تجربتي مع اللوجان اتوماتيك هاي لاين 2015

**mohamed hatem** · 14-04-2015 09:21 PM

المشاركة الأصلية كتبت بواسطة member 18

هو حضرتك عليت كرسي السائق منين ؟!
انا شفتها النهارده فى المصريه (الفئة التانيه اتوماتيك) والكرسى كان واطى جدا ، ومكنتش شايف حاجه :)
ولما سألت المندوب بيعلا منين ؟ قاللى مبيعلاش !!

بيعلى من اليد اللي ناحية الباب في الشمال من عند مكان رجلك بس لازم متكنش جالس على القاعدة بتاعت الكرسي عشان يعلى معاك

**corsair** · 30-04-2015 04:50 PM

الف مبروك يا استاذ محمد وربنا يديك خيرها ويكفيك شرها وشر طريقها للاسف العربية دي عليها العين بطريقه لا تتخيلها مشوفتش عربية سليمه لحد دلوقتي الا من رحم ربي حتي عربيتي اطلشت كذا مره من قدام وهيه راكنه

ليا ملحوظتين علي حضرتك اولا العربية مفيهاش فرامل ebd فيها abs+bas

المساحات ليها 3 درجات للسرعات

اي مشكله في العربية بيبقلها صوت مميز بيصدر زي لو انتا ماشي ورافع الهاند بريك هتلاقي في صوت زمارة انذار ولو حرارة العربية عليت هتلاقي اللمبه بتضئ تدريجيا مع تنبيه صوتي وانا شايف انه افضل من المؤشر لان ممكن الواحد يسوق من غير ما يبص علي التبلوه اساسا حتي لو انتا سايق والباب مفتوح في تنبيه صوتي