خبر عاجل الغاء بنزين 80 و رفع اسعار 92 و 95

**ali ashraf** · 19-05-2015 08:18 PM

الحقيقة مش عارف ما هو برضه الصحفى اللى كتب الخبر مش معقول ينشره من نفسه اكيد من مصدر معتبر و هنقل لكم الخبر كما نشر بطريقة كوبى بست ...... الثلاثاء 19-05-2015| 02:02ص إيناس العدوى العنوان :خطة حكومية تدخل حيّز التنفيذ فى يوليو
انفراد.. إلغاء "بنزين 80" ورفع الأسعار 40 %........الخبر كشفت مصادر بالهيئة العامة للبترول أن الحكومة قررت إلغاء «بنزين 80»، خلال الفترة المقبلة، مع رفع أسعار المواد البترولية 40٪ بداية من المالى العام المقبل.
وأوضحت المصادر أن هذه الزيادة في الأسعار تأتى في إطار سياسة الدولة الإصلاحية، وسعى الحكومة لترشيد النفقات، ومنع إهدار المواد البترولية بدءًا من العام المالى 2016/2015.
وأضافت المصادر أن هذه الزيادة ستطبق على جميع أنواع المواد البترولية السائلة، وهى البنزين 92، والسولار، ويتم رفع رقم «الأوكتان» لبنزين 80، ليصبح 85، مشيرة إلى أن أسعار هذه المنتجات بعد الزيادة الجديدة قد تصل إلى السعر العالمي. أنتهى النقل
و بعد 8 ساعات تم نفى الخبر ......حاجة تحير فعلا ....بس مش معقول صحفى يخترع موضوع خطير زى ده.

**Bassem Youssef** · 19-05-2015 08:19 PM

السيسي قال بعضمه لسانه ان الدعم هيتشال خلال 5 سنين بالتدريج

**tasaka** · 19-05-2015 08:20 PM

المشاركة الأصلية كتبت بواسطة afndina

حضرتك مش بتتحاسب علي السعر الحقيقي للبرميل
ولا عمرك اتحاسبت بيه وحتي بعد الزيادة برضوا مش حتتحاسب بيه
الحكومة بتديك دعم عن السعر الحقيقي للبرميل
انا بقي اللي مش فاهم لغاية الان الحكومة بتدعم البنزين والطاقة ليه

لما الاجور و متوسط دخل الفرد يبقى زى اوروبا و امريكا و المعدلات العالميه ( ما اعتقدتش اننا وصلنا حتى 20% من هذا الرقم ) .. يبقى فعلا لا يحق لاحد الحصول على الدعم

**M!SHO** · 19-05-2015 09:42 PM

المشاركة الأصلية كتبت بواسطة afndina

حضرتك مش بتتحاسب علي السعر الحقيقي للبرميل
ولا عمرك اتحاسبت بيه وحتي بعد الزيادة برضوا مش حتتحاسب بيه
الحكومة بتديك دعم عن السعر الحقيقي للبرميل
انا بقي اللي مش فاهم لغاية الان الحكومة بتدعم البنزين والطاقة ليه

جميل شيل الدعم خالص بس في نفس الوقت ارفع المرتبات او على الاقل مواصلات عامه بسعر معقول

انا مرتبي من فتره كان ١٢٠٠ جنيه وبستهلك بنزين بس ب ٨٠٠ جنيه ، لولا ان الحمدلله مرتاح وعايش في خير ابويا لسه كان زماني بشحت

**ali ashraf** · 19-05-2015 09:58 PM

المشاركة الأصلية كتبت بواسطة tasaka

لما الاجور و متوسط دخل الفرد يبقى زى اوروبا و امريكا و المعدلات العالميه ( ما اعتقدتش اننا وصلنا حتى 20% من هذا الرقم ) .. يبقى فعلا لا يحق لاحد الحصول على الدعم

موضوع الاجور و الاسعار العالمية تنطبق تمام الانطباق على المثل الشعبى و كما يقال الامثال حكمة و تاريخ الشعوب اى انها تتعدى كونها فلكور شعبى لتكون نبض الشارع و حكمة التاريخ , لما تتكلم عن الخدمات الصحية و جودة التعليم و جودة الطرق الخ......يأتيك الرد معلش احنا دولة لسه على بداية الطريق من العالم الثالث و لما تتكلم عن الاسعار و الضرائب ....يجيلك الرد مقارن بأمريكا و انجلترا و المانيا.....طب اشمعنى..... مش معقول ان لسه فى ناس بتقبض ( فى الدولة) مرتبات مئات الالوف و ناس مش لاقية تأكل , و الله صحيح فى الهم مدعية و فى الفرح منسية.

**afndina** · 19-05-2015 11:05 PM

المشاركة الأصلية كتبت بواسطة tasaka

لما الاجور و متوسط دخل الفرد يبقى زى اوروبا و امريكا و المعدلات العالميه ( ما اعتقدتش اننا وصلنا حتى 20% من هذا الرقم ) .. يبقى فعلا لا يحق لاحد الحصول على الدعم

ما هي الحكومة حضرتك بتشيل الدعم علشان تقدر توفر ليك خدمات جيده وتحسن الطرق وتحسن الصحة , انما عايز الحكومة تجبلك منين وهي مديونة بسبب الدعم اللي بتدهولك بقالها سنين كتير , اتحمل انت التمن الحقيقي للسلعة وشيل عنها الحمل اللي شيلاه عنك .
شوف حضرتك الناس في اوروبا وامريكا بيدفعوا ضرائب علي الدخل اد ايه وحضرتك بتدفع ضرائب اد ايه " دا لو كنت بتدفع ضرائب اصلا "

المشاركة الأصلية كتبت بواسطة m!sho

جميل شيل الدعم خالص بس في نفس الوقت ارفع المرتبات او على الاقل مواصلات عامه بسعر معقول
انا مرتبي من فتره كان ١٢٠٠ جنيه وبستهلك بنزين بس ب ٨٠٠ جنيه ، لولا ان الحمدلله مرتاح وعايش في خير ابويا لسه كان زماني بشحت

ودا الحكومة حتعمله بس مش في يوم وليلة زي ما الدعم مش حيتشال في يوم وليلة .

