الموضوع: عيوب كيا سيراتو 2010

المشاركة الأصلية كتبت بواسطة delli7

هو للأسف البائع لسة معرفش منه مقاس الجنط كام ,

بس افهم من كلام حضراتكم ان مشكلة العفشة الناشفة دي مع المطبات بس ؟
ولما اجيب الجنط 16 هيبقي ارتفاع العربية اعلي عن الارض ؟ ولا انا فاهم غلط ؟

تحياتي

لأ حضرتك فاهم غلط الجنط 17 حديد كتير و كاوتش أقل و الجنط 16 حديد قليل و كاوتش أعرض يعنى دى بتعوض دى و المحصلة تقريبا نفس الارتفاع و لكن ال 17 ثبات أكتر و ال16 نعومة أكتر.

ياريت تفيدوني بخصوص السعر هيبقي اخره كام علشان رايح الصبح ان شاء الله

لسة راجع البيت حالاً, الموجود كالآتي:

1. عربية كيا سيراتو 2010 الفئة الثانية و الموجودة في الصور في بداية الموضوع، بقيمة 108 الف
ودي متهانة من جوة و باين فيها قوي الاستخدام

2. عربية كيا سيراتو هاي لاين, فتحة سقف و مفتاح بصمة 2010 ، بقيمة 114 الف, ودي عجباني الي حد كبير لكني ماجربتهاش, محتاجة تظبيط شوية بسيطة في عتبتها بس مش مضطر اعملها يعني ممكن اخدها علي حالتها كدة معنديش مشكلة

تقييم عربيتي الحالية عمل حوالي 75 الف عندهم بردو

ففرق الفلوس تقريبا 39 الف
للأسف مش متوفرين كلهم حاليا و هازنق نفسي في 4 او 8 الاف,
فهل العربية تستاهل فعلا اني افلللللسسسس علشانها و يكون عليا فلوس كمان؟

ولا استني فرصة تانية يكون معايا المبلغ كامل و ربنا يكرمني بواحدة تانية وخاص واكبر دماغي من دي؟

الشكل الجديد نازل الموديل الجاى

المشاركة الأصلية كتبت بواسطة volociximab

الشكل الجديد نازل الموديل الجاى

حضرتك بتتكلم علي الموديل اللي هينزل 2016 ؟

ده هيفيدني بايه في سعر المستعملة 2010 ؟ ياتري بيقل السعر ولا بيزيد ؟

تحياتي

بيقل طبعا لان شكلها اصبح متقادم
موديل 2010 ماعرفش هل هى الشكل الحالى ام كمان الشكل الى قبله ففى 2016 هيبقى شكلها اتغير مرة او مرتين
ده غير الممشى و خد واحد خبره ميكانيكى تزبطة يكشف على العربية و يقيمها و يفاصل فى سعرها
ممكن العربية شكلها جميل و مقلوبة و مرشوشة و فيها بلاوى

باشا الاسعار ديه عالية

انا بايع سيراتوا 2010 حالة فبريكة بس كيلو 120 الف توكيل الفئة الكاملة وكيل بدون بصمه ولا فتحة ولا جلد ( كاوتش جديد و عفشة بالكامل و بطاريه و صالون فبريكة و صاج فبريكة على البارد كام رده بس )

كنت عارض على 105 محدش عبرني جالي بتاع 10 تلفونات ب 95 و خلصتها على 89 لتاجر عشان حطلي الفلوس على المكتب و ساعت الكاش فعلا بتتهاون بس عشان كنت عاوز اخلص و العربية الجديدة كانت جاهزة للاستلام

فالي في الصوره ديه الفئة الاقل ده جنط 15 و تكيف عادي و شكلها راشة مش عارف ليه فيعني كبرها 90 الف او اقل ازاي 108 ؟ و الهاي لين اياميها كانت ب 110 و تخلص ب 105

نصيحة السيراتوا تااكد ان فيها امبوليز و ابعد عن الجنط 17 و انا مش برجح سيراتو هيا استحملت معايا 5 سنين بس صرفت على العربية 40 الف صيانات :( و خسرت فيها 45 الف كمان من الزيروا

فشوف صلي استخاره و ربك كريم و يفوقك للي فيه الخير و لو لسه قلبك رايحلها خليك في ال 2011 2012 6 غيار و مرايات ضم و الليدات و الجنط 16 الاسود و البصمة و الفتحه مش حتعدي 120 كبريها