حاجات غريبة بتحصل مش عارف فى ايه

**bahaaeldeen** · 20-03-2015 08:58 PM

السلام عليكم
انا جبت عربية 127 فيورا وظبطتها جامد والعربية ماشاء الله مفيهاش مشاكل
اتعلمت سواقة فى وقت كويس وبقيت تمام الكلام دة من 7 شهور وكتبت موضوعين على المنتدى والناس الحمد لله وقفت معايا وساعدونى
المشاكل انى كل مامشي لازم يحصل حاجة
لازم يحصل غلط وقليل اوى لما امشي بالعربية ميحصلش موقف منيل
ولو مخدتش بالى من غلطة فى جزء من الثانية هتحصل حادثة
النهاردة مثلا جى من الزاوية وطالع على شارع بورسعيد ومروح لبيتى فى احمد سعيد
اكلت مطب محترم وكنت على سرعة 40 مثلا او 45
لازم عينى تبقى فى وسط راسي ومرة بلف فى شارع جانبي عند المطافى لاقيت عربية نقل ف وشي جاية بسرعة لولا انى عرفت الف او اقف وكان فى وقت الحمد لله
وياسلام على المواقف اللى بتحصل اغلب ما بمشي بالعربية
كذا موقف يتكرر وبتوتر اكتر من الاول بكتير مش عارف بيحصل معاكوا كدة ولا ايه
اللى هو تلاقى غلطات فى كل حتة ولو مش مركز 1% بس هتحصل كارثة
انا كنت فاكر السواقة سهلة وممتعة ومفيهاش مشاكل
بجد بفكر ابيع العربية دى ولا اخلص منها باى طريقة لانى خايف لتحصلى مصيبة وربنا يستر ياااااااااااارب
مش عارف بجد فى ايه العربية دى منحوسة ولا العيب فى الطرق والناس ولا انا مبعرفش اسوق ولا ايه
مش عارف ربنا بيحذرنى انى اخلى بالى ولا الكل كدة ولا ايه انا مش فاهم حاجة

وشكرااااااااااااا

**Abo_Mazen** · 20-03-2015 09:20 PM

أنا ملاحظ إنك مركز في المواقف السخيفه قوي ..طيب ما تفكر إنك كل مره بتروح بيتك سليم ..ما دي حاجه كويسه برضه ..كل اللي ماشيين في الشارع بيتعرضوا لمواقف سخيفه ..بس من عدم إهتمامهم بالمواقف دي لو سألتهم هيقولولك مفيش مواقف حصلت ..إنت برضه كده ...عارف وأنا ماشي النهارده بالعربية واحده كانت معديه قدامي مسكت فرامل ..بس الحمدلله ..مخبطهاش وعدت ..وأنا طالع من شارع جانبي كان في عربيه جايه بسرعه ..بس تصدق ..خدت بالي وإستنيت لغاية ما عدت ..مع إني لو كنت دوست شويه بنزين كنت لبست ..

ركز في حاجه تانيه غير المواقف السخيفه ..من كتر تركيزك في المواقف السخيفه هتلاقي نفسك إنت اللي بتعملها ..أقولك ..شغل الراديو ..خد حد معاك وأقعد أحكي معاه ..وبلاش تبقى بلمس كده "بتشديد الميم في كلمة بلمس"..مش عارف ليه متهيألي وحضرتك سايق إن لو واحد لمسك ممكن تنتفض كده وتتاخد ..مفيش مواقف سخيفه بتحصلك ..إنت عادي وسواقتك عاديه ..كلنا لازم نركز عشان إحنا مش ماشيين في الشارع لوحدنا ..أخطأ الآخرين تفوق مهارتنا في القيادة ..شوية مبادئ كده ركز فيها أحسن ما تركز في المواقف السخيفة

**bahaaeldeen** · 20-03-2015 09:26 PM

المشاركة الأصلية كتبت بواسطة m_m_sh_a

أنا ملاحظ إنك مركز في المواقف السخيفه قوي ..طيب ما تفكر إنك كل مره بتروح بيتك سليم ..ما دي حاجه كويسه برضه ..كل اللي ماشيين في الشارع بيتعرضوا لمواقف سخيفه ..بس من عدم إهتمامهم بالمواقف دي لو سألتهم هيقولولك مفيش مواقف حصلت ..إنت برضه كده ...عارف وأنا ماشي النهارده بالعربية واحده كانت معديه قدامي مسكت فرامل ..بس الحمدلله ..مخبطهاش وعدت ..وأنا طالع من شارع جانبي كان في عربيه جايه بسرعه ..بس تصدق ..خدت بالي وإستنيت لغاية ما عدت ..مع إني لو كنت دوست شويه بنزين كنت لبست ..

