انا عاوزه اعرف اجراءات زواج المصرية من امريكي

**Secret-Man** · 30-05-2015 03:01 PM

سبحان الله نقولهم الدين بيقول ايه والناس مصممه تتكلم بشكل مدنى وعلمانى

الموضوع اكبر من شويه اجراءات يابهوات هو حياه الانسان ودينه بقو شويه ورق فيهم ختم

ده كلام الدين وبلاش فتى الله يخليكم علشاان الواحد دمه بيتحرق من الى كل يوم بيسمعه عن الناس ده

حكم زواج المسلم من غير المسلمة والعكس - islamqa.info

**Secret-Man** · 30-05-2015 03:04 PM

المشاركة الأصلية كتبت بواسطة minicooper20

هو انا مش فاهم فى الاجراءات اوى
بس ادعى انى بفهم لى الدين على قدى
٧٥٪ من العلق على الموضوع خدو ذنب تتبع العورات مع الغيبه و النميمه
حتى لو البنت كدابه
تعرف حاجه عن السوال جاوب متعرفش خلاص
لاكن كم اتهمات رهيب
ده الناس عملت فى دمغها ملخصات عن علاقه غير شرعيه لمجرد مكان الاقامه شرم ههههههههه
دمتم زخرا للاسلام
طبعا فى ناس هتطلع تقولى يعنى يرضيك مسلمه تجوز لا دينى
هقولك هو اصلن انا مالى انا انصح بالحسن مش اتهم و افترى فى كلام حاجه تجيب شلل

يعنى انت سايب 6 صفحه ومزعلك كلمتى اوى ومش فارق معاك الى اتكلم بكل ووضوح عن الزنا واتهمها اتهام رسمى ؟

اولا انا متهمتش حد بحاجه انت الى خدت الكلام بظن سيىء وده تفكيرك

انا نقلت معلومه هى كاتبها فى البروفايل بتاعها على المنتدى والناس كلها شايفاها
انت بقا افترضت منين انى بظن فيها وحش ؟ هو كل الى فى شرم وحشين ولا انت شايفهم كده من وجهة نظرك ؟

فكروا فى الكلام قبل ماتتكلموا بيه

**wawamoha** · 30-05-2015 08:12 PM

المشاركة الأصلية كتبت بواسطة rany devos

استاذ احمد كامل من بكره باذن الله نعمل الاجرئات زي ماوضحتها اختصرت عليا طريق طويل
ربنا يباركلك لانك جاوبتني ومازتنيش بكلمه الله يسترك دنيا واخره
ومش هرد على الي هيموت كده ويقول اني زانيه عشان قلت عاوزه اعرف اجرائات الجواز من امريكي

