PM

بالنسبه لاى عربيه اتوماتيك هتسوقها علطول على الـd
بالنسبه لـ 1 و 2 و 3
لو جبتها على 1 أو l يبقى الفتيس مش هينقل زياده عن الأول يعنى كأنك سايق مانيوال وجايب التانى
لو جبت الفتيس على 2 يبقى الفتيس مش هينقل زياده عن التانى بس هيبدل بين الاول والتانى حسب سرعة العربيه
وهكذا بالنسبه للـ 3 الفتيس هينقل بين 1 و 2 و 3 حسب سرعة العربيه

وعموماً انت مش هتستخدمهم الا مثلا لو العربيه غرزت ولا حاجه فساعتها تجيب الفتيس على 1 أو l
نقطه أخيره لو جبت الفتيس على الاول او التانى والتالت وسرعة العربيه كانت زياده هتلاقى صوت الموتور على وطبعاً العربيه ممكن تسخن فيفضل تسوق على الـ d علطول الا لو العربيه غرزت او قابلك مطلع عالى وهكذأ وبالتوفيق

**م أحمد** · 18-03-2015 02:00 PM

المشاركة الأصلية كتبت بواسطة حسام الروينى

لو سمحتم انا اول مرة اركب سيارة اتو ماتك وانا عندى الان سيارة ميتسوبيشى شارك الفئة الثانية الوكيل وعايزاعرف ازاى وامتى استعمل الفتيس على 3او2 او l ولكم جزيل الشكر

فائدة 1 لو مطلع جامد فيمنع العربية تنقل للتانى علشان العربية تديك اقصى عزم متصل

فائدة 2 لو ارض زلقة زيتية طينية ثلجية و العربية مش عايزها تفتح فى السرعة

فائدة ال 3 لو ماشى فى عاصفة شديدة فتمنع العربية انها تفتح فى السرعة علشان الريح ما ياثرش على ثباتها و تتقلب مع السرعة العالية