| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 4 من 4

  1. #1

    الصورة الرمزية أسامة777

    رقم العضوية : 174561

    تاريخ التسجيل : 21Apr2015

    المشاركات : 39

    النوع : ذكر

    الاقامة : مصر

    السيارة: فيات

    السيارة[2]: فيات

    الحالة : أسامة777 غير متواجد حالياً

    افتراضي سؤال عاجل بخصوص بطارية لادا 1500 - Facebook Twitter whatsapp انشر الموضوع فى :

    hasad">

    السلام عليكم ،،،
    إخوانى بالمنتدى انا اشتريت عربية مستعملة لادا 1500 موديل 1975 فى اول شهر 5 / 2015، وصاحبها كان شاري لها بطارية جديدة فى شهر 1 / 2015 ، ونوع البطارية (النسر الألمانية) ، جيت فى يوم أدور العربية مادارتش ، لما زقيتها بمعاونة الناس دارت ، اَجى ابطلها واجى اشغلها تانى تبطل ، ومتمشيش إلا لما تتزق ، المهم كل الناس قالولى ده المارش فيه حاجة ماعدا الكهربائى قاللى البطارية ضعيفة جدا لو لسة فى الضمان روح رجعها بتسرب ومبتخزنش ، صاحب العربية اللى انا شاريها منه كان مدينى الضمان بتاع البطارية ، المهم روحت مركز خدمة البطارية اللى فى الابراهيمية شارع أبى قير ، كشفوا على البطارية وقالولى فعلا البطارية فيها عيب والمية فيها قليلة جدا ، شكلك يا أستاذ كنت راكن العربية بقالك فترة ، وبصراحة انا بيتهيألى ان صاحب العربية فعلا ممكن مكنش بيمشى بالعربية كتير ، المهم مركز الخدمة قالولى حنغيرك المية وامشى بيها بكرة لو عملت معاك كده تانى تعالى واحنا نغيرهالك وحتدفع شهور استعمال 166 جنيه (عشان البطارية تعتبر خرجت من الضمان لانك مكنتش بتكشف عليها الكشف الدورى بتاعها اللى المفروض تكشفه عليها كل شهر) المهم قولت للفنى بتاع مركز الخدمة انا ماشى حخدها ولو عطلت حجيلك بكرة وتغيرهالى بس ببطارية جافة فقاللى لو عايزنى اغيرهالك بجافة حغيرعهالك وحتدفع فرق حوالى 210 جنيه بس نصيحة منى (والكلام للفنى اللى فى مركز الخدمة) بلاش بطارية جافة لان (مش متذكر الكلام تحديدا) الكتاوت عندك خارجى والدينامو مش عارف ماله فالبطارية الجافة حتتحرق منك خلال شهرين .
    وأسئلتى هى :ـ
    ـ 1 ـ ايه رأيكم لو البطارية اشتغلت كويس بعد ما المية بتاعتها اتغيررت ، اخليها ولا ابدلها بواحدة جديدة وادفع 166 جنيه شهور استعمال .
    ـ 2 ـ ولا الأفضل انى اغير البطارية (لان فى ناس قالولى ان البطارية مادام عملت كده بيبقى فيها ربع ضرب) والفنى قاللى فعلا الكلام ده بيحصل بسبب ركنة البطارية لكن عندك محصلش واللى حصل بس ان المية نقصت .
    ـ 3 ـ هل فعلا العربية بتاعتى مينفعش معاها بطارية جافة زى ما الفنى ده قال عشان موضوع الكتاوت الخارجى والدينامو والحاجات دى اللى الفنى قالها ، لان انا اول مرة اسمع ان فى عربيات مينفعش معاها البطاريات الجافة ، انا كنت فاكر انها تنفع مع كل العربيات .
    واّسف على انى طولت عليكم
    وشكرا جزيلا مقدما


  2. #2

    الصورة الرمزية abokoko

    رقم العضوية : 59513

    تاريخ التسجيل : 20Jan2010

    المشاركات : 5,480

    النوع : ذكر

    الاقامة : مصر المحروسه

    السيارة: يا رب ميكروباص ملاكى

    السيارة[2]: لادا 2107 مصري

    دراجة بخارية: no

    الحالة : abokoko غير متواجد حالياً

    افتراضي -

    الافضل نقل الموضوع لقسم ال لادا

    لو البطارية اشتغلت كويس بعد
    ما تتشحن على البطيئ عند بتاع البطاريات او بعد مشوار على سرعه 60كيلو /ساعة او اكثر لمسافة مش اقل من 30 كيلو متر
    لو اشتغلت البطارية يبقي خلاص وفر فلوسك واشتغل بيها