eso101
عضو فعال

بص ياستاذ انا هرد عليك لانك كتبت كلامك وعندك زوق وادب واحترام ومجرحتنيش ولا ازيتني بكلمه صحيح انت قلتلي سبب هجومهم عليا بس ماهنتنيش ولا نهشت لحمي زيهم فرق بين واحد بينصح وبين واحد عنده عقد نفسيه وسواد مالي قلبه وعقله
انت قلت انه احتمال ميكونش صحيح الظن ده وانا لو قلتلك انه مش صحيح هيقولو كدابه اليوزر بتاعي و عدد المشاركات وكل كلمه قلتها فهموها بسوء نيه مش فاضل غير نوع عربيتي يمكن يقولو ايه ده العربيه دي مابيكربهاش غير قولالة الادب
وواللهي انا ماعرف حاجه عن المنتدى ده قبل موضوعي واقسم بالله سجلت فيه عشان اعرف اجرائات الجواز وكنت هكتب رد لقيته مش بيرضى يضغط ولقيت تنبيه ولازم اعلم على اني عرفت انه قديم وهرفعه لغرض الاستفسار المهم وقلت اعمل موضوع جديد احسن ما ارفعه بس فوجئت بناس زي مايكون عندهم مرض نفسي او مجانين بيتكلمو
بقى انا قلت رسميا تفهمو منها اني متجوزاه مش رسميا ؟ انا المحامي قالي ان الاجانب بيتجوزوا عرفي فيالاول وعشان انا مش عاوزه اتجوزه عرفي قلت اني عاوزه الجواز يكون رسميا اقصد مش عرفي
شرم لاني انا مدربة غوص ده مجال ومكان شغلي والأماكن المتاحه عددها محدود والغوص الحر احسن من شغل المنتجعات والشركات الي بتديرها وربطتها ممكن يطلعوا جروب و ينزلو الغواص في نص الليل بدون مبالغه مهما كانت درجة الحراره او اتجاه الرياح وسرعتها ولأعماق وكهوف على حسب دماغ السايح والسياح كتير منهم مجانين ومستعدين يموتوا فانا لو هشتغل مع شركه واسكن بعيد هكون معرضه لشغل المجانين دول لا انا اسكن في شرم واشتغل شغل حر وبمزاجي اقبل او ارفض والشغل مش عيب وشرم الي مستعرين منها دي بتصرف على البلد
وهو صحفي لسه بيثبت نفسه لانه شغال من فتره مش كبيره في الشرق الاوسط مع الصحيفه دي يعني يادوب لما بيجي بيقعدله يومين محسوبين عليه بالدقيقة ولو هيقعد اكتر بيبقى يمتصاب يتعبان والصحيفة الي شغال فيها معندهاش رحمة مابيهدوش يوم اجازة الا وهما متاكدين انه متشلفط ومش هيفيدهم وميغركش انه امريكي دول بياكلو كل عقلة والتانيه اجارك الله من الناس ومن الحكومات وده الوقت الي بفضل فيه معاه هسيبه في الحاله دي ازاي وهو في الوقت ده مابفكرش ياكل ولا يشرب هيفكر يزني ؟
يعني ده لو ساكن معايا مش هشوفه كتير مابالك وهو وضعه مش بيسمحله وانا عندي جدول مواعيد شغل من الصبح و النهار بطوله لان بعد مابتغيب الشمس مفيش شغل ويادوب الحق انام شويه
يافندم احنا مش عايشين لا مع بعض ولا عايشين مع نفسنا ولا عندنا وقت للكلام ده وعاوزين نتجوز عشان نستقر ونفتح لنا بزنس خاص ونخلف اريح من المرمطه اللي احنا فيها دي و على اسوء الاحتمالات اعتبرنا غلطنا نصلح غلطتنا بالجواز ولا نكمل غلط ولا مينفعش لا ده ولا ده هو ايه المطلوب مننا عشان نعجب قال انه اسلم ونيته امرها مش فايدي علمها عند الله وانا لما جبتله كتاب قالي انا اعرف عن الاسلام اكتر من معرفتك عنه هو انتو زعلانين من الجواز كده ليه وبنفسك شوف الموضوع الي في بداية موضوعي محدش قال كلمه وحده لصاحبه بتنصحني باحترام وانا قبلت نصيحتك ومتشكره ليك ووصلت بس انا مش عيله انا عندي 28 سنه وعارفه الصح من الغلط وهو 31 سنه احنا مش عيال يااستاذ

يا اخت رانيا انت مش مطالبه تبرري لاي حد في الدنيا عن مواعيدك و ظروف شغلك و ظروف حياتك و لا ظروف حياتك الاسريه ...

الاصل عندنا في الاسلام : الصلاح : مالم تنكري من الدين ماهو بضروره ... او تظهري الكفر البواح و العياذ بالله -- يعني حضرتك اختنا المسلمه الشريفه العفيفه : و اي حد قال غير كده فهما دول للاسف المتفيقهين و المتفلسفين و ال....... اللي ودونا كلنا في داهيه زي ماحضرتك شايفه كده حال البلد ... و رجعونا لاوسخ من ايام مبارك ..
و حتى لو كان كلام حضرتك مبهم و غير واضح ..فكان اولى بالاخوه الافاضل التثبت و سؤال حضرتك و تنبيهك بطريقه محترمه .... و ليس فيها تعريض او تلميح للشرف اساسا ..مش اتهام بالزنا؟؟؟؟؟
واضح ان قدامنا قرون ضوئيه بيننا و بين الاسلام ....وواضح التقصير الدعوي الشديد

المهم : للاسف ماعنديش معلومات اكيده عن طلب حضرتك .. بس حبيت اعلق عل اسلوب الحوار المنحط اللي وصلنالوه ...
نصيحه لاختي الكريمه : خللي نيتك انك تدعوه للاسلام : و تبقى فرصه انتي و هو تتعمله الدين وتتدارسوه
ماتزعليش من كلامي كلنا مقصرين و محتاجين كتير .....
وفقك الله لما يحبه و يرضاه لك ...

