مــا هو رأيــكم فى بيــجو 305 موديل 1979

**nabaster** · 11-11-2008 04:49 PM

الاول احب اهني الاداره والاعضاء علي المنتدي الروعه ده
وكلمة روعه اقل كلمه تتقال في منتدي زي ده . انا اصلا مليش في المنتديات
بس من ساعت معرفت المنتدي ده وده من حوالي اربع شهور تقريبا مبسيبوش حتي وانا بكلم خطيبتي ببقي فاتح السايت وبقرا فيه :D :D :D بجد بشكر كل الاعضاء الي هنا علي المواضيع الي فعلا استفدت منها واكيد افادت ناس كتير علي فكره انا عاشق لميكانيكا العربيات معايا 504 الحمد لله عارف فيها اقل مسمار والاستاذ Xpert زودلي معلوماتي بردو وطبعا الزعيم بتاعنا هاني فلاينج ولوزه الي متهيالي هيحبها اكتر من بنتو :D وطبعا ممدوح باشا الي بهنيه علي المشاريع بتاعة التعديل الجميله وبجد ربنا يكرمو اكتر واكتر تقريبا كل الاعضاء كل واحد ليه استايله في تقديم المعلومه وليه كمان جزء معين في العربيه بيفهم فيه بجد بس تقريبا التلاته دول الي اعلاااااام هنا بجد في بردو واحد ناسي اسمو وده كان ليه تعليق قال فيه قبل كده انو مركب عربيه علي عربيه (كنايه عن الكماليات الكتير الي فيها) ده بردو عجباني جدا موضوعاتو وتعليقاتو الي بجد ساعات تهلك من الضحك علي فكره يا جماعه انا صعيدي من اسيوط نفسي بجد كنت احضر المقابلات بتاعتكو بس هيا يمكن بتيجي في اوقات كده معلش ما علينا هتتعوض قريب
طبعا انا دخلت في مقدمه طويله اوي اوي بس بجد انا لسا موفتش حق المنتدي ده ولا الاعضاء الي فيه والاعلام الي فيه كمان
طبعا قسم بيجو ده اول حاجه ببص فيها اول ما بفتح السايت
معلش بقي في الاخر كنت عايز بس أخد رأيكو في حاجه
انا حاليا معايا مبلغ كده علي قدي يادوب قدامي 305 موديل 79 عربيه فبريكه دواخل وفتحة سقف و أزاز كهربا امامي العربيه لسا بتتشد دوكو وسمكره وفرش من جوه يعني هتبقي بأذن الله فل المهم صاحبها عايز يبيعها وبيتكلم في 15 المهم في الاخر ممكن تخلص علي 13 ايه رأيكو في عربيه زي كده؟
ولو بعدين فكرت اسقطلها موتور 405 حاجه اكتر من 1800 سي سي
تستحمل؟
طبعا بالعفشه بالفتيش بالضفيره
ايه رأيك يا هاني في موضوع زي كده وادوس في الحوار ده ولا استني شويه
بصراحه العربيه داخله دماغي
وعارف ان عيوبها كلها في موتورها طيب اهوه اتسقطلها موتور
كده عيوبها اتلاشت؟
ياريت مكونش طولت عليكو واقبلوني بقي لو جبت العربيه دي عضو جديد في العصابه معاكو

**nabaster** · 13-11-2008 06:08 AM

شكرا يا بي علي ردك جدا وعلي فكره انا غفلت عنك ازاي مش عارف وبجد مواضيعك فل طيب هتصدق بأيه كنت لسا في سيرتك امبارح علي طول كنت في المرور واتسحلت سحله نيله وافتكرت موضوعك والله شوفت بقي الصدفه
بص يا باشا عموما انا باخد رأيكو كنت بقول انا الموتور لو اتغير هتضيع مشاكلو لان المشاكل كلها الي سمعتها كانت عن صوت الموتور والتكتكه الي فيه الي علي ما اظن جايه من عمود الكامه (قريت انها مشكلة صناعه).
عموما شكرا تاني علي رد واهتمامك ومستني رد بقية اعضاء العصابه
هما راحو فين بقي علي فكره هما اتاخرو هاني بيه تعالي بس علينا وساندوتشك موجود :D
مستني ردك يا MMamdoh مع اني مش عارف ليه حاسك متخصص دايو

