الموضوع: رساله من الغول الألمانى....*** أوبل إنسيجنيا ***

المشاركة الأصلية كتبت بواسطة ali ashraf

شكرا للتقرير الجيد الممتلئ بالتفاؤل و الحماس ولا جدال ان السيارة ممتازة ولكن....المشكلة فى الغول المصرى ...ذلك الغول الذى يطيح بكفاءة السيارات بالذات الحديثة ذات المحركات التربو و معامل انضغاط عالى , و الغول المصرى متعدد الازرع يبطش بها هناك و هناك لكل من تسول له نفسه شراء عربية"محترمة" و كفا ما حدث فى المرسيدس و الفولفو و الغول الالمانى و ربما القشقاى ايضا.....الغول المصرى موجود فى اصحاب محطات البنزين معدومى الضمير يلعب فى نقاء البنزين و درجة الاوكتين ضاربا بعرض الحائط مقدار الضرر الحادث للمحركات ( السبب الرئيس لخروج مرسيدس من مصر و غالبا سيتبع بشركات اخرى) و ذراع آخر للغول متمثل فى شوارع لا يصح ان يطلق عليها لقب شارع و ربما لقب مدق تكريم لها, و غول الاستهتار بالعميل اللى اشترى السيارة و بعد كده يخبط راسه فى الحائط ( مع الاعتذار للحائط) , و ذراع التسيب فى اجهزة الرقابة على حماية المستهلك " ربما لنقص الامكانيات و ربما لقوة رجال الاعمال و ربما لعدم و جود ارادة فاعلة لحماية المستهلك وربما...هنعد لبكرة) , الحقيقة ان استخدام التكونولوجيا المتطورة يحتاج دعم موازى فى مناحى كثيرة ترفع مستوى كفاءة هذه التكونولوجيا و المتمثلة هنا بالسيارات الحديثة و من هنا كان الفارق بين تقارير نجاح تلك السيارات بالخارج حتى دول الخليج و المشاكل الكثيرة و المتعددة فى مصر المحروسة , بصراحة انا بشكل راى من جديد فى نوع العربية "المناسبة" للشوارع المصرية و للبنزين المصرى و لنظام الصيانة المصرى و يمكن لو عشت فى المانيا هفكر بشكل ايجابى اكثر فى الغول الالمانى......انما فى مصر ربنا بقى يقدرنى على الغول المصرى.

كلامك يرفع له القبعه بجد...وهو ده اللى كنت اقصده ان العيب مش فى العربيه قد ما العيب فى بلدنا من غش وتزييف وعدم ضمير ولا امانه فى اى حاجه فى البلد ولما نيجى نعيب او ننتقد ننسى اننا اساس المشكله....

ربنا يعينا ويقدرنا على العيشه فى بلدنا بالظروف اللى هى فيها

المشاركة الأصلية كتبت بواسطة hossam_elwani

رائع .... موضوع رائع

شكرا يا فندم

المشاركة الأصلية كتبت بواسطة ayman hamdy

ممتااااااز

تسلم يا باشا...شكرا

المشاركة الأصلية كتبت بواسطة ameros

روح يا بني الله يكرمك بالتقرير اللي الواحد كان نفسه يشوفه من زمان عشان بس الناس اللي عندها مشاكل نفسيه تهدي وتلعب بعيد

للأسف لا عمر اللى عندهم مشاكل نفسيه حيخفوا ولا عمرهم حيقتنعوا بالإنسيجنيا


فخلينا نستمتع بعربياتنا،،،وخليهم يهروا مع نفسهم

تم تدارك الموقف تماما فى موديلات 2015 بتعديل فى ال hardware & software للموتور الجديد بتقليل نسبه انضغاطه لتصبح 9:5:1 بدلا من 10:5:1 وبالتالى بقت تمشى ببنزين 92 دون ذره قلق ولم تسجل اى حاله حتى الان فيها مشكله

كل نقطه فى معدل الانضغاط تساوى 3 حصان و دول عشر نقط ب 30 حصان فهل السياره لا زالت 170 حصان ام اصبحت 140 ؟

عشان تتباع بسعر بخس ويركبوا عربيه مكنوش يحلموا بيها بالسعر ده

ملوش لازمه الكلام ده يا كبير .. فى شباب كتير راكبين عربيات غاليه من غير ما يتعبو فى القرش دادى بيديهم مصروف و بيجبلهم عربياتهم و مدلعهم ده كان اولا
ثانيا العربيات فى مصر كلها و بلا استثناء اوفر برايس اغلى من سعرها كتير جدا يعنى المصرى بيركب العربيه اغلى من الكويتى و السعودى و الامريكى
و زى ما قولتلك الشباب اللى دادى بيديهم مصروف مش شايفين ان دى مشكله بالعكس شايفنها حاجه لذوذه
ده لانهم متعبوش فى القرش

المشاركة الأصلية كتبت بواسطة banzai

كل نقطه فى معدل الانضغاط تساوى 3 حصان و دول عشر نقط ب 30 حصان فهل السياره لا زالت 170 حصان ام اصبحت 140 ؟

انا معرفش بصراحه ايه مدى صحه المعلومه اللى انت قولتها دى لكن واثق ومتأكد تماما ان موتور 2015 ما زال 170 حصان وده المثبت فى المانيوال بتاعها

ملوش لازمه الكلام ده يا كبير .. فى شباب كتير راكبين عربيات غاليه من غير ما يتعبو فى القرش دادى بيديهم مصروف و بيجبلهم عربياتهم و مدلعهم ده كان اولا
ثانيا العربيات فى مصر كلها و بلا استثناء اوفر برايس اغلى من سعرها كتير جدا يعنى المصرى بيركب العربيه اغلى من الكويتى و السعودى و الامريكى
و زى ما قولتلك الشباب اللى دادى بيديهم مصروف مش شايفين ان دى مشكله بالعكس شايفنها حاجه لذوذه
ده لانهم متعبوش فى القرش

الكلام ده موجه للتجار او للى ليه مصلحه انه يخسف تمن العربيه وهو عارف قيمتها الحقيقيه اللى تستحقها...يعنى العربيه اما تكون ب 290 الف وبعد سنه يقولك 230 الف وهى عامله عدد كيلوات قليل معتقدش ان دى نصاحه او شطاره منه....

ومتفق معاك 100000000% ان اسعار العربيات هنا مبالغ فيها بغباااء عشان خاطر حكومتناالحراميه والضرايب اللى بتضرب فى جيب الوطن.....منتظر 2019 بفااااارغ الصبر عشان نتفرج على جشع التجار وهو بينتهى على ايدين اتفاقيه الغاء الجمارك على العربيات الاوروبيه