الموضوع: انا عاوزه اعرف اجراءات زواج المصرية من امريكي

السلام عليكم ورحمه الله وبركاته
كنت سجلت في لمنتدى عشان الموضوع ده http://www.nilemotors.net/Nile/439118-a-3.html
كنت هنزل ستفسار ببس لما سجلت لقيت انه قديم ومعمول عليه تنبيه
فحبيت استفسر في موضوع جديد احسن ما رفعه وهو قديم ويارب حد يكون عنده معلومه اكيده عشان احنا تعبنا من البحث
اختصارا كده
انا بحب شاب امريكي من اصول هولنديه وهو بيحبني احنا نعرف بعض من 2012 علاقتنا تطورت خلال الفتره دي وقررنا نتجوز من حوالي اسبوعين بس عوزين الجواز يتم بتاريخ محدد 4 Aug لانه تاريخ له ذكرى حلوه بينا
عاوزه اعرف الاجراءات القانونيه لزواج المصريه من امريكي لانه اتفق مع محامي بس المحامي طلب مبلغ مبالغ فيه اوي واسلوبه معجبنيش
فقلتله استنى انا هسال واشوف ينفع نخلص الاجراءات بنفسنا ولا لا بعيدا عن المحاميين لاني متعاملتش معاهم قبل كده ومعرفش طريقتهم في التعامل
هو بيتردد على مصر من 3 سنين بيجي سياحه يعني هو مش مقيم بس بيجي زيارات اكتر من شهرين مجموع زياراته مفرقه خلال السنه ده هيعمل اي مشكله ولا مفيش فرق بما ان وجوده قانوني ؟
لازم محامي يخلصنا الاجراءات مينفعش نخلصها احنا بنفسنا ؟
ينفع نحدد تاريخ جوازنا باليوم ولا دي بتتحددلها مواعيد نروح على حسب الوقت المحدد و لازم نلتزم بيه ؟
هو مابيعرفش يتكلم عربي ولا بيفهم عربي ينفع اترجمله ولا لازم حد غيري لان لما كنا بنتفق مع المحامي وانا كنت بترجم سعات واتناقش مع المحامي بدون ما اترجم سعات مكنتش بترجم كل كلمه بغرض اني هشرحله اللي فهمته اجمالا فكنت بتناقش لان عندنا نقط كتير عاوزين نغطيها والمحامي وقته محدود وكل شويه هو يسألني عن اللي بيقوله المحامي عشان يفهم اللي بيتقال كله ويقول رايه قلتله حاضر هشرحلك كل اللي اتقال بس اديني فرصه انا افهم فقالي لا قوليلي اللي بتقولوه فوري ابقى فاهم زيك مش تتجاهليني عشان مش عارف عربي
وده نقاش عادي بينا مكناش بنتخانق حصلت بينا كتير قبل كده بس هو كان متنرفز شويه من نقاشي مع المحامي بدونه وشدينا مع بعض راح المحامي قالي مينفعش حضرتك تترجميله لازم طرف تالت
مش عارفه قال كده عشان افتكرنا زعلنا مع بعض ولا ده اجراء قانوني

هل الطرف التالت ده لازم يبقى من جهه حكوميه ولا اي مترجم ينفع

بعد الجواز هنقدر نسافر مع بعض ولا الموضوع هيطول ولو هيطول ينفع ياخد اقامه لحد مانسافر مع بعض ؟