اقتباس المشاركة الأصلية كتبت بواسطة tasaka مشاهدة المشاركة
على فكره .. بعد ماشتريت الاكسيل ب 3 سنين .. نزلت الاكسنت و طبعا كنت عايز اغير و اشترى الاكسنت

سقت الاكسنت و ما عجبتنيش .. و كمان الاكسنت كانت اقل فى السعر 10 الاف جنيه من ثمن الاكسيل لما نزلت .. الاكسيل نزلت ب 50 الف سنه 95 و الاكسنت نزلت بعد 3 سنين ب 40 الف

.. و كمان الاكسنت اقل فى المواصفات و الجوده من الاكسيل .. و ده كلام اكيد لانى قارنت اسعار قطع الغيار بين الاثنين .. مثال زجاج امامى اكسيل كان ب 900 جم و الاكسنت كان ب250 .. المروحه للاكسيل تختلف نهائيا عن النوع السيئ بتاع الاكسنت .. و اقعد جمع كده لغايه ما تعرف فرق ال 10 الاف جنيه جاء منين

الكاوتش شيئ اساسى جدا للاكسيل يعنى كاوتش محترم و عرض 185 مثلا .. و الفرق كبير جدا جدا فى الثبات و المطبات

انا كنت باسافر اسبوعيا لمده 7 سنوات فى اجازه الخميس و الجمعه .. العربيه كويسه على الاقل لغايه سرعه 120 .. انا بطبيعتى ما ازودش عن كده
انت خلتنى مش عارف اقلك ايه بصراحه انا حبيت العربية بجد بسبب كلامك انا هتوكل على الله ومش هدور غير علىها بس ادعيلي ربنا يوقعنى فى حاجه نظيفه ويبعد عنى طمع وجشع الميكانيكيا وقله الضمير لان عندنا هنا فى الغربيه الصنيعيه السلطه اللى تلبسك فى حيطه كتير انا واحد صحبى اللى كان معاه الاكسل ناوي يودينى عند الميكانيكي اللى اشترى منه الاكسل وعلى فكره هوا بيتعامل معاه للمره الثالثه فى الشرا يعنى جاب ال128 وبعديها الاكسل وبعدين الفرنا رايك اروح معاه ولا اشوف حد تاني هوا بيشكر فيه واخد حد معايا يبص برده عليها ولو اخدت العربيه بيبقى الاتفاق على ايه يعني ممكن اخد العربيه انا اوديها لعفشجي وميكانيكي والناس دي تبص على العربيه بعيد عنه لان انا ناوي اوديها المنوفيه يتكشف عليها بعيد عن المحافظه خالص علشان لو مربطين مع بعض عندنا متجيش على دماغى وشكرا شكرا على كلامك المقنع وعلى فكره ده كلام صاحبي برده عنها اللى مركبهاش غير سنتين او ثلاثه بس هوا من هواة التغيير