السيارة جلوري الجديدة في مصر

**wkamals** · 10-08-2015 10:51 PM

مفيش حد عايز يرد عليا ... وواضح ان في اجماع على كده

**nokiauser** · 03-09-2015 04:16 AM

حضرتك سؤالك الاول حاجة فى علم الغيب هندرد عليها ازاى !!!!!!!!!! اما السؤال الثانى متوسط السعر للفئة دى سواء صينى او هندى او مصرى او ماليزى واحد من 90 الى 164 الفو و الجلورى شبه الفولكس تنجوان بحوالى 260 الف !!!! ، اقرب واحدة الى سعرها الكينبو و بعد كده السزوكى اريجا 136 الف و هى تقفيل هندى يعنى لم تفرق كثير و نفس العيوب 1400 سى سى و جنت 14

**Colin Chapman** · 03-09-2015 05:51 AM

اولا الفتيس الاوتوماتيك للجلورى مفيش منه اى خوف لاءنه اصلا مانيوال وتجميعه مانيوال وزيت الفتيس عادى فالفالينا ومفيش لوك للعصاية علشان حتى لو انت نقلت غلط كومبيوتر الفتيس لن يقبل الغيار نهائى وبرضه عزم الفتيس هيكون كمثل المانيوال هو amt وده نفس نظام فتيس لوجان اوتوماتيك الجديدة ولادا جرانتا اوتوماتيك الجديدة نفس نظام الفتيس يعنى لما يبوظ تغير ديسك واسطوانة وبلية برضه زى المانيوال

:b4_048:

جرب تسوق جلورى اوتوماتيك
:b4_048:

والكارونة والفتيس بينزلوا من الشركة بزيت تخزين يجب تغييرهم بزيت فتيس عادى فالفالينا مع اول صيانة فى التوكيل وعلى فكرة سير كاتينة الموتور جنزير وليس كاوتش
:b4_048:

الجلورى اكبر فى الحجم من سوزوكى ارتيجا الهندى
:b4_048:
الخوف فقط من التوكيل لاءنه نفس توكيل سايبا الايرانى
اعتقد ضمان جلورى 100 الف كم او 3 سنوات

**Colin Chapman** · 04-09-2015 07:04 AM

Dongfeng Xiaogang of Chongqing – Dongfeng Yu’an, Dongfeng Sokon.

http://www.carnewschina.com/wp-conte...381.jpg?97ba00

**hamo81** · 02-10-2015 06:56 AM

العربية بدأت تتنتشر اليومين دول

**Colin Chapman** · 07-10-2015 02:48 AM

المشاركة الأصلية كتبت بواسطة hamo81

العربية بدأت تتنتشر اليومين دول

دونج فينج

**nogafoda** · 12-10-2015 10:11 PM

يا ترى فى حد من أعضاء المنتدى الكرام أو زواره المحترمين اشترى السيارة أوى يعرف حد اشتراها يرفعلنا تقرير مفصل عنها وعن مميزاتها وأى عيوب ظهرت وعن معاملة التوكيل وقطع الغيار ونحوه..................الخ

**nogafoda** · 12-10-2015 10:12 PM

لأن الملاحظ ظهور واضح للسيارة اليومين دول

**nokiauser** · 25-12-2015 06:30 PM

ادخل على الجروب دا على الفيس دا جروب خاص بملاك العربية https://www.facebook.com/groups/848003398640664/

**Colin Chapman** · 02-01-2016 05:47 PM

المشاركة الأصلية كتبت بواسطة wkamals

انا راكب عربية شيري a11 لونج موديل 2008 وللامانه عربية قوية جدا وثبات ممتاز على الطريق لكن قابلت كام مشكلة في العربية الشيري اولهم ان سير الكاتينة مصنوع من الكاوتش وبعد تغييره اتقطع قبل المسافة المقررة ليه بالرغم من اني كنت حريص اني اشتري افضل نوع في السوق وده طبعا اتسبب اني فتحت الموتور عشان اصلح المشاكل اللي حصلت واتكررت المشكلة مرة تانية بعد مسافة اقل من النفروض اغير عليها السير اما المشكلة التانية الكبالن اللي بقيت انام احلم بيها وضيعت نص فلوسي على الكبالن بالرغم من اني باركب لها كبالن جولف 3 وباشتريها من اشهر واحد بتاع جولف في التوفيقية ومع ذلك مفيش فايده فيها اما المشكلة الثالثه والاخطر التوكيل اللي مبقاش في اي نوع من انواع الصيانة ولا قطع الغيار
عشان كده ابتديت افكر في شراء عربية جديدة وقلت ابتدي اعمل مقارنات بين العربيات ولقيت 3 انواع من العربيات تناسب اللي بافكر فيه واتفرجت على اول عربية منهم وهي جلوري وعجبني فيها حاجات كتير من اهمهم ان مشكلة الكبالن ومشكلة سير الكاتينه انتهوا لانها دفع خلفة ولان سير الكاتينة مصنوع من جنزير حديد
اللي عايز اعرفوا بقى
1- هل ناشيونال موتورز توكيل قوي ولا بعد كام سنه مش حلاقي قطع الغيار ولا حلاقي التوكيل
2- هل ليها قطع غيار خارج التوكيل ولا لا
3- لقيت الاتوماتيك منها 1400 cc لكن العادة 1500 cc ودي حاجة انا حاسس انها مش طبيعية
ولكم جزيل الشكر

Dongfeng “Hummer”