الموضوع: أستفسار لأهل الخبرة

السلام عليكم
العربية اللى معايا فيها مشكلة ومش عارف أصلها ايه
الموضوع باختصار انى أدور العربية سواء كان الصبح أو بالظهر أو بالليل مفيش أى مشكلة تدور عادى والدنيا زى الفل يادوب على ماأسخن العربية الاقى الموتور يرجرج ويطفى على السلانسيه مع انها كانت لسة من دقيقة دايرة زى الفل ولازم انتظر بعد الموضوع ده بتاع ربع أو تلت أو نص ساعة عشان ترجع طبيعية تانى وساعتها بتبقى دايرة زى الفل
أنا مش عارف ده عيب اية بالضبط لأنها بعد كده بتدور زى الفل والسلانسيه 10/10 ومش عارف اوديها للميكانيكى لأنى خايف على ما أروح له بتبقى زى الفل ويقولى العربية دايرة مفيهاش حاجة
فمش عارف ده كهربا ولا بنزين ولا ايه بالضبط
جزاكم الله خيرا

متابع

السلام عليكم
ايه يا جماعة 77 مرور ولا رد واحد
مفيش حد مر عليه الموضوع ده قبل كده أو حتى عنده فكرة عنه
برجاء من ذوى الخبرة حد يرد عليا
جزاكم الله خيرا

ممكن يكون بداية تلف الكوندنسر لانة بيبان على السلانسية وبعد كدة يعطل فجاة واما ان يكون الكاربراتير فى مشكلة او العربية واطية عاوزة تعليها شوية ربنا يوفقك

فى الغالب الكربيراتير محتاج ضبط و تنظيف

السلام عليكم
جزيل الشكر للاهتمام والرد
هل بدايةالاعطال دى تعمل كده لأن فيه حاجة مهمة ان العربية مش دائما فيها المشكلة دى ولما بتختفى الاعراض دى بتبقى دايرة زى الفل وماشية تمام التمام
عموما لكم جزيل الشكر

غالبا هيبقى عيب موبينه او كوندنسر،غير الكوندنسر وشوف هو رخيص جدا وتغييره سهل بس هات الفرنساوى او البولندى او الروسى وبلاش الايطالى واليابانى لانهم مضروبين وبالمره غير الابلاتين لانهم بيتغيروا مع بعض،وماتخليش حد يلعبلك فى الكاربراتير لانه لو مش مظبوط هيبقى فيه مشكلة فى الدوارة الصبح او السلانسيه،والموبينه مشاكلها بتبان فى الحر بالذات تلاقى العربيه بتقطع منك وتترجرج

المشاركة الأصلية كتبت بواسطة ahmscu

غالبا هيبقى عيب موبينه او كوندنسر،غير الكوندنسر وشوف هو رخيص جدا وتغييره سهل بس هات الفرنساوى او البولندى او الروسى وبلاش الايطالى واليابانى لانهم مضروبين وبالمره غير الابلاتين لانهم بيتغيروا مع بعض،وماتخليش حد يلعبلك فى الكاربراتير لانه لو مش مظبوط هيبقى فيه مشكلة فى الدوارة الصبح او السلانسيه،والموبينه مشاكلها بتبان فى الحر بالذات تلاقى العربيه بتقطع منك وتترجرج

شكرا لسيادتكم
حضرتك تعرف نوع معين من الأبلاتين يكون كويس ومضمون عشان سامع ان فيه منه مضروب فى السوق
جزاكم الله خيرا وألف شكر

[QUOTE=أبو يحيى;3875948186]شكرا لسيادتكم
حضرتك تعرف نوع معين من الأبلاتين يكون كويس ومضمون عشان سامع ان فيه منه مضروب فى السوق
جزاكم الله خيرا وألف شكر[/QU
الفرنساوى او البولندى واتاكد انه محفور عليه (Made in France او Made in Poland ويفضل تجيبه من عند حمدى لادا لو قريب منك او ابو رحاب اللى فى امبابه وتخللى الميكانيكى يظبطهولك بالفيلر

[QUOTE=ahmscu;3875948195]

المشاركة الأصلية كتبت بواسطة أبو يحيى

شكرا لسيادتكم
حضرتك تعرف نوع معين من الأبلاتين يكون كويس ومضمون عشان سامع ان فيه منه مضروب فى السوق
جزاكم الله خيرا وألف شكر[/QU
الفرنساوى او البولندى واتاكد انه محفور عليه (Made in France او Made in Poland ويفضل تجيبه من عند حمدى لادا لو قريب منك او ابو رحاب اللى فى امبابه وتخللى الميكانيكى يظبطهولك بالفيلر

لسيادتم جزيل الشكر