و ايه البوجيهات دى ؟
كده حضرتك مالكش خبرة خالص فى العربيات
يبقى لازم واحد ميكانيكى (أمين) أو واحد صاحبك أو قريبك بيفهم فى العربية يكشف عليها.
تكشف على الصاج و الدواخل و القوايم و ينزل تحتها و يشوف العفشة فى شارع مكسر و يجربها على طريق سريع يشوف فيه صوت من الكرونة أو الفتيس و لا لأ
بعد كده يشوف من بخر الزيت و حالة البوجيهات حالة الموتور بالتقريب.

و حضرتك محتاج تتابع منتديات العربيات شوية علشان الصنايعية لما بيلاقو واحد مش فاهم بيتحولوا لنصابين.
و تقف جنب الصنايعى و هو شغال تشوف بيعمل إيه و تسألنا هنا و تفهم.

مبدئياً البوجيهات هيا البتاعة الخزف اللى راكبة فى الموتور من الجنب و راكب فيها أسلاك (كابلات)
عددهم 4 و إوعى تلعب فى توصيلات الأسلاك دى مكان بعضها, ليهم ترتيب معين فى التوصيل
دى أبسط حاجة ممكن تتفك و تقولك موتورك من جوه حالتة إيه بالتقريب.

أعانك الله