الموضوع: تقرير عن استهلاك البنزين واسباب ضعف السحب

تقرير عن اسباب استهلاك البنزين اوبل فيكترا 1600 سي سي
اسباب اتستهلاك البنزين كتيرة جدا هناخد واصغر حاجه فيها هي اهم حاجه
االماتور عندنا 1600 سي سي بيطلع قدرة حصانيه قدرها 79 حصان يستهلك حوالي 240 كيلو في الصفيحه(20لتر)
هنقسم مشكله الاستهلاك لجزء كهربائي وجزي ميكانيكي خاص بالماتور
وارجو من الاعضاء عدم الملل من القراءةلان الافادة هتكون ممتازة لينا
لان اهم سبب في الاسباب الي هذكرها هو الي انا اتعرضت ليه شخصيا وانا ذكرته في الاخر عشان يكون ختامه مسك :)


اولا المشاكل الكهربائيه

رقم 1 -ضعف طلمبه البنزين بمعني الضغط ضعيف ومشكله ديه سهله وبتبان اودام معظم الناس من اعارض تلف الطلمبه وهي تأخر في الدوراة سرعه استجابه العربيه في الضياع تعليق في الدوارة
ليها اختبار بلدي كدة انك تجيب بنسه او كماشه وتقفش بيها علي خرطوم البنزين الي عند عمه الرشاش قفشه صغيره كدة لو العربيه بطلت في ساعتها يبئا الطلمبه ضعيفه او انك تفك غطاء التنك من الكنبه الخلفيه وبردو تفصل خرطوم البنزين ويكون حر في ايدك وتقفله بصابعك وتخلي حد صاحبك يدور العربيه طبعا مش هدور بس الطلمبه هتشتغل وتضخ بنزين وعلي حسب قوه اندفاع البنزين لصابعه وانت ساده انت هتعرف تحسها وديه الطريقه الي ميكانيه بيعلموها او انك تشوف flow rate بتاعها ......

رقم 2 خرطوم الراجع بوابه الربيه داخل فيها خرطومين خرطوم بنزين بيجيب البنزين من التنك وخرطوم راجع ايرجع البنزين الزايد من البوابه الي التنك الخرطوم دة اوقات كتير بيتسد ويأثر علي استهلاك ويفشخه ويضعف السحب
طاب الحل : هترح عند بتاع كوتش حبيبك او ميكانيكي عنده مسدس هواء هتبطل العربيه وهتفك خرطوم الرايح من عند البوابه وتنفخ بمسدس الهواء فيه وطبعا ساعتها هتكون فاتح غطاء التنك لو سالك هتلاقي الهواء طالع اودامك من فتحه التنك لو مسدود هتلاقي مفيش هواء بيطلع من عند غطاء التنك وطبعا هتحتاح تراجع علي مكان السده وهيغير اكيد

رقم 3_الرشاش SPI دة نظام الرش عندنا في العربيه رشاش احادي لو بايط هيكون بيسيل علي جدار البوابه بس خلي بالك با ان الرشاش دة مش بيوظ كتير بس هتلاحظ تلفه ازاي ؟؟ هتفك العمه وهتبص علي رش البنزين عامل ازاي المفرود يكون علي هبئه رزاز انما لو بينزل جامد او بينقط نقط بنزين كبيرة هيكون كدة بيبسيل

رقم 4-اوقات بيكون التسيل من الرشاش من oilseal الي حولانه طبعا هتبص عليهم ودول مهمين جدا لانهم هما الي بيحكموا الرش اصلا لو خشن او مقطع من الجنب هتغيرهم ولازم يركب صح وبحنيه جدا لانك لو دقيت علي الرشاش عشان تقعده في مكانه الجوان دة ةهيتعوج ومش هيحكم الرش وهتلافي البنزين طالعلك من كل حته واصل العربيه مش هدور وهتلاقي الحوض اتملا بنزين تركيه الجوانات ديه صعبه عن تجربه وعايزه مساسيه جامد عشان تبيت الرشاش في مكانه صح من غير ميحصل حاجات للجوانات وطبا شحم الجوان قبل متركبه عشان يزحلق معاك

رقم 5-حساس MAP
manifold absolute pressure الحساس دة في صدر العربيه ابو فيشه خضراء متوصل بخرطوم داخل في البوابه من وراه عشان يحس بضغط الهواء او داخل الماتفولد
اعراض تلفه تفتفه من عند الشكمان دخان اسود خفيف ريحه عادم غير محروق هباب اسود علي البوجيهات وبيتيغر دة حله بس لازم تراجع علي فيشته الاول والخرطوم بتاعه مهم جدا لانه اوقات كتير بيشقق او يكون مخروم فيسرب هواء فبتالي الضغط مش هيتقرا صح
بتاع ادايو لانوس بيركب عندنا

