مــا هو رأيــكم فى بيــجو 305 موديل 1979

**nabaster** · 13-11-2008 08:29 PM

السلام عليكم
يا شباب والله معارف اقولكو ايه علي مساعدتكو دي
علي قد ما انا مبسوط بيكو وبأرأكو بس مش مبسوط اني مش هاخد العربيه دي :( :(
بانيت عليها امال كتير فعلااااا
والي اكتر من كده اني بذلت كل ما هوا غالي ورخيص في سبيل اقناع الحاج
حلوه غالي ورخيص دي :d :d
عموا انا هقعد كده مع نفسي انهارده وهشوف هعمل ايه انا تقريبا اقتناعي بيها قل جدا جدا
عموما الي فيه الخير يقدمو ربنا بشكرك يا احمد باشا زكريا علي تعبك وطبعا مش هنسي اسلام بيه واد عمي
اسلام متنساش توصلي سلامي لاكسبيرت

**nabaster** · 14-11-2008 11:52 AM

اولا اسف علي التكرار ومش عارف ده حصل ازاي .

نور باشا منورني بنفسو :k20: يادي الايت يادي الايت :D
اهلا بيك يا عم وبكل ناس سوهاج اسلام باشا بردو من سوهاج علي فكره
اقولك يا نور طيب ما اقولك علي اقتراح متعمل في الناس الي معاك في نادي البيجو مقلب كده ولحظه متتجمعو في المقابله تشدهم علي اسيوط :D :D
والله يا نور هعمل معاكو احلي واجب وكمان اسلام بيدرس هنا فهتبقي فل يعني نفسي قلتلك احضر مقابله مش عااااااااارف
شكرا يا نور علي رأيك انا لسا بردو مش عارف اخد قرار بيني وبينك البتاعه دي فيها تسهيلات شويه ودي الي مساعدني بعد ما الحاج باعني والحمد لله هوا وافق من حيث المبدأ تقريبا بس بردو باعني
عموما ربنا يسهل انا بحاول اكرهها والله مش عارف

**kzizo** · 05-12-2008 04:41 PM

أنا مش عارف ليه في ناس كتير بتذم في ال305 أنا معايا واحده عيوبها الوحيده :قطع غيارها قليله غاليه شويه بس والله لما بتكون ماشيه بحس إني راكب عربيه حرير علي الطريق أنا هموت وأجيبها جنوط سحبها حلو إستهلاكها في البنزين قليل ما أقدرش أفيدك في موضوع الموتور

**hesham_shousha** · 11-12-2008 11:46 PM

عن تجربتى الشخصيه
معايا 305 موديل 79 من سنه 84 والسياره ممتازه ومريحانى جدا ولا افكر ابيعها ابدا لكن عيوبها مايلى :
قله الميكانيكيه اللى يفهموا فيها
بعض قطع الغيار غير متوفر الا فى الوكاله مثل الدينامو والمارش وقواعد الفوانيس الاماميه ولكن معظم قطع الغيار متوفره جديده
مصاريف هذه السياره مرتفع عن السيارات التى ستجدها بنفس السعر لكن مقابل ذلك فإن قطع غيارها معمره عن هذه السيارات
استهلاكها للبنزين لا يتعدى 180 كيلو فى الصفيحه
سرعتها القصوى لا تتعدى 120 كيلو متر فى الساعه

**kzizo** · 12-12-2008 03:27 PM

أنا الي معايا كانت مع والدي من 79 وكانت مرفوعه تقريبا معظم عمرها فبعدي بيها ال120 بسهوله

**walids** · 21-12-2008 01:58 PM

أنتم قلقتوني يا شباب . أنا كنت ناوي برده أشتري بجو 305 خاصة أني الفلوس اللي معايا في حدود 16 ألف جنيه .. يعني كده أبعد نهائي عنها ؟
و تنصحوني أشتري نوع أيه من البيجو في حدود الفلوس اللي معايا ؟

**fakhry** · 21-12-2008 03:39 PM

المشاركة الأصلية كتبت بواسطة hesham_shousha

عن تجربتى الشخصيه
معايا 305 موديل 79 من سنه 84 والسياره ممتازه ومريحانى جدا ولا افكر ابيعها ابدا لكن عيوبها مايلى :
قله الميكانيكيه اللى يفهموا فيها
بعض قطع الغيار غير متوفر الا فى الوكاله مثل الدينامو والمارش وقواعد الفوانيس الاماميه ولكن معظم قطع الغيار متوفره جديده
مصاريف هذه السياره مرتفع عن السيارات التى ستجدها بنفس السعر لكن مقابل ذلك فإن قطع غيارها معمره عن هذه السيارات
استهلاكها للبنزين لا يتعدى 180 كيلو فى الصفيحه
سرعتها القصوى لا تتعدى 120 كيلو متر فى الساعه

وهي لما تعمل 180 في الصفيحة تبقي بتوفر انا و الله عربيتي بتعمل 300 في الصفيحة و بجيب بيها 180 و دة مش الاخر بتعها و1600 سي سي مش 1300

**walids** · 24-12-2008 12:49 PM

طيب يجماعة الان للناس اللي ردت في الموضوع و معاها بيجو 305
قدامي فيات 128 موديل 79 و قدامي بيجو 305 موديل 79
أشتري أي عربيه فيهم ؟؟ .
انا مايل للبيجو 305 بس كده اتحيرت جداً و قلقت ، مع أني حاسس انها كويسه . أنتم تنصحوني بإييه ؟