الموضوع: كيف نحافظ علي السيارة من الناس و (العيال) خلال ركنتها في الشارع!

انا حطيت زيت وسخ على الغطا الكل بقا يخاف يلمس العربية

المشاركة الأصلية كتبت بواسطة حسام الروينى

افضل حل انك تعزل من المكان ده هههههههههه

ههههههههههه والله اخوك فكر بجد في الموضوع ده وربنا يكرمني واعمله قريب إن شاء الله انا قرفت منه شارع زباله

المشاركة الأصلية كتبت بواسطة dbabis8

انا حطيت زيت وسخ على الغطا الكل بقا يخاف يلمس العربية

كنت خلاص هعمل الموضوع ده بجد بس فكرت وانا بلم الغطا اكيد هظلوط الدنيا!!!
انت بتشيله من غير ما يحصلك أضرار في إيدك او هدومك ودهان العربيه والغطا الناحية التانيه مش بيتبهدل؟ ولو بتعرف ازاي بقي الطريقه الله يباركلك ههههههههه

أصل الغطا بتاعي ووتربروف وزي مانت عارف بطانته شبه القطن كده ولو لزق فيها الزيت او الشحم هيبقي حوار

منكم لله ياللي مش مربيين ولادكم :( ياخي الواحد وهو صغير كان بيمشي تحت الحيط ومش بيقرب علي حاجات البشر

المشاركة الأصلية كتبت بواسطة lm ali

ربنا معاك و الله دي مشكلة ما لهاش حل خااااالص

غير ان الناس نفسها تتغير من جواها لأنك مهما عملت هتشيل الغطاء و هتتحرك من المنطقة و تركن في مكان تاني الناس هتستخدمها للإنتظار و الأكل و الشرب و تلاقي واحد ظريف معاه شيلة تقيلة يقوم رازعها على كبوت عربيتك مكسل ينزلها على الأرض أقول ايه ولا ايه

حسبنا الله و نعم الوكيل

والله عندك حق
ماهو إذا كل واحد جيه جنب العربيه فكر للحظه واعتبر انها بتاعته مش هيبهدل أمها كده :(
والله عمري ما ضغط علي عربيتي ولو ضغطه خفيفة من حرصي عليها لكن كلها دغه هنا ونقرة هناك من ناس وعيال ناس الله يسامحهم ويعوضنا خير عن اللي بيعملوه :( حسبنا الله ونعم الوكيل

وفي الآخر لما تيجي ترش العربية نضافة من العفانة بتاعة الشارع تحس انك ارتكبت جريمة
حتي لما هتيجي تكلف نفسك فلوس علشان تخلي شكلها يرجع نضيف زي الاول يقولك لاااااااا اوعي ترش هتنزل من قيمة العربيه

دعوة بس م القلب ياجماعه من اي حد يشوف الموضوع ده ان ربنا يكرم اللي زي حالتي ببيت ملك فيه مكان محترم نحط فيه العربيه يااارب

يمكن اكون متأخر فى هذه الرساله بس انا عندي حل
لو عرفت تعملة هترتاح اكيد من العيال ومن الكبار
تفضي نفسك يوم وتراقب العربية ولما تشوف العيال اللي بتلعب جنبها انزل لهم واعطي كل واحد حاجة حلوة او خدهم معاك في العربية لأقرب بتاع عصير واشترلهم عصير وبعد كدة قولهم يخلو بلهم من العربية وميخلوش حد يجي جنبها
هتلاقي العيال بيضربو اي حد يجي جنبها كبير او صغير وكل فترة كدة اشتري كيس ملبس او مصاصات وادي كل واحد واحدة
واعتبر نفسك بتدفع 5 ج ركنة كل شهر مثلا واشتري بيه ملبس للعيال

المشاركة الأصلية كتبت بواسطة عيد عبد السلام

يمكن اكون متأخر فى هذه الرساله بس انا عندي حل
لو عرفت تعملة هترتاح اكيد من العيال ومن الكبار
تفضي نفسك يوم وتراقب العربية ولما تشوف العيال اللي بتلعب جنبها انزل لهم واعطي كل واحد حاجة حلوة او خدهم معاك في العربية لأقرب بتاع عصير واشترلهم عصير وبعد كدة قولهم يخلو بلهم من العربية وميخلوش حد يجي جنبها
هتلاقي العيال بيضربو اي حد يجي جنبها كبير او صغير وكل فترة كدة اشتري كيس ملبس او مصاصات وادي كل واحد واحدة
واعتبر نفسك بتدفع 5 ج ركنة كل شهر مثلا واشتري بيه ملبس للعيال

