http://www.youtube.com/watch?v=SMf366gpl0Y
أكيد معظمنا شافو المقطع ده ...لكن حبيت اللى لسه ماشافوش يعرف معنى الميجان بتاعته و على لسان The Hamster
http://www.youtube.com/watch?v=SMf366gpl0Y
أكيد معظمنا شافو المقطع ده ...لكن حبيت اللى لسه ماشافوش يعرف معنى الميجان بتاعته و على لسان The Hamster
و ده باعتبار إنها سيارة عائلية متوسطة....ليست سيارة فارهة
يعنى لا هى كاديلاك و لا S-Class
و تحب تسوقها رغم إنها مش رياضية الطابع زى الهوندا مثلا
أجمل شىء إن الشركة الأم مهتمة بمنتجاتها فى الأسواق المختلفة...يعنى سعرها المعقول ده شىء متحقق فى السوق المصرى و السوق السعودى ( حسب كلام اللى اشتروا من هناك زى رامى ) و السوق القطرى ( ليه واحد صاحبى هناك )
و خدمة العملاء الجيدة سياسة مطبقة أيضا فى مختلف الأسواق ( لاحظ لما أعطو لرامى عربية لحد ما استلم عربيته ) ................و كلنا عارفين الموضوع ده http://www.nilemotors.net/Nile/showthread.php?t=23253
و أيضا معظمنا عبر عن رضاه عن مستوى الخدمة فى EIM ...
شىء مطمئن إنك تكون عارف إن اللى باع لك علاقته بيك لازلت مستمرة و اهتمامه بيك لم ينتهى عند مجرد اتمام الصفقة بل استمر لما بعد البيع و الاهتمام يتعدى مستوى الوكيل المحلى بل يصل حتى الصانع الأصلى
الحقيقة ممكن كلامي يزعل أصحاب الياباني بس أنا مش قادر أقتنع إن اليابانيين بيضورو على راحة الإنسان النفسية في العربية وبحس انهم بيتعاملو مع الإنسان كأنه مجرد آلة محتاج وسيلة نقل , وهو ده الأساس اللي بيمشو عليه في عربياتهم .. ده مجرد إحساس شخصي وأتمنى إن محدش يتضايق .
وجايز العامل الآخر هو كون والدي قعد فترة في انجلترا وتشرب من الطباع الاوروبية و ربى جوايا حب أوروبا ومنتجاتها .. أنا الحقيقة مش قادر أفسر السبب بس فعلا عمري ما فكرت في حاجة زي كده لأني بعتبرها من الأمور المسلم بيها إن المنتج الأوروبي هو المنتج الأول دائما ..
ويا باشا بشكرك على زوقك العالي في الكلام و ربنا يديم المحبة على طووووول.
كل الناس تحوش الحكايات بتاعتها لحد التجمع الجاى ولا ايه بس المفروض تنتخبونى انا و هانى أكثر اتنين رينويه فى المنتدى:smartass: علشان كل منا عندو كليو وميجان على العموم انا بهزر يلا شدو حيلكو علسان نظبط التجمع الجاى علشان أعرف أظبط مع الناس ال حتيجى معايا
مع تحياتى وسلامى للجميع
د/أكمل حمدى عبدالله
إيه الموضوع الجميل ده :) ... بجد الرينو مفروض تاخد جايزة على كمية المشاعر اللي بتطلعها من الواحد ..... قصائد غزل و لا أجمل و لا أروع من الوحوش رامي باشا و محمد باشا و هاني باشا و أكمل باشا .....
رامي باشا ألف حمد الله على سلامة العائلة الكريمة من الحادثة ديه ..... بس أنا حاسس انها مش قصة حزينة ..... ديه قصة بطولة .... بامر الله سبحانه العربية فاديتكم زاي أي بطل في ملحمة .... ربنا يحفظ الجميع و يكفينا جميعا شر الطريق
موضوع الفرامل ده حصلي في السيريون طلعت بيها عالمحور و انا لسة مخدتش عالفرامل و كانت شديدة أوي .. بهدي العربية لقيت الفرامل قفشت و العجل صرخ في الأرض و سامع الناس ورايا بتفرمل قلت بس العربية راحت و انا رحت و كله راح .. الحمد لله كان ورايا واحد سايق هوندا سيتي بيفهم شوية فاداني .. و عدا علي خير و قولتلها إيه يا حجة سيريون مش كدة !!!
أول علاقة بيني و بين الكليو كانت فضيحة .. كنت سارقها من الجراج و كانت فضيحة .. انا معتمد إن والدي مش نازل في اليوم ده .. و خرجت بيها و رجعتها سليمة و الحمد لله .. تاني يوم بقي والدي نازل .. بيدي فلوس للراجل في الجراج قاله خلي يا بيه ما كفاية البيه الصغير دفع !! ابويا بقي "البيه الصغير دفع!!؟" .. بعد كدة لقي واحد صاحبه جي يسلم عليه .. أهلااااااا إزيك و الله شفت العربية إمبارح قعدت أنده عليك بس بصيت لقيت محمود اللي سايق .. أبويا "!!!" .. طلع بالعربية .. البقال اللي علي أول الشارع .. إيه يا حج إنت شكلك تعبت من السواقة و هتخلي محمود يسوقلك بعد كدة .. يا ولاد ال ..
المهم مصر كلها شافتني في اليوم ده و كانت أخر مرة أسرق العربية و إستنيت لحد ما طلعت رخصة و بقيت أخدها بالذوق لحد ما جبت السيريون .