يا ترى انت فودافون ولا موبينيل ولا اتصالات !!!

**Terrible_DaRsH** · 25-11-2008 01:32 AM

المشاركة الأصلية كتبت بواسطة alijandroo

تصحيح
أول شبكة 3G هي اتصالات مش فودافون

اتصالات نزلت بعد 3G فى فودافون
اتصالات اول شبكه 3.5G فى مصر و 3.75G لكن فودافون اللى سبقتها ..

**mido_919** · 25-11-2008 01:57 AM

علي فكرة يا جماعة اتصالات شركة محترمة جدا وخدماتها وعروضها احسن بكتير انا كنت 010 وبقيت 011 ومبسوط جدا مع اتصالات

**aliabutaleb** · 25-11-2008 08:44 AM

المشاركة الأصلية كتبت بواسطة the_terrible

اتصالات نزلت بعد 3G فى فودافون
اتصالات اول شبكه 3.5G فى مصر و 3.75G لكن فودافون اللى سبقتها ..

للأسف كلام حضرتك مش مظبوط
رخصة اتصالات في الأساس بتديها ميزة إنها تكون أول شبكة جيل ثالث في مصر
ونفس الرخصة بتمنع أي شركة تانية تقدم خدمات الجيل الثالث قبلها سواء موبينيل أو فودافون

**hishamanilka** · 29-11-2008 10:47 PM

كلهم زباله انا كان معايا الثلاث شبكات لما كنت في مصر طبعا مكنوش معايا مره واحده قصدي جربت التلاته ولما عيشت هنا في اوروبا اكتشفت انهم زباله بس اكتشفت حاجه كمان ان كل شركات الموبايلات حراميه بلا استثناء حتي ده راي الاجانب علي شركات بلدهم وبما ان كل الشركات حراميه بس عمرك ما تلاقي خط بيقطع او الشبكه واقعه في اوروبا لا نادرا مع ان الجو هنا وحش جدا بس احلي حاجه حصلتلي هنا في اوربا انا معايا خط من شركه هيلي بوب طبعا محدش يعرفها في مصر المضحك ان الشبكه دي ساعات بتهيس يعني الخط بيفتح بببلاش انتا وحظك وطبعا انا ساعتها بكلم مصر بالساعات هتقولولي بتعرف ازاي انها بتهيش اقوللك لما بتيجي تشيك علي رصيدك بيديلك عطل في الشبكه تعرف وقتها انها خرفانه وعيش يا ريس هههههههه محدش يجربها في مصر احسن رصيدك يروح
المهم نرجع لموضوعنا انا افضل فودافون صحيح هما حراميه بس افضل تغطيه الي حد ما من الاخرين بتغطي معظم مصر وعروض طبعا صفر وفريق تسويق صفرين اما موبينيل فاحسن حاجه فيها اعلاناتها وخصوصا بتاع القرد ههههههه دي مسمعه هنا في اوروبا جامد بين العرب طبعا وعروض كتيره انما تغطيه زباله وشبكه واقعه اما اتصالات فصعب الحكم عليها لانها لسه جديده ولما تعمل شبكه تغطيه منفصله وتنفصل عن فودافون يبقي تقيمها انما دلوقتي صعب بس لما تنفصل عن فودافون انا اتوقع انها هتكون رقم واحد في مصر احذر اتصلات قادمه ههههههههه

**aliabutaleb** · 29-11-2008 11:44 PM

المشاركة الأصلية كتبت بواسطة hishamanilka

اما اتصالات فصعب الحكم عليها لانها لسه جديده ولما تعمل شبكه تغطيه منفصله وتنفصل عن فودافون يبقي تقيمها انما دلوقتي صعب بس لما تنفصل عن فودافون انا اتوقع انها هتكون رقم واحد في مصر احذر اتصلات قادمه ههههههههه