رقم 6 :حساس كولنت ودة عبارة عن صباع نحاس داخل في بلوك الماتور من يمه الدينمو فيشته زرقاء والحساس دة اعراض تلفه مشهور جدا مش لازم نخوض فيها بس اهمها دخان اسود هباب بيسموه دخان مصانع طالع من عند الشكمان وغالبا لمبه check بتكون شغاله
الحساس دة للعم بيحس بدرجه حرارة الماتور عشان ويدي امر للرشاش باكميه الرش المطلوبه يني لو الماتور بادر يدي امر بالرش الكتير لو الماتور وصل لدرجه حراراة تشغيله يقلل نسبه الرش وهكذا
هتغيره طبعا ب 120 ج بوش اصلي وفيه انواع تانيه زي توبران وفيبي
وبردو قبل متغيره لازم تراجع علي فيشته ممكن يكون طرف فاصل فيها وموضوع مراجعه الفيش دة مهم جدا لان من قدم العربيه وسخونه ماتورها بتبوظ الفيشه ودة طبيعي في معظم العربيات


رقم 7_حساس TPS
throttle position sensor
االحساس دة راكب علي البوابه ومتوصل بجزء ميكانيكي وهو صباع بمتوصل مع الاكسليرتر يلفه لانه اصلا عبارة عن مقاومه بيحس بمقدار دوستك علي البنزين وعلي اساسها بيفتح البوابه وعلي اساسه بيتم حساب نسبه الرش المطلوبه من الرشاش
اعراض تلفه :لخبطه في ار بي ام خنقه رهيبه مع الدوسه الفجائيه لانه مش عارف يترجم الدوسه بتاعتك
خروج مدافع عادم من الشكمان نتيجه لعدم الاحتراق الكامل
بس قبل متغيره راجع علي عمود التوصيل بمعني اصح راجع علي واير الاكسليترير اوقات كتير بيكون خشن وعايز يتغير او يكون متني وطبعا دة يفشخ العربيه عندك الواير دة مهم جدا جدا جدا وغالبا بيتشحم


رقم 8_ سلوك البوجيهات لو قديمه تتغير وتترمي كمان واهم حاجه سلك البويبينه وديه هتعرفها من صيان الدوريه للعربيه مش هقدر افتي فيها

رقم 9 _شاكوش الاسبرايتر لازم تبص عليها بيكون متاكل هو الي بيوصل الشراشرت ويوزعها لو متاكل مش هيوزع صح والشرارة مش هتكون قويه فبالتالي البنزين مش هيتحرق بالكامل نتيجه لضعف الشرارة :)

رقم 9_البوبينه والمشط مهمين جدا عن تجربه حصلتلي في موضوع اتسهلاك دة ولفيت فيها جامد بس الحمد لله العربيه عطلت علطول وجبت كهربائي وقالي دة المشط محروق وغيرته والربيه اتظبطت جدا جدا وضاع مع تغير المشط استهلاك البنزين وطبعا انا غيرته المشط والبوبينه مت بعض
اعراض تلفهم صعوبه في الدوارة خنقه في السحب استجابه زفت مع الدوسه الفجائيه
اختبارهم سهل هتفك سل البوبينه وتقربه من جسم ماستر الفرامل تقربه بس مش تلزقه وتخلي واحد صاحبك يديك سنه مرش المفرود الشرارة تكون زرقاء لو حمراه او برتقالي يبئا البيوبينه والمشط ضعاف

رقم 10_علبه الشكمان مهمه جدا وديه طبعا لو مسدوده هترجع العادم وهتخنق العربيه وتسخنها وديه الي هيفديك فيها بتاع الشكمان وللاسف عمرك ماهتروح لحد بتاع شكمان وهيقولك العلبه سليمه لازم يخرمهالك بخبطه حلوة منه ويقولك مبوشه يابيه عايزة تتغير