ركز في حاجه تانيه غير المواقف السخيفه ..من كتر تركيزك في المواقف السخيفه هتلاقي نفسك إنت اللي بتعملها ..أقولك ..شغل الراديو ..خد حد معاك وأقعد أحكي معاه ..وبلاش تبقى بلمس كده "بتشديد الميم في كلمة بلمس"..مش عارف ليه متهيألي وحضرتك سايق إن لو واحد لمسك ممكن تنتفض كده وتتاخد ..مفيش مواقف سخيفه بتحصلك ..إنت عادي وسواقتك عاديه ..كلنا لازم نركز عشان إحنا مش ماشيين في الشارع لوحدنا ..أخطأ الآخرين تفوق مهارتنا في القيادة ..شوية مبادئ كده ركز فيها أحسن ما تركز في المواقف السخيفة

عندك حق بصراحة انا باخد الموضوع على اعصابي وبتوتر
انا نفسي اروح البيت من غير ميحصل موقف سخيف من دول ههههههههههههههههههههه
انا مرة ماشي بالعربية لاقيتها من غير فرامل لولا ستر ربنا كنت ماشي براحة وبقيت اكارك وامشي بالهاند بريك
ومواقف كدة متكررة بشكل حاسس انه اوفر
سكرا على مشاركتك يا بشمهندس ادعيلى بس ربنا يستر طريقى

**Abo_Mazen** · 20-03-2015 09:37 PM

المشاركة الأصلية كتبت بواسطة bahaaeldeen

عندك حق بصراحة انا باخد الموضوع على اعصابي وبتوتر
انا نفسي اروح البيت من غير ميحصل موقف سخيف من دول ههههههههههههههههههههه
انا مرة ماشي بالعربية لاقيتها من غير فرامل لولا ستر ربنا كنت ماشي براحة وبقيت اكارك وامشي بالهاند بريك
ومواقف كدة متكررة بشكل حاسس انه اوفر
سكرا على مشاركتك يا بشمهندس ادعيلى بس ربنا يستر طريقى

تصدق كل المواقف اللي حضرتك قلت عليها دي مش غريبه ..وحصلت معايا ومع غيري ..يمكن هي محصلتش كلها معايا أنا شخصيا ..لكن كل واحد مواقفه برضه في السواقه ..ولا ركزنا في المواقف ولا بطلنا سواقه ولا بعنا عربياتنا ..يا عم فك كده وأمشي كده عادي ..

**bahaaeldeen** · 20-03-2015 09:43 PM

المشاركة الأصلية كتبت بواسطة m_m_sh_a

تصدق كل المواقف اللي حضرتك قلت عليها دي مش غريبه ..وحصلت معايا ومع غيري ..يمكن هي محصلتش كلها معايا أنا شخصيا ..لكن كل واحد مواقفه برضه في السواقه ..ولا ركزنا في المواقف ولا بطلنا سواقه ولا بعنا عربياتنا ..يا عم فك كده وأمشي كده عادي ..

حاضر يا بشمهندس ربنا يستر طريق حضرتك وطريقنا ويبعد عننا الاذى ياااااااااااااااارب :)
حضرتك رافع معنوياتى دايما ;)

**volociximab** · 19-04-2015 12:49 PM

و عليكم السلام
زميلى داخل على البنزينة على سرعة 100 بيضرب فرامل اتفاجأ ان مفيش فرامل هههههههههههههههه
شد فرامل اليد و العربية رقصت فى نص البنزينة و الناس رقعت بالصوت

باستثناء موقف الفرامل المواقف بتعمل خبره--ربنا يبعد عننا المشاكل