تقرير سريع عن الrenault sandero step way auto. 2015

**mhkorayem** · 06-06-2015 08:31 PM

المشاركة الأصلية كتبت بواسطة moh.saladin

بص زى ماقولتلك فى الاول العربية حلوة بس حتفرق على حسب انت كنت راكب ايه قبليها ، بالنسبة للريو انا شايفها احسن واريح فى السواقة عن الستيب واى فى تلات حاجات اساسيين اول حاجة باور الدريكسيون الريو انعم بكتير اوى تانى حاجة نقلات الفتيس سلسلة اوى فى الريو ومش حتحس بيها خالص على عكس الستيب واى تالت حاجة استخدام كماليات العربية فى الريو اسهل زى مثبت السرعة مثلا او ضبط المرايات كهربيا او ضبط ارتفاع كرسى السواق وكمان صوت ماتور الريو اهدى كتير اما بالنسبة للستيب واى فيها ميزتين كويسين اوى العفشة بتاعتها انعم من الريو وكمان العربية عالية اوى اوى عن الارض فا مفيش مشاكل خالص مع المطبات والحفر انا عن نفسى لما بروح الشغل باخد الستيب واى عشان شغلى فى العامرية والحتة هناك مكسرة اوى اما لو جوة البلد بفضل الريو اكتر

شكراً ليك جداً
وربنا يعمل اللي فيه الخير ان شاء الله

**MoH.SaLaDiN** · 12-06-2015 01:44 AM

لا شكر على واجب وربنا يوفقك للخير

**MoH.SaLaDiN** · 24-06-2015 02:08 AM

يا جماعة انا لما بحرك الدريكسيون يمين او شمال والعربية واقفة بلاقى رعشة جامدة فى الدريكسيون فهل ده عادى ولا ايه الموضوع ده غريب اوى الصراحة

**MoH.SaLaDiN** · 01-07-2015 02:04 PM

فين رجالة السانديرو واللوجان ولا الصيام اخدكم مننا

**mmtronic** · 02-07-2015 10:03 PM

المشاركة الأصلية كتبت بواسطة moh.saladin

فين رجالة السانديرو واللوجان ولا الصيام اخدكم مننا

كل سنه و انت طيب

بخصوص الدريكسيون ده طبيعى عندنا كلنا ( لوجان و استيبواى ) رعشه لما تلف الدريكسيون و ألعربيه وافقه مع هزه خفيفه فى الآر فى ام

فى واحد كان كتب على الفيس بوك ان الموضوع ده بيروح لما يشد السير بتاع طلمبه الباور - ليسه مجربتش

أنا بس عايز أسالك على حاجه

ممكن وانت سايق و توصل بالسرعه ل ٧٠ كم تقولى اذا كنت بتسمع ونه زى الصفارة الرفيعه كده ( زى صفاره الودان لما ودانك تصفر ) يبكون مصدرها الجيربوكس

أبقى أقفل الازاز و الكاسيت علشان تسمع بوضوح لو فيه صوت و قولى عندك الصوت ده و لا لا