الموضوع: السيارة جلوري الجديدة في مصر

متشكر يا جماعة على آراؤكم
وأنا فعلا قولتله يصرف نظر وخاصة لما لقيت فيها عيب خطير جدا وهو إن عصا الفتيس ممكن تتحرك بسهوله جدا في الأوتوماتيك وإنت ماشي لأن مفيهاش لوك
يعني لو أنت ماشي وإبنك بيلعب جمبك ممكن يبهدل العربية

from D to n 3ady , ftom N toD m3tkdsh

السلام عليكم
انا اخويا خلاص اشترا العربيه دي وها يستلمها بعد يومين ان شاء الله
لو حبيتو ارفعلكو صور ليها انا مستعد
ومتابع معاكم ان شاء الله

المشاركة الأصلية كتبت بواسطة عزت احمد صالح

السلام عليكم
انا اخويا خلاص اشترا العربيه دي وها يستلمها بعد يومين ان شاء الله
لو حبيتو ارفعلكو صور ليها انا مستعد
ومتابع معاكم ان شاء الله

أولاً يا ريت ترفع لينا الصور والمواصفات بالكامل من حيث الواقع الفعلي والعملي

ثانياً : للاسف انا سألت سؤال علي موقع الشركة وهما لحد دلوقتي لم يجاوبوني عليه وهو سعة المساحة الخلفية للشنطة حيث ان الكتالوج المرفوع للسيارة لم يوضح تلك المساحة الا بطي الكنبة الخلفية كما انهم لم يجاوبوني هل هي تقفيل صيني ام محلي

بالاضافة فيها عيب الاطارات 14 فقلت لهم لو تبدلوا الاطارات ل 15 أو 17 وندفع الفارق ولكن كالعادة لا مجيب بالاضافة سألتهم عن اسعار قطع الغيار ولم يفيدوا غير بأنه جاري كتابة الاسعار وتنزيلها علي الفيس .

بصراحة السيارة من الصور جميله ولكن يعيبها الماتور والفتيس وقله التجهيزات ومساحة الشنطة والاطارات لو اتحلت الحاجات دي العربية دي تكسح فئات كتيره في السوق

يا جماعه انا عملت 2000 كيلو على العداد و حابب اشارك برايى بمنتهى الامانه
مميزات العربيه فى نظرى انا شخصيا
1- سحب العربيه المانوال عالى و جميل و تكاد تكون اعلى بنسبه شويه من مثيلاتها فى الفءه السعريه ( لانوس و فيرنا و byd )
2- التكييف عندى كويس اوى بس لازم ترفع المروحه ل 3 او 4 عشان العربيه واسعه اوى و التكييف محتاج وقت يسقع العربيه كلها بس هوا الى طالع بارد فعلا و كويس اوى
3- عفشتها ناعمه جدا بعد شويه قرايا على الباب فى استيكر يوضح ضغط الاطارات لو فاضيه او مليانه فاضيه 30 قدام و 32 ورا كدا متحسش
بحاجه فعلا
4- بالنسبه لاستهلاك البنزين انا عملت 100 كيلو ب 10 لتر بنزين مع انى فضلت مشغل التكييف مطفتهوش طول الوقت دا ( 85 كيلو سفر و 15 كيلو زحمه فى البلد )
5- العربيه عاليه اوى اوى حتى لو لقدر الله لبست مطب غلط محكتش و لا الهوا
هضيف بعض الحقايق الى ممكن تتشاف عيوب او ميزات على حسب الى راكب
1- العربيه كسرعه اخرها 150-160
2- بعد ال 150 انا حسيت ان الاتزان قليل شويه مع العلم انى كان عندى فيرنا 1500 مو 2006 كانت جنوط 13 و واطيه و كنت بجيب 170 و مفيش مشاكل الاتزان بس برضو دى من وجهه نظرى الشخصيه.

ربنا يباركلك فيها ويكفيك شر الطريق
وانا من وجهة نظري إن المانوال هينجح عن الأوتوماتيك بسبب الجنوط والماتور والسعر