**أبو آسر** · 30-05-2015 10:39 PM

المشاركة الأصلية كتبت بواسطة wawamoha

يا اخت رانيا انت مش مطالبه تبرري لاي حد في الدنيا عن مواعيدك و ظروف شغلك و ظروف حياتك و لا ظروف حياتك الاسريه ...

الاصل عندنا في الاسلام : الصلاح : مالم تنكري من الدين ماهو بضروره ... او تظهري الكفر البواح و العياذ بالله -- يعني حضرتك اختنا المسلمه الشريفه العفيفه : و اي حد قال غير كده فهما دول للاسف المتفيقهين و المتفلسفين و ال....... اللي ودونا كلنا في داهيه زي ماحضرتك شايفه كده حال البلد ... و رجعونا لاوسخ من ايام مبارك ..
و حتى لو كان كلام حضرتك مبهم و غير واضح ..فكان اولى بالاخوه الافاضل التثبت و سؤال حضرتك و تنبيهك بطريقه محترمه .... و ليس فيها تعريض او تلميح للشرف اساسا ..مش اتهام بالزنا؟؟؟؟؟
واضح ان قدامنا قرون ضوئيه بيننا و بين الاسلام ....وواضح التقصير الدعوي الشديد

المهم : للاسف ماعنديش معلومات اكيده عن طلب حضرتك .. بس حبيت اعلق عل اسلوب الحوار المنحط اللي وصلنالوه ...
نصيحه لاختي الكريمه : خللي نيتك انك تدعوه للاسلام : و تبقى فرصه انتي و هو تتعمله الدين وتتدارسوه
ماتزعليش من كلامي كلنا مقصرين و محتاجين كتير .....
وفقك الله لما يحبه و يرضاه لك ...

أنا هعتبر الكلام ده مش موجه ليا
لكن يبدو إن حضرتك اللي فاهم الدين غلط
الأخت داخلة تسأل عن الزواج من أمريكي ولما اتسألت عن ديانته قالت هو قانونا بدون ديانة ولما اتواجهت بأنه غير مسلم قالت هو (قرأ) عن الإسلام يعني الراجل غير مسلم صراحة وهي عايزة تتجوز منه ولم تذكر أبدا إنه سوف يسلم قبل إعلان الزواج ضيف على ده كله علاقة بينهم لمدة 3 سنوات وبرده لم يسلم يبقى الأخت هي اللي حطت نفسها في موضع الشبهة والاتهام ومحدش افترى عليها
الحاجة التانية مفيش حاجة في الإسلام اسمها الأصل في الإسلام الصلاح ، في حاجة اسمها الناس على ظواهرهم ونوكل سرائرهم إلى الله محدش بيدخل نيات حد لكن احنا لينا الظاهر والأخت ظاهرها إنها عايزة تتزوج من شخص غير مسلم لم يعلن إسلامه محدش من حقه بقى يقعد يبررلها ويقولها إنتي أخت شريفة عفيفة طاهرة فاضلة ، هو حضرتك تعرفها ؟! أيوة ممكن هي تكون أحسن مني ومنك بس ده عند ربنا مش في الدنيا ولو في أحكام شرعية بتطبق واتعرضت واقعة زي دي بالمنظر اللي اتعرضت بيه ده مكنش هيبقى في حكم غير إن ده دعوة صريحة للزنا ودعوة لزواج مسلمة من ملحد
لو الحمية اللي عند حضرتك دي على الإسلام وتعاليمه والهجوم اللي على الإخوة اللي انتقدوا الأخت ده اتحول لهجوم على كل واحد تسول له نفسه إنه يتهاون بأحكام الشرع خاصة موضوع الزواج واستحلال الفروج مكناش رجعنا لأوسخ من أيام مبارك ومكناش روحنا في داهية !