    البطارية الجافة تنفع لاى عربيه

    اى عيب فى الكتاوت او دايرة الكهرباء سوف يؤثر على اى بطارية سائلة او جافة
    لذا اكشف على شحن الدينامو وابقي اسال كهربائي ثقة غير اللى بتروح له عن كهرباء العربيه وهل فى اى تسريب فى كهرباء العربيه او خلل -- ولو فى عالج الخلل - وبعدها اى بطاريه جافة او سائلة هتشتغل معاك كويس جدا

    ال لادا لا يوجد بها مكونات واجزاء تكنولوجيه تعتمد على وجود كهرباء باستمرار مثل باقي السيارات - وبالتالى عمر البطاريه فى ال لادا سوف يكون اكبر من متوسط عمر نفس البطارية فى اى سيارة اخري

    البطارية الجافة بكل تاكيد الف مرة افضل من السائلة
    ومستقبلا ابقي اشترى الجافة فقط

    ربي لا تردني الي ارذل العمر- وردني اليك مردا جميلا . و توفني وانت راضي عني و عنا. برحمتك يا ارحم الراحمين


  3. #3

    الصورة الرمزية أسامة777

    رقم العضوية : 174561

    تاريخ التسجيل : 21Apr2015

    المشاركات : 39

    النوع : ذكر

    الاقامة : مصر

    السيارة: فيات

    السيارة[2]: فيات

    الحالة : أسامة777 غير متواجد حالياً

    افتراضي -

    جزاك الله خيرا على الرد
    بس انا كشفت على شحن الدينامو عند الكهربائى وعند مركز خدمة البطارية نفسه وقاللى ان شحن الدينامو كويس ، لكن وجهة نظر الفنى اللى فى مركز خدمة البطارية أن اللادا بتاعتى (1500) عشان الكتاوت بتاعتها خارجى والدينامو مش عارف خارجى برده ولا ايه فوجهة نظره ان البطارية الجافة مش حتنفع معايا وقاللى شهرين وحتلاقيها اتحرقت منك ، يعنى دى حاجة ترجع لطبيعة مكونات العربية نفسها مش عشان فى عيب فى العربية ، فمش عارف بصراحة .


  4. #4

    الصورة الرمزية abokoko

    رقم العضوية : 59513

    تاريخ التسجيل : 20Jan2010

    المشاركات : 5,480

    النوع : ذكر

    الاقامة : مصر المحروسه

    السيارة: يا رب ميكروباص ملاكى

    السيارة[2]: لادا 2107 مصري

    دراجة بخارية: no

    الحالة : abokoko غير متواجد حالياً

    افتراضي -

    hasad">

    الله اعلم
    بس اسال حد تانى

    عن نفسي الجافة معايا بقالها اكثر من سنتين بدون اى مشاكل و الحمد لله

    المشكلة الوحيدة انها 55 امبير
    فلو نسيت الانوار شغاله البطاريه بتنام والعربيه مش بتدور بالزق
    ويبقي لازم وصله بطاريه من عربيه تانيه والحق اعمل بيها مشوار طويل علشان تتشحن كويس وبعدها ترجع زى الفل

    ربي لا تردني الي ارذل العمر- وردني اليك مردا جميلا . و توفني وانت راضي عني و عنا. برحمتك يا ارحم الراحمين



 

المواضيع المتشابهه

  1. سؤال عاجل بخصوص بطارية لادا 1500
    بواسطة أسامة777 في المنتدى لادا
    مشاركات: 0
    آخر مشاركة: 01-06-2015, 06:46 PM
  2. استشارة عاجلة بخصوص لادا 1500 موديل 1975
    بواسطة أسامة777 في المنتدى قســـــــــم المقارنــــات
    مشاركات: 7
    آخر مشاركة: 02-05-2015, 01:19 PM
  3. استشارة عاجلة بخصوص لادا 1500 موديل 1975
    بواسطة أسامة777 في المنتدى لادا
    مشاركات: 6
    آخر مشاركة: 02-05-2015, 12:21 AM
  4. مشاركات: 0
    آخر مشاركة: 16-09-2013, 10:07 PM
  5. سؤال بخصوص بطارية ل 128
    بواسطة i_samy في المنتدى بطاريات
    مشاركات: 4
    آخر مشاركة: 19-06-2011, 11:01 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2