علي فكرة انا مش بدافع عن الحكومة ولا انا تبع حد
بس انا مش بهاجم وخلاص , بحسبها واحد زائد واحد تساوي اتنين
حكومة مديونة حتجبلك منين علشان تعملك دا كله !!!

**4fun14** · 19-05-2015 11:24 PM

بقولك ايه.. الحكومه حايه عشان الشعب لم يجد من يرفق به واليد التي تحنو عايه.. والبرنامج الانتخابي كان بيقول انه مش هيلغي الدعم غير لما يغني الناس.. بتغير كلامك ليه دلوقت؟ تقعد تقولي ام الدنيا وكل الدنيا ووقت الجد تقولي اجيبلك منين؟ اللي مش قد الشيله ميشيلش

**ali ashraf** · 19-05-2015 11:35 PM

القضية الازلية البيضة فقست و طلعت كتكوت و بقى فرخة و لا الفرخة كانت الاول و جابت البيضة.....دى عجلة مفرغة يعنى لو رفعنا الدعم ايردات الدولة هتزيد و تصرف احسن ولا نحسن الدخل الاول و بعدين الايرادات هتزيد و المشكلة دى حلها يكون بزيادة الانتاج و ازدياد معدلات النمو عن معدلات التضخم و معدلات الزيادة فى تعداد السكان و انخفاض معدلات الانفاق ....ممكن الواحد يقول ده موضوع سهل جدا زود الضرائب يزيد الناتج و ترفع الدعم يقل الانفاق.....بس للاسف كده هتقتل الفرخة اللى مفروض تجيب البيضة,,,,لازم توفر الحد الادنى للمعيشة وفى ظروفنا الحالية انا مش شايف غير حل واحد عدالة توزيع الدخل ....للاسف فشل موضوع الحد الادنى و الحد الاعلى للاجور......بلد زى كوبا فى ظل حصار اقتصادى من السيتينات الى الان (ابتدأ ينحصر الان فى ظل دفئ العلاقات مع امريكا) كوبا فيها تأمين صحى عالى المستوى جدا على مستوى العالم , نسبة الامية 0%, كل ده علشان العدالة الاجتماعية الصارمة بأختصار ممكن 1000 جنية توزعها على 10 افراد وكل واحد يأخذ 100 جنيه و ممكن برضه ال 1000 جنيه توزعهم على 10 افراد و احد يأخذ 991 جنيه و التسعة البقين كل واحد يأخذ جنية . طبعا ده مثل فقط .

**tasaka** · 19-05-2015 11:52 PM

شوف حضرتك الناس في اوروبا وامريكا بيدفعوا ضرائب علي الدخل اد ايه وحضرتك بتدفع ضرائب اد ايه " دا لو كنت بتدفع ضرائب اصلا "

بعد ما يدفعوا ضريبه الدخل ( و هى قيمه كبيره.. كمثال 30% فى امريكا ) .. المتبقى له بعد ذلك يساوى اضعاف متوسط الدخل عندنا .. و كافى لحياه كريمه

عموما انا لا احب الجدل .. بس كلمه انك " مستغرب " ان الدعم لم يرفع عندنا حتى الان .. هى التى جعلتنى ارغب بتوضيح الفارق

**afndina** · 20-05-2015 12:16 AM

المشاركة الأصلية كتبت بواسطة tasaka

بعد ما يدفعوا ضريبه الدخل ( و هى قيمه كبيره.. كمثال 30% فى امريكا ) .. المتبقى له بعد ذلك يساوى اضعاف متوسط الدخل عندنا و كافى لعيشه كريمه

عموما انا لا احب الجدل .. بس كلمه انك " مستغرب " ان الدعم لم يرفع عندنا حتى الان .. هى التى جعلتنى ارغب بتوضيح الفارق

والمتبقي له دا
بيشتري بيه بنزين متشال عنه الدعم
بيشتري الدواء بكام
بيدفع كهرباء كام
بيدفع فواتير كام
في حين المرتب بتاع المواطن المصري
الحكومة بتساعده وتدفع عنه فرق سعر البنزين
بتديله كهرباء مدعومة
الدواء مدعوم وارخص من بره
فواتيره ارخص من بره
الاجمالي المعيشة ارخص من امريكا باضعاف واسأل الناس اللي عايشه بره وشوف المعيشة حتكلفك كام علشان تعيش عيشه كريمة زي ما انت بتقول
مينفعش ابدا تقارن اللي يعجبك وبس
الدنيا بره مش ورديه
مش حتروح تقعد تحط رجل علي رجل والحكومة تديك فلوس ببلاش , لا حتشتغل وتتفرم في الشغل وحتدفع ضرائب كبيره علشان تعيش عيشه كويسه .
انما قلي بقي مين هنا بيشتغل بضمير في مصر ولا عنده استعداد يدفع 30 في الميه من دخله ضرائب .
اذا كان احنا بنكلم بعض اهو ومش قابلين فكرة ان الحكومة ترفع الدعم .