رقم 11 _الديسك والاسطوانه طبعا ومش هنتكلم عليها اعراض تلفههم معروفه بلا شك

رقم 12_ترموستات الكوعه ربنا ينتقم من الي بيلغهالك ويقولك بتخسن العربيه يابيه ترموستات ديه مهمه جدا فكرة عملها لذيذ الترموستات ديه عبارة عن محبس ميه بين الماتور والردياتير بتكون مقفول والعربيه باردة واما العربيه توصل لدرجه حراراة التشغيل او بمعني اصح تعديها الترموستات يفتح ويعدي الميه تتبرد
عن طريق ان الترموستات ديه فيها صباع من شمع البارفين اما بيسخن بيتمدد يفتحها واما يبرد ينكمش ويقفلها دة بأختصار من غير رغي
طبعا لو ملغي هيبئا عندك مصيبتين المصيبه الاولي هو ان السلندرات القريبه من اكوعه الميه هتكون دايمن باردة والسلندرات البعيدة هتون سخنه ودة بيقلل عمر الماتور
المصيبه التانيه استهلاك البنزين لانك كل ماتور بيكون مصمم للحرق الامثل عند درجه حرارة معينه لاتقل ولاتزيد عنها .........وشكرا


نيجي بئا للجزء الميكانيكي


رقم 12_الشنبر
piston rings عبارة عن 3 حلقات حلقه للزيت وحلقه للهواء او احبك للبنزين داخل غرف الاحتراق اي خلل في حلاقات هيضعف الكبس وبالتالي هيزود الاستهلاك ببساطه لان العربيه سحبها ضعيف وانت عايز تجريها فهدوس اكتر فهتنزل بنزين اكتر جوا غرف الحريق ومفيش كبس حلو رايح في داهيه وطبعا هتلاقي العربيه بتاكل زيت وفيه دخان ابيض من وراء

رقم 13 _جوان وش السلندر
head gasket لو بايظ اي معني فيها قطع بين كل بستم وبستم هيحصل تهريب للكبس او زي مالخوجات بيقولوا misfire وهتلاقي السحب زباله وكبس الماتور زي الوفت
وحله زي مبيقولوا عندنا في الطب exploration افتح وشوفه لو بايظ غيره وامسح الوش عند الخراط

رقم 14_وش السلندر
cylinder head
لو في crack او شروخ هيقلل الضغط ولو انت غيرته قبل كدة او قشطه كتير ومركب جوانيين دوبل يبئا انت كدة مودي compression ratio بتاع الماتور في داهيه ومتسئلش العربيه بتاكل بنزين ليه انت كدة فشختها اوعا تركب دوبل اطلاقا هات واحد استيراد وريح دماغك

رقم 15 _والاخيرة عشان هي دي الي كانت فيها مشكله عندي
ظبط التقسيمه :D :D يارجاله انا عملت كل الحاجات الي فوق ديه علي استهلاك البنزين ويمكن استاذنا الكبير فادي تعب معايا كتير في الموضوع دة واخيرا كان دة السبب
افتكر من فترة كبيرة كنت بغير طلمبه الميه وسير الكاتينه
والميكانيكي الله يجزيه خلف التقسيمه ومن ساعتها بشتكي من الاستهلاك
لحد مربنا كرمنا والعربيه جابت جوان وش سلندر واكتشفت الموضوع دة عند ميكانيكي والله غلبان جدا بس شاطر جدا قالي يباشا انت ازاي ماشي بالعربيه كدة دة التقسيمه مأخره خالص وظبطها والعربيه الحمد لله الحمدلله بئت ممتازة زي من الاول واحسن كمان
وبئت سعيد جدا وحاسس بالانتصار :D


التقسمه ديه هي ظبط عمود الكامه وحركه الصبابات مع الكرنك االي بيوصلهم سير الكاتينه خلي بالك بئا من الميكانيكي بتاعك وهو بيغيرلك طلمبه الميه او بتغير سير الكاتينه
ظبطه متعلم بزومبه علي ترس الكامه وزمبه محفورة علي علبه الفيبر السوداء الي بتغطي الكاتينه صدقني هتتعب اووووووووووووي مع الميكانيكي لو التقسيمه خلفت منهم وهتلاقي العربيه زفت وهيقوللك حط بنزين 92 من بنزينه نضيفه هاتلي طقم فلاتر هات منظف هات مش عارف ايه هات هات
وهيقولوك يابيه طالما العبيه بدور من اول تكه تبئا التقسيمه مظبوطه وكلام هجص لاني كنت قاري علي النت عن الموضوع دة وربنا يجازيهم محدش كان عايز يسمع كلامي ويبص عليها


اتمني اني اكون افادت الجميع بتجربتي مع الاستهلاك وضعف الحسب وشكرا :)

دة شرف لينا والله تقديرك لينا

نسيت فلتر الهوا و تغيير الزيت لو عدى علية تلات اربع تلاف كم وظهر استهلاك عالى بعد كدة , يعنى مش لازم الواحد يستنى حمس او ست تلاف علشان يتغير

شكرا على المعلومات القيمه دى