لا ياغالي مش متأخر ولا حاجه بالعكس :)
ردك عجبني والله وفكرة حلوه خلتني ابتسم كدا مفهاش عنف ولا حاجه :)
هي اه أشكال عيال سوابق أصلاً وتحس ان مفيش تفاهم ولا مخ بس ف الاخر الحركه بتاعتك دي ممكن تسعدهم بجد وتخليهم يهتموا بالعربيه.

بس العيال نامت خلاص بليل، تلاقي واحد طالع بكوباية شاي معتبرة وينط ع العربية من ورا ويشرب الشاي بتاعه او يتسند عليها من قدام والصاج يولع هو مش فارقه مع أهله حاجه.

سيبك من بتوع الشاي دول شكلهم عندهم فقدان ذاكرة مؤقت لأنهم لو صادفت وشافوني نازل الواحد فيهم يرتعش ويحط راْسه ف الارض ويقول أسف. المشكله كمان ف الناس الغريبة اللي مش م الشارع بس بتيجي تستني حد نازلها ولا اي اختراع وسبحان الله تشوف عربيتي كنبة :)

كان نفسي في حل يطّلع من العربية نفسها :) نفسي العربية تطلع سكاكين اتوماتيك تنغز ف اللي يقرب منها :)
عشان الحل الاجتماعي دا حلو بس بصراحه خلقي ديق ومش هقعد كل ما حد يعمل حاجه اروح اسايسه :(

بس بجد تسلم إيدك وفكرتك عجبتني
بارك الله فيك

لا حول و لا قوة إلا بالله
أنا بعانى نفس الحوار ده, المنطقة عندنا سكنت فيها أسرة بتاعة مخدرات و كل ليلة تلاقى أشكال ضالة فى المنطقة كلها, حرامية و شمامين و بلطجية.
عندنا بقت بجاحة, يعنى شايفك نازل تركب عربيتك و تلاقى شاب مسطول من إياهم مستربع عالكبوت و نايم عالبرابريز و لا كأنها كنبة ابوه. و تيجى تكلمة بالذوق يقولك : أصلها كان عليها تراب و أنا بمسحهولك !!!! متشكر يا إبن الـ ........

جربت الزيت و الشحم و الجاز و لا نافع, و العيال تتنطط عالسقف و الكبوت و الشنطة تحس إنهم قاصدين, و غطاء العربية بقى شكله معفن , أنا نفسى قرفان أمسكة, و هما و لا كأن فى أى مشكلة, و يأكلو عليه و الاقى بواقى الأكل سيبانهالى أشيلهالهم بعد ما القطط و الكلاب أتسلوا عليها.

ده غير أطفال الشوارع اللى ملهومش بيت يربيهم, مسكت عيل منهم مرة نازل من فوق السقف, و سبحان من خلانى أتمالك أعصابى و رحت ساحبه من قفاه و موديه على أبوه , و للأسف كان مسيحى و أى خناقة فى البلد دى بين مسلم و مسيحى بتتفهم غلط, يومين و الواد رجع يتنطط تانى.

ده غير اللى غاوى لامؤاخذة (يفك حصرته) على الكاوتش و الجنوط زى الكلاب بالضبط., حاجة قمة القرف.
فكرت فعلاً فى موضوع الكهربا بس خفت تبقى مصيبة مش ناقصة, خاصة إن الكهربا مش هتيجى فى أيده و لا رجله, دى هتيجى على الـ .... مباشرة, يعنى هينشف :) محدش يركز فى الحته دى.

شوفت واحد عامل صاج مشرشر داير حوالين الكبوت و الشنطة, بحيث اللى يفكر يقعد يحصل فيه زى محصل لسليمان الحلبى لما إغتال كليبر أيام الحملة الفرنسية. بس الموضوع خطر.

لو حد لاقى حل عملى ينوبه فينا ثواب.