اعادة بيع العربيات الصينى

**تيمور والى** · 09-05-2015 12:13 AM

هل فعلا العربيات الصينى بتنزل من سعرها كتير عند اعادة بيعها؟

**Abo_Mazen** · 09-05-2015 12:51 PM

هي عقيدة وفكره عامه ..إن الصيني سعر إعادة بيعه واقع ..وخصوصا لما تقارن بالكوري والفرنساوي ..هتلاقي اللي شاري كوري يروح يرخص ويركب سنة ويخسر فيها خمس تلاف جنيه وممكن أقل ..هتلاقي اللي شاري صيني يروح يرخص ويركب ست شهور ولما ييجي يبيع يبقى مطلوب منه يخسر عشر تلاف ويمكن أكتر

**akmm** · 10-05-2015 11:56 AM

المشاركة الأصلية كتبت بواسطة m_m_sh_a

هي عقيدة وفكره عامه ..إن الصيني سعر إعادة بيعه واقع ..وخصوصا لما تقارن بالكوري والفرنساوي ..هتلاقي اللي شاري كوري يروح يرخص ويركب سنة ويخسر فيها خمس تلاف جنيه وممكن أقل ..هتلاقي اللي شاري صيني يروح يرخص ويركب ست شهور ولما ييجي يبيع يبقى مطلوب منه يخسر عشر تلاف ويمكن أكتر

ده حقيقى .................. وهيتغير مع مرور الوقت زى ماكان بيحصل مع الكورى وقت نزوله في البدايه لمصر .

**miam0502788391** · 10-05-2015 12:38 PM

لسه الناس متعوتدش على الصيني حتى بعد 10 سنين رغم أن الصيني في سياسات كتير أثبت كفاءة زي الإسبرانزا. و
البي واي دي

**rockycar** · 11-05-2015 03:14 PM

مافيش افشل من الصينى

**Abo_Mazen** · 11-05-2015 03:59 PM

المشاركة الأصلية كتبت بواسطة akmm

ده حقيقى .................. وهيتغير مع مرور الوقت زى ماكان بيحصل مع الكورى وقت نزوله في البدايه لمصر .

ياباشا ما هو الصيني اللي بقاله عشر سنين في مصر مش كل الفئات ..يعني العربيات اللي بقالها عشر سنين في مصر يدوب هي الإسبرانزا a516 والإسبرانزا A620 ويمكن نوع تاني أكون مش فاكره دلوقتي ..لكن الكوري داخل معانا في 30 سنة أهو ..بداية من الهيونداي بوني على الأقل ..يا ترى بقى ..الصيني هيكمل تلاتين سنة ماشي على الأرض ..أصل أنا بشوف عربيات صيني موديل 2007 شكلها بيبقى صعب قوي ..من حيث حالة الصاج مثلا ...ممكن يكون إهمال مالك ..لكن برضه بحس إنها هي لما بتقدم ما بتبقاش ماسكه نفسها ..زي الكوري برضه ..لما بيقدم تحسه ما بقاش ماسك نفسه في الحالة ..ضيف لكده بقى ..إن ده صيني مش كوري

**akmm** · 11-05-2015 04:13 PM

المشاركة الأصلية كتبت بواسطة m_m_sh_a

ياباشا ما هو الصيني اللي بقاله عشر سنين في مصر مش كل الفئات ..يعني العربيات اللي بقالها عشر سنين في مصر يدوب هي الإسبرانزا a516 والإسبرانزا a620 ويمكن نوع تاني أكون مش فاكره دلوقتي ..لكن الكوري داخل معانا في 30 سنة أهو ..بداية من الهيونداي بوني على الأقل ..يا ترى بقى ..الصيني هيكمل تلاتين سنة ماشي على الأرض ..أصل أنا بشوف عربيات صيني موديل 2007 شكلها بيبقى صعب قوي ..من حيث حالة الصاج مثلا ...ممكن يكون إهمال مالك ..لكن برضه بحس إنها هي لما بتقدم ما بتبقاش ماسكه نفسها ..زي الكوري برضه ..لما بيقدم تحسه ما بقاش ماسك نفسه في الحالة ..ضيف لكده بقى ..إن ده صيني مش كوري

يعنى ............... يدينا ويديك العمر ونشوف حال الصينى بعد 15 او 20 سنه ...............

**beko2010** · 11-05-2015 05:24 PM

الفكرة كلها تنحصر فى الوكيل ....زى الكورى اللى رفعها فى مصر الوكيل والصينى خسف بيها الارض الوكيل !!

**gade2** · 13-05-2015 02:26 PM

فعلا فى عربيات سعر اعاده البيع واقع بشده وهى العربيات اللى واخده سمعه لاننا ماششين بالسمع
تعرف دا ازاى لما تسال حد على العربيه ويقولك لا لا ابعد عنها وكمان لما تدخل على موقع زى كونتكت تشوف اسبيرانزا فول اوبشن وموديل 2008 وسعرها ااقل من عربيه يابانى موديل 91

**Abo_Mazen** · 13-05-2015 03:16 PM

المشاركة الأصلية كتبت بواسطة gade2

فعلا فى عربيات سعر اعاده البيع واقع بشده وهى العربيات اللى واخده سمعه لاننا ماششين بالسمع
تعرف دا ازاى لما تسال حد على العربيه ويقولك لا لا ابعد عنها وكمان لما تدخل على موقع زى كونتكت تشوف اسبيرانزا فول اوبشن وموديل 2008 وسعرها ااقل من عربيه يابانى موديل 91

بس قول الإسبرانزا تعيش قد الياباني الموديل 91 ما عاشت ..هو الصيني كله عموما لسه في نطاق التجربه..وأنا عن نفسي ما بعتبرش الصيني ثبت وجوده غير لما يعدي عليه تلاتين سنة ..زي الكوري وبقيت العربيات ..وهو الكوري أصلا بيوصل لتلاتين سنة وتقول عليه كفاية كده ..وعندك مثلا الإكسيل ...صعب قوي قوي قوي إنك تلاقي إكسيل واقفه على حيلها ..غير لو بتاعة حد وهو اللي شاددها عشان يركب ..