حقيقة الزيوت التخليقية

**Bassam Zaki** · 19-04-2015 11:30 PM

على مدى أكثر من خمس سنوات من القيادةودخول عالم السيارات والميكانيكا و هناك سؤال مش عارف أجاوب عليه ولم أعثر له على إجابة أو حتى تفسير ...هل الزيوت التخليقية والزيوت النصف تخليقية زيوت عالية الجودة وذات مواصفات خدمة شاقة فعلا ...؟ أن كنت بستخدم الزيوت المعدنية لمدة ثلاثة سنوات وبعد البحث والعديد من المناقشات فى المنتدى المحترم غيرت للزيوت التخليقية والنصف تخليقية بس كنت بلاحظ الأول إن الزيت المعدني نازل بكثافة عالية نسبيا وقوام كويس وديما كان الراجل بتاع الزيت بيقولي إنت منزله بدري الزيت لسه فيه لزوجة لحد 5000 كم أما الزيوت التخليقية والنصف تخليقية بتنزل مني أكن كنت حاطط شوربة فراخ ميه زيت عباد ... واللي هيجنني إن الأسعار غالية ... بس هل فعلا الزيوت دي أدت دورها في المحرك من حماية ضدد التأكل والثبات الكميائي ومقاومة درجات الحرارة العالية والتشتت الحراري... إلخ على الرغم من درجات اللزوجة المنخفضة زي 10w-40 5w-40 10w-30 5w-30 ...

**akmm** · 20-04-2015 11:03 AM

اللى اعرفه ان الزيوت التخليقيه ذات لزوجه متعدده ودايما تجد قوامها اخف في اللزوجه من المعدنيه وده حتى وهى لسه جديده وبالعين المجرده وده كويس لتحقيق سرعه الانتشار في الموتور لحظه البدايه وتمنع الاحتكاك في تلك اللحظات وده تفتقر اليه الزيوت المعدنيه نظرا للزوجتها العاليه .... ولكن سؤالى لحضرتك هل وجدت زيت لزوجته 10w30 من اى ماركه وهى ايه وبتتباع فين لان اللزوجه دى غير موجوده اظلاقا في مصر ..... تحياتى .

**Mecha** · 20-04-2015 03:05 PM

مع كامل احترامي للراجل بتاع الزيت ,لكن تحديد حالة الزيت المستعمل بطريقة العرق بين الصباعين لتحديد اللزوجة اصبحت غير كافيه .الطريقه المؤكده عينة تروح المعمل ويتعمل SOS .والتقرير بيحدد والشركات بتحدد الكم والساعات لسياراتها ومعداتها بهذه الطريقه للتشغيل الاقتصادي. جو مصر قريب لرينج 10W30 , 15W40 مع الرجوع للكتلوج.لما بتنزل لرينج 5w دا اقرب للاجواء البارده اي نعم رينجك واسع لكن سعرك اغلي.الزيوت لتخليقيه اضافاتها اعلي واغلي من المعدنيه و قصاد كدا كم اطول بتوصل 30,000 - 60,000 كم .واسمع بردك للمهندس البرعي

**amr011111** · 20-04-2015 03:55 PM

بس لو حسبت الزيوت التخليقيه كسعر مقابل انك بتغيرها كل 10 الاف كم هتكون موفره فى السعر عن الزيوت المعدنيه اللى بتسيبها 1500 كم او 2000 كم

**borio1704** · 24-04-2015 10:30 PM

أنا دايما مع الاختيار الصحيح للزيت حسب كتالوج العربية وليس حسب تجارب الآخرين

ببساطة... حد يعرف الموتور أكتر من اللي صنعه؟؟؟

وفي حالة ما اخترت صح .. يبقى الزيت هيشتغل معاك تمام سواء كان الزيت معدني أو تخليقي.

ميزة التخليقي في 3 حاجات أساسيين:

أول حاجة.. تقليل التآكل في بداية التشغيل (اللي هي أكتر وقت بيحصل فيه تآكل).. بسبب سرعة سريانه ووصوله بسرعة للأجزاء البعيدة زي الكامات في وش السلندر مثلا.

تاني حاجة... طول مدة الخدمة .. لإنه مش بيتحلل بسهولة مع الحرارة المتطرفة (العالية جدا أو المنخفضة جدا)... وإن كان الموضوع ده تحديدا له حاجات بتأثر فيه (زي نوع زيت الأساس).

تالت حاجة... تقليل مقاومة الحركة لإن جزيآته كلها متشابهة.. وبالتالي بناخد قوة أعلى من الموتور واستهلاك البنزين بيقل.

أنا معرفش حضرتك اخترت الزيت التخليقي بناء على إيه... بس رأيي إنك ترجع للكتالوج الأول علشان نشوف إيه الزيت المناسب لعربيتك.

...

**borio1704** · 24-04-2015 11:29 PM

المشاركة الأصلية كتبت بواسطة kar!m

يجب دي يعني لازم ولا يحبذ؟

لا مش لازم.. إنما يحبذ.. لسبب بسيط... إن تغيير الزيت على مسافات أقل من كده مش هيفيد الموتور بحاجة..

كل اللي احنا بنعمله إننا بنرمي فلوس على الأرض في حاجة كان ممكن نستفيد بيها أكتر من كده.

وحتى لو قلنا إننا بنعمل الكلام ده على سبيل الوقاية... فالصانع نفسه قايل 5000 كم على سبيل الوقاية بردو..

يعني الزيت (المعدني) ممكن يطول في الموتور أكتر من كده.

الحقيقة الواحد بيشوف مبالغات مالهاش معنى .. مثلا.. في أمريكا بيقولوا تغيير الزيت يكون على 3000 ميل... إحنا أخدناها وحولناها لـ3000 كيلو... وبعدين الموضوع تطور وبقى كل 2000 كيلو.. وأحيانا كل 1000.. والكلام موروث من 50 سنة بدون أي إدراك إن الدنيا حوالينا بتتطور ... مش الزيوت بس.

...

**hugan** · 24-04-2015 11:47 PM

انا قررت من فتره وشغال علي كده
مفيش تغيير قبل 15 الف
للزيوت التخليقيه

-

-

-

الموضوع: حقيقة الزيوت التخليقية

LinkBack

أدوات الموضوع

عرض

-

-

-

-

-

-

المواضيع المتشابهه

الزيوت التخليقية ... هل هي تخليقية فعلا؟؟

معلومة على الماشى عن الزيوت التخليقية

الزيوت التخليقية للسيارات القديمة

فيديو مهم عن الزيوت التخليقية والعادية

هل الزيوت التخليقية غير مناسبة لبولو؟

الكلمات الدلالية لهذا الموضوع

المفضلات

المفضلات

ضوابط المشاركة