يمكن النقطة دي بالذات من أكتر النقاط اللي وضحتها أكتر من مرة في ردود ليا هنا في المنتدى
اتصالات كشبكة منفصلة تماماً عن فودافون وعن موبينيل
كل ما هنالك ان هناك ما يسمى باتفاقية التجوال المحلي مطبقة على عدد محدود جداً جداً من الأماكن في بعض أماكن سيناء والصعيد
في الأماكن دي لو معاك اتصالات وملهاش تغطية بيقوم جهاز الموبايل آلياً بدون أي تدخل من المستخدم باختيار شبكة فودافون أو موبينيل على حسب المكان وبكدة بيكون المستخدم مغطى
ودي اتفاقية لها جدول زمني وزي ما قلت محدود بأماكن جغرافية محددة اتصالات شافت انها ملهاش أولوية في التغطية في البداية لقلة العائد المادي اللي هايخرج منها

**Mohamed_Ibiza** · 30-11-2008 12:09 AM

010 من 2002 ومش هغير

**marb1** · 30-11-2008 12:44 AM

انا فودافوووووووووووووووووووو وووووووون والأسرة جميعا

**calipha3** · 30-11-2008 03:54 PM

موبينيل سابقا
فودافون حاليا

**Ahmad Allawy** · 30-11-2008 04:15 PM

بحكم شغلي مع فودافون..
انا شايف شوية ملاحظات كده..
بالنسبة للناس اللي يقولك بيحب مين و مش بيحب مين..
الموضوع ده بيعتمد علي التغطية..
مش كل مكان هتلاقي فيه ان التغطية بتاعت ال3 شبكات كويسة و زي بعض..
وارد جدا انك تلاقي حي معين او حتي شارع معين ف الحي ده في شبكة معينة فيه تعبانة..
بتحصل و انا شوفتها كتير.. و انا شيلت ال 3 خطوط..
فودافون.. و الاسرة برضه كلها فودافون.. و ده من سنة 97
و شيلت موبينيل.. و ده كان خط الشغل.. سنة ونص كان تقريبا في 2006 لحد 7-2007
التغطية كانت واحدة بس عشان انا ف القاهرة..
الصحرا الغربية مثلا.. في اماكن موبينيل بس اللي مغطياها..
و في اماكن فودافون بس.. و هكذا.. و في المحافظات نفس الكلام..
العروض و الكلام ده.. انا شايف ان كله مش بيبقي واضح في العروض دي..
بتلاقي العرض جامد جدا.. و هتلاقي العلامة دي في الاعلان.. *
تبص تحت تلاقي شوية شروط تخليك تصرف نظر انك تشارك ف العرض ده اصلا..
كل عرض و لازم وراه (إن) :) و نادرا لما بيكون العرض جامد بجد..
و اي شركة بتنزل حاجة جديدة بيكون الشركات التانية ف الجدول بعديها..
المواضيع مفيهاش اسرار.. و السوق مفتوح..
كله عارف اخبار كله.. و عارف بيخطط لأيه و امتي..

انا عن نفسي شايف ان فودافون اريح بالنسبالي نفسيا..
لكن عمليا.. مكانش في اي فرق..
ماتكلمتش علي اتصالات عشان الخط اللي شيلته كان لمده حوالي شهر بعد ما الشبكة اشتغلت بفترة بسيطة.. و ف المقطم اللي هو تقريبا في قلب القاهرة.. مكانش في شبكة اصلا..
دلوقتي احسن اكيد.. بس برضه لسة قدامهم شوية..

**MissHappy** · 09-12-2008 03:39 PM

إتـــصـــــــــــــــــــ ـــــــا لات

إتـــصـــــــــــــــــــ ــــا لات

إتـــصـــــــــــــــــــ ــا لات

إتـــصــــــــــــــــــا لات

إتــصــــــــــــــــا لات

إتـــصـــــــــــا لات

حـــــــــاليــــا

إتكلم من القلب