**م.احمد زكريا** · 13-11-2008 07:57 AM

بالنسبة لموضوع تسقيط موتور 405 هو ممكن بس في مشكلة في موديل 1979 ان الحوض بتاعه ضيق
يعني لو موديل بعد 1980 ممكن لأن الحوض أوسع وأنا شفت عربية مركبة موتور 405 بس كانت موديل 1984

**nabaster** · 13-11-2008 08:27 AM

احمد باشا تسلم علي ردك واهتمامك بالموضوع
بس في حاجه اول مره اعرف ان ممكن حوض موديل معين يختلف عن حوض موديل قبلو
عموما العربيه انا كنت لسا ببص عليها امبارح وفاضلها تلات تيام سمكره
وبعدين هتدخل دوكو انا لسا مش عارف ادي كلمه للراجل خصوصا اني عايز اغير لونها
لونها ابيض ومش عارف اغيرو لايه عايز حاجه من مشتقات الرصاصي وتقريبا هيبقي ميتالك
مستني بردو اشوف راي باقي اعضاء العصابه وشكرا للي اهتم بالموضوع

**nabaster** · 13-11-2008 08:33 AM

اسلام باشا البنا وصلتني البرايفت ماسج بتاعتك يا وااااااااااااااااااد عمي
انا اتشرف بردو بمعرفتك يا صعيدي وعموما ضفتك علي ايميلي الياهو يا جميل
واهلا بكل ناااااااااااااس هندسة اسيوط
هستناك علي الايميل ومستني بردو تقولي رايك في الحوسه الي انا فيها دي :d :d :d :d :d
سلامي لكل اعضاء العصابه ومستني رايك يا حاج منك ليه

**م.احمد زكريا** · 13-11-2008 09:05 AM

الصورة دي فيها الحوض الضيق الي كان في عربيتي موديل 1979

وديه صورة الحوض الواسع

**nabaster** · 13-11-2008 02:34 PM

يا احمد بيه والله معارف اقولك ايه علي تعبك بس واهتمامك بالموضوع ورفعك للصور
بس يا باشا مأخدش بالك من حاجه؟
شايف وضع الهوايات الي ورا غطا الكابوت الي في ناس بيسموها المرايا
الصوره الاولانيه دي علي ما اظن هوايات 304
وبردو باينه من شكل الفوانيس
وبردو الصوره التانيه فيها هوايا فيبر
متهيالي ال 305 مفيهاش هوايات اصلا الكبوت فيها لغاية الأزاز
بس بردو المواتير في الصورتين بالعرض يعني امامي تقريبا
عموما العربيه الي ببص عليها 305 srt فمش عارف ده هيفرق عن العادي في ايه
عموما يا باشا بشكرك تاني علي تعبك والله اعلم كلامي صح او لا
وبردو عايز رأيك بما انك بتقول كان في عربيتك العربيه اخبارها ايه معاك واعطالها كانت عباره عن ايه؟؟؟؟
ياريت يا باشا تفيدني وبجد بشكر كل الي رد واهتم بالموضوع

**nabaster** · 13-11-2008 08:29 PM

السلام عليكم
يا شباب والله معارف اقولكو ايه علي مساعدتكو دي
علي قد ما انا مبسوط بيكو وبأرأكو بس مش مبسوط اني مش هاخد العربيه دي :( :(
بانيت عليها امال كتير فعلااااا
والي اكتر من كده اني بذلت كل ما هوا غالي ورخيص في سبيل اقناع الحاج
حلوه غالي ورخيص دي :d :d
عموا انا هقعد كده مع نفسي انهارده وهشوف هعمل ايه انا تقريبا اقتناعي بيها قل جدا جدا
عموما الي فيه الخير يقدمو ربنا بشكرك يا احمد باشا زكريا علي تعبك وطبعا مش هنسي اسلام بيه واد عمي
اسلام متنساش توصلي سلامي لاكسبيرت

-

-

الموضوع: مــا هو رأيــكم فى بيــجو 305 موديل 1979

LinkBack

أدوات الموضوع

عرض

-

-

المواضيع المتشابهه

مــا هــو رأيــكم فى سيترويـــن AX

محتـــاج رأيــكم فى بيــجو 307cc معــروضة للبيـــع

مــا هــو رأيــكم فى الأستـــــرا إنجــــوى؟

مــا هو رأيــكم فى مركــز خدمـــة إخوان مقـــار؟

مــا رأيــكم فى C180 موديل 1998

الكلمات الدلالية لهذا الموضوع

المفضلات

المفضلات

ضوابط المشاركة