الموضوع: عيوب كيا سيراتو 2010

ان شاء الله هانزل بكرة بعد الامتحان اشوف سيراتو موجود 2010 هاي لاين بصمة و فتحة سقف طالب فيها 110 الف
و 2011 هاي لاين ماعدا البصمة و فتحة السقف طالب فيها 100 الف

هاشوف حالتهم ايه و اقارن بينهم في حدود الفلوس المتاحة ان شاء الله

تنصحني بايه فيهم ؟ و ياتري البصمة و فتحة السقف تستاهل التضحية بالمبلغ و الموديل ؟

+++

سمعت قبل كدة بتقولو الفيتيس الجديد بداية من 2011 بيبقي 6 نقلات,
يعني ايه الكلام ده؟ مش هي اوتوماتيك ؟ يعني اربع غيارات بس nprd ؟
لأني ماركبتش اوتوماتيك قبل كدة :d

ولو امكن تليفونك الشخصي تبعتهولي ع الخاص لو احتجت اخد رايك وانا باتفرج ع العربيتين



تحياتي

فتحة السقف مهمة بتخللى العربية مستوى تانى مع شوية حركات و جنوط و نواكل أما البصمة يعنى مش مهمة قوى لكن لازم يكون فيها اميبولايزر يعنى لا تدور إلا بالمفتاح المشفر الخاص بها, اما الفتيس سيارتى هايلاين 2010 الفتيس p r n d بالإضافة إنه ممكن يتحول مانيوال + , - (4 غيار)يخليك تتحكم في الغيارات و ليس عندى فكرة عن الفتيس الجديد(6غيار) و هل هناك فرق كبير ام لا , أنا أميل للسيارة ام فتحة سقف.

طيب ممكن تشرحلي اعرف الحاجات دي موجودة فيها ولا لأ ازاي ؟
يعني مايكونش البائع بيقول اي كلام وخلاص,

ازاي اتاكد ان فيها ايمبولايزر ولا لأ ؟
و ايه موضوع الجنوط ده ؟ واعرفه ازاي ؟

بالنسبة للفيتيس ,
افرض ان ماشي علي الـ d و مازودش + ولا بانقص - , ايه اللي هيجري ؟
العربية مش هتسحب معايا ؟ طاب ماهي كدة تبقي مش اوتوماتيك بالمعني اللي في دماغي وهافضل شاغل بالي بالفيتيس :d

تحياتي

خد بالك ان لونها ابيض واللون الأبيض بيفرق كتيييير قوي دلوقتي في البيع بسبب التاكسي الابيض، واصلا السعر غالي زي ما قال اللي قبلي السعر 90 95 مش اكتر لأن في موديلات اعلي من نفس العربيه بكمليات زياده وبتعمل 105 110

إجابات الزملاء شافية وافية و لكن أوضح لك شوية في موضوع الفتيس , فلنفترض إنك ماشى على ال d أوتوماتيك , العربية بتنقل غيارات لوحدها حسب سرعة الموتور , أحيانا بتكون ماشى أوتوماتك ( و بما إنك سوقت مانوال بسيارتك السابقة و عندك إحساس بصوت الماتور و توقيت الغيار ) تلاقى نفسك بتقول ياسلام لو العربية مانوال كنت أخدت غيار الآن هو ده وظيفة الستيبترونك يعنى مثلا لو العربية ماشية على التالت 20 ثانية لو حولت ستيبترونك ممكن تنقل رابع بعد 10 ثوانى بس و تريح الماتور , إزاى تحول ستبترونك , لو ماشى على الD سيظهر لك على الشاشة حرف d خد عصاية الفتيس يمين ستجد حرف d على الشاشة تحول إلى رقم الغيار إللى إنت عليه يعنى مثلا 3,4 و تقدر تزود و تنقص غيارات عن طريق + ,- , إفرض مثلا إنك ماشى بسرعة على 4 و قدامك مطب و دوست فرامل حتلاقى العربية من نفسها خدت غيارات أقل بدون تدخل منك و ممكن توصل للأول و بعد ما تعدى المطب و حتسرع لازم تدى غيارات أعلى عن طريق زق العصاية في إتجاه +

متشكر جدا ليكم جميعاً

روحت النهاردة اتفرجت ع العربيات الموجودة في المعرض و هم كالتالي:

1. كيا سيراتو 2010 فابريكة برة و جوة , كاملة هاي لاين, فتحة سقف و بصمة: اخره فيها 106 الف
2. كيا سيراتو 2010 فابريكة برة و جوة , اول فئة اوتوماتيك, اول كلام فيها 98 الف, وماجربتش اتناقش فيها لأن مافيهاش الكماليات اللي انا عاوزها
3. كيا سيراتو 2011 هاي لاين فتحة سقف ماعدا البصمة, رشة اجزاء برة, اول كلام فيها 98 الف, وبردو ماجربتش اتناقش فيها لعند ماخد رأيكم في الاسعار ايه ظروفها


حاجة كمان, بخصوص الكشف علي العربية,
في التليفون كنت قايله اني عاوز اكشف علي العربية في التوكيل, قالي طالما علي حسابكم فمافيش مشكلة
بس اما روحت النهاردة اللي قابلني واحد تاني غير اللي كلمته في التليفون وقالي لأ التوكيل هيضيع نص يوم و مش عارف ايه, ممكن تكشف في اي مركز خدمة او بنزينة وخلاص, بس انا بصراحة مقلق من الموضوع ده و عاوز التوكيل, ايه رأيكم ؟


** ملحوظة: لو فضلت مقلق من موضوع المستعمل ده هاضطر الجأ للجديد و اجيب اتراج او افيو :(


تحياتي