الموضوع: يا جماعة عاوز اعرف متوسط مصاريف سيارة فابيا في الشهر كام ؟

مينفعش السؤال ده .
لان ده يتوقف على امور كتير :
اولا حالة العربية و عدد الكيلومترات اللى مشيتها
ثانيا طريقة سواقتك السحب والفرص على العربية و المحافظه عليها فى المطبات
ثالثا النصيب يعنى ممكن لا قدر الله زى ما حصل معايا فى عربيه بتاعتى قبل كده كركونة تحت البيت على ناصية شارع جانبى ورا عمود جنب رصيف ارتفاعه 50 سم و جه ميكروباص طلع فوق الرصيف و نزل عليها .

رابعا : الاعطال غير المتوقعه يعنى ممكن تكون العربية زيرو و يظهر فيها مشكلة فجأة

- هي عربية حالتها كويسة ماشية 120 الف كيلو
- السواقة انا هادي مش بحب الجري ولا البهدلة وبحب احافظ على جدول صيانة دوري
- النصيب بقى والاعطال الغير متوقعة ربنا يستر :d عشان انا مش حمل مشكلة زي كدة :'(

بس كمصاريف تشغيل وصيانة وقطع غيار في المتوسط هقدر عليها وانا مرتبي 1500 ؟ ممكن في المتوسط العام والعادي مصاريفها تكون كام في الشهر ؟

مثلا يا جماعة المتوسط كام ؟!
اي حد معاه فابيا متوسط مصاريفه عليها في الشهر والسنة غير البنزين والزيت كام ؟ صيانات ومشاكل بتقابله وكدة

برضه انت مقلتش حتمشى كام كيلو مثلا فى اليوم يعنى لو حتمشى 200 كيلو فى اليوم يبقى حتحط صفيحة مثلا كل يوم يبقى 30*20*1.6 = 960 جنية بنزين كل شهر

السؤال مينفعش زى واحد بيسأل هو صفيحة البنزين تمشينى كام يوم اقله لو انت ماشى بسرعة 150 على الطريق مش حتكفيك ساعتين ولو انت بتعمل مشوار 20 كيلو كل يوم حتكفيك 10 ايام

ارجو انك تكون فهمت قصدى ايه الموضوع نسبى جدا

وبعدين لو حضرتك لو عامل ميزانية 1500 كل شهر اكيد حتكفى انما حضرتك بتقول مرتبك 1500

ازاى نعرف انت حتصرف كام مصاريفك و عامل كام مصاريف للعربية ؟؟؟؟

يعنى مثلا حضرتك لو احتاجت كاوتش سعر الفردة البردجيستون دلوقتى حوالى 500 جنية