ارجوا الافاده باسرع وقت حول شراء اسبرنزا a516

**محمود الغندور** · 10-04-2015 06:19 PM

انا ببحث عن سياره في الحدود من 40 ل 50 الف صاحبي نصحوني اجيب اسبرنزا a516 وسمعت عنها كلام تحفه وانا احلى عربيه في السعر ده وبعض الناس خوفوني من قطع غيارها وان الميكانيكيه مش بيرضوا يشتغلوا فيها والكل نصحني اني ماجبش غير موديل 2007 او 2008 بس لان دول احلى موديلين فيها لان المكنه الماني او نمساوي والعفشه برضه انما من اول 2009 قلبت كلها صيني
انا عاوز اعرف هل فعلا 2007 و 2008 اللي ادور عليهم ولا الموديلات الاحدث احسن خصوصا ان السعر مناسب معايا حتى لو موديل 2012 وتاني حاجه انا من الزقازيق هاعرف اصرفلها قطع غيار وصيانه ولا هاتسوح للقاهره كل شويه وايه نصايحكوا ليه .. ارجو الاهتمام والرد عشان انا محتار وعاوز اجيب احسن حاجه في حدود 45 كده شكرا

**توتى توتى** · 10-04-2015 09:46 PM

من بحثى عنها العربيه ممتازه بس بشرط تكون مانيول وقطع غيارها متوفره ورخيصه جدا وكلها امكانيات وافضل من غيرها فى نفس فئتها وارخص من لانوس وفيرنا

**momae** · 10-04-2015 11:46 PM

ليه شرط تكون مانيوال
انت جربت الاوتوماتيك وطلع وحش

**hugan** · 10-04-2015 11:48 PM

516 والتيجو الشكل القديم تقدر تقول فلته ومش هاتتكرر
اما بخصوص الميكانيكيه طبعا مش اي حد يشتغل فيها
ليها الميكانيكه والورش والمراكز الخاصه بيها

**bassemali** · 11-04-2015 06:25 AM

انا الحمد لله معايا 516 موديل 2012 وزي الفل بقالها 3 سنين .. بل بالعكس الموديلات الأحدث تفادوا فيها عيوب كانت في الموديلات الأقدم على سبيل المثال .. العربيه عندي كان فيها حدفه شمال ولما رحت للعفشجي لقى بيض المقصات عايز يتغير ولسه الصبي بتاعه بيقوله البيض يااسطى قاللي تروح تجيب جوز مقصات جداد بتوع الانسر ب 800 جنيه .. الواد الصبي قاله لأ يا أسطى البيض ممكن يتحل ويتغير قاله إزاي هيا العربيات دي كلها مقصات لانسر هيا العربيه دي موديل كام قلتله 2012 قاللي يبقى أكيد غيروها .. وروحت جيبت جوز البيض ب 150 جنيه والحمد لله بقت زي الفل .

**محمود الغندور** · 11-04-2015 11:00 AM

المشاركة الأصلية كتبت بواسطة bassemali

انا الحمد لله معايا 516 موديل 2012 وزي الفل بقالها 3 سنين .. بل بالعكس الموديلات الأحدث تفادوا فيها عيوب كانت في الموديلات الأقدم على سبيل المثال .. العربيه عندي كان فيها حدفه شمال ولما رحت للعفشجي لقى بيض المقصات عايز يتغير ولسه الصبي بتاعه بيقوله البيض يااسطى قاللي تروح تجيب جوز مقصات جداد بتوع الانسر ب 800 جنيه .. الواد الصبي قاله لأ يا أسطى البيض ممكن يتحل ويتغير قاله إزاي هيا العربيات دي كلها مقصات لانسر هيا العربيه دي موديل كام قلتله 2012 قاللي يبقى أكيد غيروها .. وروحت جيبت جوز البيض ب 150 جنيه والحمد لله بقت زي الفل .

شكرا للافاده بس انا والناس بنتكلم في المكنهواه بتاعت ال 2007 و 2008 بيقولوا الماني اواانما الموديلات اللي بعد كده صيني ماوممكن يكونوا فادوا عيوب الموديلات القديمه بس كل محتوياتها بقت صيني فده يبقا عيب كل اللي بيكلمني يقولب خليك ف 2007 و 2008 بس

**توتى توتى** · 11-04-2015 05:32 PM

المشاركة الأصلية كتبت بواسطة momae

ليه شرط تكون مانيوال
انت جربت الاوتوماتيك وطلع وحش

لا ن العربيه مش بتنزل غير مانيوال والاتوماتيك بتاعها بيبقى متعدل ومتسقطله موتور لانسر بفتيس اتوماتيك

**hugan** · 11-04-2015 10:33 PM

طبعا هات موديل اعلي افضل
مفيش حكايه الماني وصيني
المواتير كلها صيني نفس التصميم

-

الموضوع: ارجوا الافاده باسرع وقت حول شراء اسبرنزا a516

LinkBack

أدوات الموضوع

عرض

-

-

-

المواضيع المتشابهه

ارجوا الافاده : بخصوص شراء عربية بونتو كلاسيك 2011

تقرير كامل عن اسبرنزا a516

ارجوا الافاده بخصوص شراء سياره

ان شاء الله هاشترى اسبرنزا a516

مقارنة بين نيوأكسنت و اسبرنزا A516

الكلمات الدلالية لهذا الموضوع

المفضلات

المفضلات

ضوابط المشاركة