قربت ابيع العربية بسبب الجنون الي بيحصثلي معاها

**حسن عبد الرحيم** · 26-03-2015 02:30 AM

اعضاااااااء سكودا الكرام الفليشيا قربت تجنني العربيه بتاعتي سكودا فليشيا وش اوكتافيا موديل 99 بصراحه العربية كانت زي الفل وعمرها ما اشتكت معايا طول عمرها اصيله من فتره كده المكنه بقييت خفيفه وكانت محتاجه تتعمر المهم ييعني وديتها تتعمر وجبت طقم عمرة وسير كاتينة وطقم شنبر منفرد لان الي كان جاي في طقم العمره مش كويس عمرنا المكنه وبدانا ندور وبدااااااااااااء الجنون بقي
العربيه حرارتها مرتفعه واصله للتسعين وبتوصل لل 100الكلام ده عمره ما حصل زمان كان اخرها فوق السبعين بكلام فاضي الميكانيكي قال الراديراتير بعته اتسيخ واتظبط ورجع نفس الكلام طلعت اتمشي بيها شويه النهرده علي الهاديتليين علي أربعين كيلو مش ازيد مره واحده لقيت العداد عدي الميه وقفت وفتحت الكبوت المروحه مش شغاله روحت فاتح غطا القربه راحت فضلت تطلع في مياه لبره والمروحه بداتتشتغل بالرغم من ان العربيه مبطله مش فاهم بقي ده طبيعي ولا ايه

**bluemail** · 26-03-2015 05:02 AM

انت عندك مشكله في الترموثتات
الدكتور الميكانيكي ظبطها على كام؟
شوف ميكانيكي كويس يظبهالك علشان لا قدر الله ممكن تجيب وش سلندر

**ahmed_moeaz** · 26-03-2015 11:22 AM

عيب ميكانيكى شوف ميكانيكى محترم وربنا يستر وتكون العمرة اتعملت صح

**sakr_skoda** · 27-03-2015 08:31 AM

مشكلة فى جوان وش السلندر تقفيل ارالراجل دا مش نضيف وبعدين راجع على غطاء القربة بلوف الغطاء اخبارها ايه لأن دا اعراض نفخ ودا بسبب سؤ تقفيل وش السلندر ياريت ماتمشيش بيها الى ان تنحل المشكلة ومش حتنحل الا بالفك ثانيا وتركيب جوان وش السلندر بطريقة جيدة***

**ehab mobarak** · 30-03-2015 01:09 PM

زي ما قالك الزميل دي تقفيل وش سلندر غلط روح لميكانيكي تاني يفك ويغير الجوان

**حسن عبد الرحيم** · 01-04-2015 01:54 AM

بصو بقي يا جماعه انا روحت لاثنين ميكانيكيه ثانيين الاثنين مش عارفينهايههالي في المكنه او بتسخن ليه بصو علي القربه القربه سليمه طرمبه الميه لع مفيهاش حاجه الميكانيكي حط جوان علي جوان في وش السلندر دبل كمان وبصو اكثر من ثلاثه علي دوره المياه مفيهاش حاجه والعربيه بتطلع فوق التسعين بتوصل للميه والميه وعشره الترموثتات اتغيرت بترموثتات ثانيه ولا في اي حاجه نفس المشكله برضو المشكله ان انا من المنيا الميكانيكيه عندنا واخدينها فهلوه مش عارف اعمل ايه انا تعبت بجد واخر ميكانيكي قالي جيب شورتهبلوك وكلهم قالولي ما نضمنهوش نجيبه وانتا ونصيبك

**Abo_Mazen** · 01-04-2015 08:34 AM

المشاركة الأصلية كتبت بواسطة حسن عبد الرحيم

بصو بقي يا جماعه انا روحت لاثنين ميكانيكيه ثانيين الاثنين مش عارفينهايههالي في المكنه او بتسخن ليه بصو علي القربه القربه سليمه طرمبه الميه لع مفيهاش حاجه الميكانيكي حط جوان علي جوان في وش السلندر دبل كمان وبصو اكثر من ثلاثه علي دوره المياه مفيهاش حاجه والعربيه بتطلع فوق التسعين بتوصل للميه والميه وعشره الترموثتات اتغيرت بترموثتات ثانيه ولا في اي حاجه نفس المشكله برضو المشكله ان انا من المنيا الميكانيكيه عندنا واخدينها فهلوه مش عارف اعمل ايه انا تعبت بجد واخر ميكانيكي قالي جيب شورتهبلوك وكلهم قالولي ما نضمنهوش نجيبه وانتا ونصيبك

طيب هو طقم العمره اللي حضرتك جبته ..أصلي ؟؟؟؟