السيارة جلوري الجديدة في مصر

**wkamals** · 21-07-2015 11:16 PM

انا راكب عربية شيري a11 لونج موديل 2008 وللامانه عربية قوية جدا وثبات ممتاز على الطريق لكن قابلت كام مشكلة في العربية الشيري اولهم ان سير الكاتينة مصنوع من الكاوتش وبعد تغييره اتقطع قبل المسافة المقررة ليه بالرغم من اني كنت حريص اني اشتري افضل نوع في السوق وده طبعا اتسبب اني فتحت الموتور عشان اصلح المشاكل اللي حصلت واتكررت المشكلة مرة تانية بعد مسافة اقل من النفروض اغير عليها السير اما المشكلة التانية الكبالن اللي بقيت انام احلم بيها وضيعت نص فلوسي على الكبالن بالرغم من اني باركب لها كبالن جولف 3 وباشتريها من اشهر واحد بتاع جولف في التوفيقية ومع ذلك مفيش فايده فيها اما المشكلة الثالثه والاخطر التوكيل اللي مبقاش في اي نوع من انواع الصيانة ولا قطع الغيار
عشان كده ابتديت افكر في شراء عربية جديدة وقلت ابتدي اعمل مقارنات بين العربيات ولقيت 3 انواع من العربيات تناسب اللي بافكر فيه واتفرجت على اول عربية منهم وهي جلوري وعجبني فيها حاجات كتير من اهمهم ان مشكلة الكبالن ومشكلة سير الكاتينه انتهوا لانها دفع خلفة ولان سير الكاتينة مصنوع من جنزير حديد
اللي عايز اعرفوا بقى
1- هل ناشيونال موتورز توكيل قوي ولا بعد كام سنه مش حلاقي قطع الغيار ولا حلاقي التوكيل
2- هل ليها قطع غيار خارج التوكيل ولا لا
3- لقيت الاتوماتيك منها 1400 cc لكن العادة 1500 cc ودي حاجة انا حاسس انها مش طبيعية
ولكم جزيل الشكر

**AymanEF** · 22-07-2015 07:23 AM

عفشه و موتور البديل تويوتا افانزا
التوكيل لقى ان العربيه ماشيه معاه زى الفل و بتتباع على طول غير ان فى طلب عليها هيحاول يثبت مكانه بين العربيات
1400 cc مش وحش للاوتوماتيك عشان تقلل استهلاك البنزين و للجنط شيله و جيب 15 لو معاك امكانيات و ولو مش معاك استني لخد ميكون معاك

**wkamals** · 26-07-2015 10:37 PM

كنت باعمل مقارنه بين العربية الكينبو والعربية الجلوري والعربية الجاك لحد ما وصلت لواحد شاري العربية الكينبو s3 وتابعت اخبارها على النت وبالرغم من اني كنت معجب بيها جدا الا انها خرجت بسرعة من المقارنه وما زال البحث جاري عن العربية الجاك لحد ما نشوف مين اللي حايكسب جلوري ولا جاك

**emam** · 27-07-2015 07:25 AM

المشاركة الأصلية كتبت بواسطة wkamals

كنت باعمل مقارنه بين العربية الكينبو والعربية الجلوري والعربية الجاك لحد ما وصلت لواحد شاري العربية الكينبو s3 وتابعت اخبارها على النت وبالرغم من اني كنت معجب بيها جدا الا انها خرجت بسرعة من المقارنه وما زال البحث جاري عن العربية الجاك لحد ما نشوف مين اللي حايكسب جلوري ولا جاك

هى الجاك دى ايه مواصفاتها 7 راكب بردة ؟

**wkamals** · 27-07-2015 08:59 PM

السيارة جاك 7 راكب وتقفيل الهيئة العربية للتصنيع يعني نقدر نقول زيها زي الجيب والله اعلم

**mth3000** · 28-07-2015 02:15 PM

المشاركة الأصلية كتبت بواسطة wkamals

السيارة جاك 7 راكب وتقفيل الهيئة العربية للتصنيع يعني نقدر نقول زيها زي الجيب والله اعلم

بسم الله الرحمن الرحيم ممكن معلومات عن السيارة وصور ليها لو امكن وسعرها كام في السوق ومواصفات وشكراً

**wkamals** · 29-07-2015 12:13 AM

ويكيموبايل اسعار: سعر مواصفات سيارة جاك ايجل 2015 الصينية Jack Eagle
الرابط ده بعض المعلومات عن السيارة جاك

**mth3000** · 29-07-2015 12:31 PM

المشاركة الأصلية كتبت بواسطة wkamals

ويكيموبايل اسعار: سعر مواصفات سيارة جاك ايجل 2015 الصينية jack eagle
الرابط ده بعض المعلومات عن السيارة جاك

شكرا للرد ولكن المعلومات مقتصرة يعني هل السيارة فعلا تجميع الهيئة العربية للتصنيع لاني دخلت علي موقع الهيئة ومفيش اي ذكر الا للجيب وهل بدأ التصنيع والتسويق للسيارة فعلاً ومعلومات الماتور وهو تصنيع ايه ومواصفاته ومكتوب ان العربية دفع رباعي والاطارات وصور داخلية للسيارة وووووو حاجات كتيرة لانها ممكن بكده تكسح عربيات كتيير في السوق .

**wkamals** · 29-07-2015 08:54 PM

والله يا استاذنا الفاضل انا شفتها مرة واحدة بس ماشية في الشارع والمعلومات المتوفرة عنها بسيطة جدا ومش لاقي حد ممكن يفيد بمعلومات اكتر وبالرغم من اني ميال للعربية الجلوري الا اني خايف اخد خطوة واشتريها وبعد كده الاقي التوكيل تعبان زي ما حصل معايا في العربية الشيري مع توكيل سعودي

**wkamals** · 07-08-2015 10:27 PM

العربية جلوري داخلة دماغي تماما لان زي ما قلت قبل كده المشكلتين اللي عندي في العربية الشيري مش موجودين فيها لكن في مشكلتين تانيين
1 - قطع الغيار عند الوكيل فقط وده بيشجع الوكيل انه يتحكم في السعر زي ما هو عايز بالاضافة الى انه بعد حوالي 5 سنين الوكيل زهق من العربية احنا نعمل ايه في قطع الغيار
2 - مش عارف اذا كان السعر ده مناسب لعربية صيني ولا كتير
ارجو الافاده ولكم جزيل الشكر