راى فى كورولا 2015 بعد عام من التجربه

**doratos** · 31-05-2015 02:27 PM

الى اى شخص مقبل على السيارة.....

السيار حلوة ...متور قوى ماشاء الله عليه ....سحب ممتاز....التكيف كويس (المشكله فى الجو هنا والطرق اللى كلها رمله ودخان وتراب) فبتحتاج تغير الفلتر بدرى وده مدايقنى وسعره 450 جنيه....الخامات الدليه وحشه وبتتجرح من اقل حكه....الوسع الداخلى ممتاز وتعتبر عائليه بسبب وسعها....الدهان الخارجى ضعيف فحت .....والتوكيل ساعات بحس انه بيكروت...

بعض العيوب اللى ظهرت:

صوت تزييق فى التيل وبيروح مع التشحيم....بس بيظهر تانى بعد فترة.

التوكيل بينفض لاى شكاوى

**ali ashraf** · 31-05-2015 03:42 PM

المشاركة الأصلية كتبت بواسطة doratos

الى اى شخص مقبل على السيارة.....

السيار حلوة ...متور قوى ماشاء الله عليه ....سحب ممتاز....التكيف كويس (المشكله فى الجو هنا والطرق اللى كلها رمله ودخان وتراب) فبتحتاج تغير الفلتر بدرى وده مدايقنى وسعره 450 جنيه....الخامات الدليه وحشه وبتتجرح من اقل حكه....الوسع الداخلى ممتاز وتعتبر عائليه بسبب وسعها....الدهان الخارجى ضعيف فحت .....والتوكيل ساعات بحس انه بيكروت...

بعض العيوب اللى ظهرت:

صوت تزييق فى التيل وبيروح مع التشحيم....بس بيظهر تانى بعد فترة.

التوكيل بينفض لاى شكاوى

ربنا يبارك لك فيها , المشاكل اللى حضرتك ذكرتها مش اساسية و مقبولة بصورة عامة مش مثلا زى السكودا احد الاعضاء كاتب العربية جابت موتور و احد ملاك الانسيجينا تحت عنوان الغول الالمانى هو يمكن كان قاصد يمدح العربية بس طلع غيوب قاتلة للغول و عيره و غيره و دى عيوب قاتلة انما ما ذكرته حضرتك مقدور عليها, عايز اسأل حضرتك العربية مريحة فى السفر فى المسافات الطويلة؟ العفشة ناعمة؟ و اخبار الحك بالمطبات ؟ هل جربت الاتو بارك؟ أستحملنى لأنى كنت هجيب سوبارو و هى عربية ممتازة بمعنى الكلمة بس قطع الغيار و التوكيل بعفية شوية و قررت على الكورولا ان شاء الله. مع خالص تحياتى و شكرى مقدما

**doratos** · 31-05-2015 04:08 PM

المشاركة الأصلية كتبت بواسطة ali ashraf

ربنا يبارك لك فيها , المشاكل اللى حضرتك ذكرتها مش اساسية و مقبولة بصورة عامة مش مثلا زى السكودا احد الاعضاء كاتب العربية جابت موتور و احد ملاك الانسيجينا تحت عنوان الغول الالمانى هو يمكن كان قاصد يمدح العربية بس طلع غيوب قاتلة للغول و عيره و غيره و دى عيوب قاتلة انما ما ذكرته حضرتك مقدور عليها, عايز اسأل حضرتك العربية مريحة فى السفر فى المسافات الطويلة؟ العفشة ناعمة؟ و اخبار الحك بالمطبات ؟ هل جربت الاتو بارك؟ أستحملنى لأنى كنت هجيب سوبارو و هى عربية ممتازة بمعنى الكلمة بس قطع الغيار و التوكيل بعفية شوية و قررت على الكورولا ان شاء الله. مع خالص تحياتى و شكرى مقدما

موافق حضرتك تماما انها عيوب ممكن التعايش معاها.

بالنسبه للمطبا ..لم مطب هرمى واللى عامله بواب هتحك فيه حتى ممكن وانت لوحدك... لكن لو مطب محترم زى اللى عند بوابات السخنه...انسي حتى لو محمل فيل.

بالنسبه للسفر ممتعه والكروز هايل ومتحسش باى مشاكل ...والعفشه كويسه(مش هاقدر افتى اوى لانى مش خبير) بس انا مش حاسس بمشاكل.

الاوتوبارك لذيذ بس انت هاتركن اسرع منه.

وكمان انا جربت افول مرتين بنزين 95 وكانت تحفه اهدى وانعم من ال 92

**ENG.MaRk** · 31-05-2015 05:50 PM

شكراً لنقل الصورة كاملة و شكراً علي أمانتك في إيضاح السلبيات و ربنا يبارك لحضرتك فيها و يديك خيرها و يكفيك شرها

**Mecha** · 31-05-2015 07:23 PM

يعني ايه تزييق التيل بيروح مع التشحيم ,وشكرا للفيد باك ,وفعلا الكورولا زمردة فئتها .

**doratos** · 01-06-2015 11:52 AM

المشاركة الأصلية كتبت بواسطة mecha

يعني ايه تزييق التيل بيروح مع التشحيم ,وشكرا للفيد باك ,وفعلا الكورولا زمردة فئتها .

يعني حضرتك التزيييييييق مع بدايه الحركه للامام او حتى ترجع للخلف بتسمع صوت تزييييييق.....روحت التوكيل قالولووووو ان ده علشان عايزة شحم حرارى.....

وكمان فى موضوع هنا ليه علاقة بالكلام ده علشان مادة الاسبتوس