**FAR!D** · 31-05-2015 02:00 AM

المشاركة الأصلية كتبت بواسطة minicooper20

هو انا مش فاهم فى الاجراءات اوى
بس ادعى انى بفهم لى الدين على قدى
٧٥٪ من العلق على الموضوع خدو ذنب تتبع العورات مع الغيبه و النميمه
حتى لو البنت كدابه
تعرف حاجه عن السوال جاوب متعرفش خلاص
لاكن كم اتهمات رهيب
ده الناس عملت فى دمغها ملخصات عن علاقه غير شرعيه لمجرد مكان الاقامه شرم ههههههههه
دمتم زخرا للاسلام
طبعا فى ناس هتطلع تقولى يعنى يرضيك مسلمه تجوز لا دينى
هقولك هو اصلن انا مالى انا انصح بالحسن مش اتهم و افترى فى كلام حاجه تجيب شلل

احسن واسلم رد من وجهه نظري
تسلم

**minicooper20** · 31-05-2015 03:11 AM

المشاركة الأصلية كتبت بواسطة secret-man

يعنى انت سايب 6 صفحه ومزعلك كلمتى اوى ومش فارق معاك الى اتكلم بكل ووضوح عن الزنا واتهمها اتهام رسمى ؟

اولا انا متهمتش حد بحاجه انت الى خدت الكلام بظن سيىء وده تفكيرك

انا نقلت معلومه هى كاتبها فى البروفايل بتاعها على المنتدى والناس كلها شايفاها
انت بقا افترضت منين انى بظن فيها وحش ؟ هو كل الى فى شرم وحشين ولا انت شايفهم كده من وجهة نظرك ؟

فكروا فى الكلام قبل ماتتكلموا بيه :e_braces[1]:

هههههههههههه
ماهو علشان بنفكر فى الكلام قبل منتكلم بيه
فا كان هو ده المقصود
و المعنى فى بطن الزير
تحياتى يا باشا

**Secret-Man** · 31-05-2015 07:47 AM

المشاركة الأصلية كتبت بواسطة minicooper20

هههههههههههه
ماهو علشان بنفكر فى الكلام قبل منتكلم بيه
فا كان هو ده المقصود
و المعنى فى بطن الزير
تحياتى يا باشا

سيبك بس من الكلام ده

مردتش عليا برضه كلامى انا مزعلك فى ايه ؟ وسايب كل الى نفخها فى الصفحات التانيه وكانى انا الوحيد الى كلمتها بطريقه رغم ان كلامى مفيهوش اى اهانه مباشره ليها خالص

ولا انت داخل تهزى باى كلام مش لاقى حاجه تقولها ؟

ياريت لما حد يوجهلك كلام تفكر فيه وترد على الكلام صح مش تاخد اخد سطر وتطلع تجرى

**tasaka** · 31-05-2015 12:01 PM

1- يعرف عن الاسلام ( اكتر منها ) على حد قولها

2- مقتنع من 3 سنوات ( على حد قوله )

3- لم يسلم حتى الان .. لا يصلى

4- موافق يعلن اسلامه وقت الزواج

السؤال .. و بلاش التقوى الزائفه

السؤال .. ارتباط اعلان الاسلام بوقت الزواج .. هل بسبب رغبته فى استكمال اجراءت الزواج ؟؟ .. ام لاقتناعه بالاسلام ؟؟

الاجابه المنطقيه .. لو الاقتناع هو السبب .. المفروض كان اسلم من فتره ( خصوصا انه قال انه عارف الاسلام كويس )

لكن ارتباط الاسلام باتمام الاجراءات .. يضع 100 علامه استفهام عن النيه

و بلاش التقوى الزائفه .. لنا الظاهر فقط .. هل يصلى ؟ .. هل نطق الشهاده امامها ؟

-

الموضوع: انا عاوزه اعرف اجراءات زواج المصرية من امريكي

LinkBack

أدوات الموضوع

عرض

-

-

-

-

-

المواضيع المتشابهه

ممكن اعرف اجراءات مدرسة المرور فى ابيس

محتاجه اعرف اجراءات المقايسه

ممكن اعرف اجراءات تثبيت مووتور؟!!

عايز اعرف اجراءات نقل ملكية العربية ؟؟

الكلمات الدلالية لهذا الموضوع

المفضلات

المفضلات

ضوابط المشاركة