كل حاجة و ليها سبب

كل دولة في العالم بيكون ليها نصيب محدد في عدد تأشيرات الحج حسب عدد السكان و نسبة المسلمين فيها لأصحاب الديانات الاخرى
و نصيب مصر لو مثلا 50000 فيزا "مثلا" لأن تعداد المسلمين فيها لا يقل عن 50 مليون مسلم فبالتالي لو منهم 100,000 عايزين يحجوا "و ده اضعف الايمان"اذن هلاقي طلب مضاعف قدام عرض قليل و بالتالي تغلى التأشيرات اكتر بكتير عن قيمتها الحقيقية
و برضه في الموسم هتلاقي الضغط على الطيران مش ممكن تصديقه لدرجة اني سمعت من قرايبي انهم استنوا يومين كاملين في المطار علشان يعرفوا يلاقولهم طيارة ترجعهم في وسط الضغط ده مع انهم حاجزين و مأكدين حجز كمان
و الضغط على شركات السياحة زي الجمعيات التعاونية لو بتوزع فراخ ببلاش و تشوف في المهندسين مثلا ناس قعدين بطابور طويل مستنيين الفرج علشان يروحوا يحجوا و بالتالي حتى لو بقى ب100الف الحج العادي هتلاقي المصريين برضه بيروحوا ولا فارق معاهم و بالتالي ابو30000 ده ارخص حج انا سمعت عنه (امي راحت من 3 سنين ب50000!!)
طب ممكن حد يسأل : ليه ميدوناش عدد تأشيرات اكبر؟ هقوله علشان المرافق و الحرم ما يستحملوش الا عدد معين من انحاء العالم كل سنة

و الغاوي بنقط بطاقيته