الموضوع: كورس محاسبه mba بشهاده دوليه معتمده

المشاركة الأصلية كتبت بواسطة mtak

طيب ايه اللي اخد مكانها في الوزن دلوقتي

نورنا الله يكرمك

الmba دلوقتي بالنسبالي شهادة بتشتريها بفلوسك و خلاص, يعني لا تعبر عن اي قدرة او كفاءة, اللي معاهم mba مرطرطين في كل حتة و قليل اوي اماكن شغل بتدي قيمة للشهادة دي,, غير كده الشهادة دي خارج مصر عبارة عن حتة ورقة ملهاش لازمة زي بقية شهادات الجامعات المصرية..
لو عايز حاجة تخصص محاسبة يبقى تخلص cpa..

MBA هى من اقوى الشهادات حتى الان فى اداره الاعمال وحسب تخصصك فيها فى HR- Marketing- Finanical هكذا

اما الاماكن فانا افضل جامعه الاسكندريه سعر مناسب تقريبا 37 الف واعتماد من الجامعه ومجلس الاعلى للجامعات طبعا + جامعه بريطانيا كمان فبتاخد شهادتين للماستر ده من الجامعه

يليها جامعه القاهره طبعا بتقدمها بسعر مناسب برضه فى نفس الرينج تقريبا

الاكاديميه البحريه كويسه جدا فى مجالات السوفت سكيلز عموما

الجامعه الامريكيه مش مستاهله السعر ده لان كفائه التعليم تكاد تكون متساويه لاماكن كتير بره وناس كتير اعترفوا بده

ملحوظة بس على حوار الجامعة الامريكية
الجامعة الامريكية مصنفة نمرة واحد على الشرق الاوسط من forbes
Top Private Universities for MBA Programs in the MENA Region

تليها جامعة النيل فى ال41 تقريبا

الmba كشهادة بتنططك فى المرتب تماما و دا و اضح من فرق المرتب هنا
The Best Business Schools List - Forbes

فى المحاسبة خصيصا الشهادة اللى اودامك هى الcpa و حسب ما اعرف محتاجة مذاكرة و مجهود و امتحان 6 ساعات لو انا فاكر من السمع بس بعديها لازم برده mba عشان تنط على منصب manager

cpa= certified professional auditors وبتاخد شهادة زمالة جمعية المراجعين الأمريكيين. الحاصل على الشهادة دى عددهم قليل لأنها مش سهلة . اسمها فى ال cv مزلزل وبينقل صاحبها فى المرتب نقلة كبيرة. وطبعا دى مش هتشتغل بيها محاسب لكن مراجع.
ألشهادات المتخصصة فى المحاسبة هى cma= certified managerial accountant وبيبقى معاك زمالة جمعية المحاسبين الاداريين الأمريكية. لها احترامها عالميا. برضه محتاجة مجهود وفى المقابل بتفرق جدا مع المحاسب. الدراسة مزيج من الاقتصاد على محاسبة التكاليف على الاحصاء على الادارة. خريجى تجارة انجليزى بيكونوا درسوا اغلب المواضيع بتاعة الشهادة طوال سنوات الدراسة.
فيه cma بالعربى لكن لا أنصح حد ياخدها. الأفضل بالانجليزى.
أهم حاجة اللى يهتم بالشهادات المهنية دى يقرا عنها كويس ويحاول يشوف على الانترنت فيه جروبات ومواقع عربية بتتكلم عنها ويحاول ينزل مقررات حديثة ويشوف هيفهم ولا لأ. اللغة عاملة يه وكدة والفهم أهم شئ لأنه بيمتحنك بناء على الفهم مش الحفظ المصرى اللى متعودين عليه.

ربنا يوسع أرزاق المسلمين ويرزقنا من الحلال الطيب ويغننا من فضله

المشاركة الأصلية كتبت بواسطة Mohamed_Hamid

cpa= certified professional auditors وبتاخد شهادة زمالة جمعية المراجعين الأمريكيين. الحاصل على الشهادة دى عددهم قليل لأنها مش سهلة . اسمها فى ال cv مزلزل وبينقل صاحبها فى المرتب نقلة كبيرة. وطبعا دى مش هتشتغل بيها محاسب لكن مراجع.

تصحيح بس, CPA = Certified Public Accountant, و طبعاً ينفع تشتغل بيها محاسب يعني مش مراجع بس..
لو حبينا نحط الCPA في ميزان قصاد الMBA كأننا بنوزن فيل قصاد نملة, و ده من حيث مستوى الصعوبة و بالتالي قيمة اسمها في الCV..