الموضوع: استفسار بخصوص شقة

المشاركة الأصلية كتبت بواسطة امجد مروان 454

السلام عليكم
اخی بحمد الله اشتری شقة للزواج نص تشطيب 160 غير صافی وهو حاليا مسافر وانا اللی هتولی الموضوع وعندی شوية اسئلة
1_الشقة نص تشطيب يعنی كهرباء ومحارة وحلوق ولكن هو عايز يزود عدد الفيش وسمك اسلاك الكهرباء وشبابيك الوميتال فهل الكلام ده ينفع ولا خلاص طالما الشقة اتمحرت .
2_عند نهاية الأقساط ايه اجراءات التسجيل علشان يحفظ حقه وهو هيكون نزل مصر وهل ناخد معانا محامی ولا مش لازم مع العلم عند كل قسط الراجل بيمضی جمب التاريخ وبس كده ؟ وصاحب البيت راجل ثقة ولكن هل حقه محفوظ بالعقد اللی مش متسجل ؟وكمان فی 10 آلاف فی العقد لاتحاد الملاك غير تمن الشقة هل ده شرط لنفاذ العقد ولا ممكن ياجل دفعهم؟
3_عايز اعرف التكلفة المبدأية لتشطيب وفرش الشقة وهی علی المحارة والتشطيب متوسط يعنی مش شعبی ومش مبالغ فيه ولكن نضيف (2حمام ومطبخ و3 غرف ورسيبشن 2 قطعة)
(بورسلين للرسيبشن وسيراميك للباقی فرز أول ودهانات جوتن وتشطيب حمامين وشراء صالون وركنة وسفرة وغرفة نوم وغرفة أطفال ومطبخ والأجهزة الكهربائية والسجاد وباقی الحاجات يعنی فرش كامل)أنا عارف إن الموضوع مش ينفع يتقدر كده ولكن عايز تكلفة تقديرية الی حد ما
ياريت اللی يعرف حاجة يفيدنی جزاكم الله خيرا.

اقدر افيد حضرتك فى المطابخ ان شاء الله

مطابخ فيرتكس ديزين
المعاينة 100 جنيه تخصم عند التعاقد من قيمة العقد
التصميم مجانا بعد التعاقد
قلب المطبخ خشب طبيعى كونتر جوود وود معالج بطبقة فورميكا
الضلف أكريليك او pvc تركي اجود خامات معالجة
المفصلات تركى او ايطالى اغلاق ذاتى
مجارى الادراج تركى او ايطالى اغلاق ذاتى
الحساب بالمتر المربع
سعر المتر لا يشمل االمقابض - الاكسسوارات الداخلية – الرخام

سعر متر الاكريليك 1500 جنيه
سعر متر pvc 1400جنيه

التليفون : 01121128792
facebook: vertex design

افيدك في التشطيب لاني لسة مشطب

التشطيب السوبر لوكس للشقة شامل ( سيراميك + خشب ابواب وبلكونات + دهان ومصيص وكرانيش + إضافة وانوار ونجف + تشطيب الحمامات بالكامل سيراميك وقواعد واطقم حنفيات + الوميتال للشبابيك الرئيسية )

من 85 لـ 95 الف المبلغ دا شامل كل حاجة من الألف للياء


بخصوص العفش لو هتجيب من دمياط جاهز وهتفرش الشقة ( مطبخ خشب+ انترية + صالون + سفرة + نوم + اطفال )

في المتوسط حوالي 60 الف لو حاجات نضيفة ومش اوفر ...يعني تشطيب وفرش الشقة اعتقد مش هيزيد عن 150 الف

شقة اجمالى 160 متر يعنى نفترض ان الصافى 130 متر
وانت بتتكلم ف مستور تشطيب كويس "بورسلين وسيراميك فرز اول ودهانات جيوتن"مش هتقل عن 750 المتر..التشطيب لوحده 100 الف جنيه
خد بالك ان شقتك اسمها نص تشطيب انما فعليا هتلاقى انك بتهد كل حاجه..المحارة ممكن تكسرها وتقول ياريتهم سلموهالى بدون محارة وده على الأقل هيحصل معاك ف حيطه او اتنين وممكن يعيد على محارة حاجه والسقف لو عندك حالته وحشه زى ما حصل معاك هتدفع كتير اوى في المصيص,الكهرباء هتلاقى ان مفيش اسلاك واصله عاده وهتزود فيش بكتير جدا وتزود في الاسلاك والمفاتيح..
السباكه غالبا هتحتاج تفصل نفسك عن باقى العمارة عشان متحصلش مشكله هبله ف العماره تغرقلك شقتك وتبوظلك الارضيات او الفرش وتعمل الشقة على محبسين ع الأقل وتكسر وتوصل مواسير نضيفه
شوف كمان لو هتعمل بيت نور او ديكورات في بعضالحوائط ودى مكلفه
تشطيب كويس مش هتقل 85 الف اقل تقدير خصوصا ان الصنايعيه بقوا جشعين جدا واسعارهم نار نار نار

المشاركة الأصلية كتبت بواسطة 4fun14

شقة اجمالى 160 متر يعنى نفترض ان الصافى 130 متر
وانت بتتكلم ف مستور تشطيب كويس "بورسلين وسيراميك فرز اول ودهانات جيوتن"مش هتقل عن 750 المتر..التشطيب لوحده 100 الف جنيه
خد بالك ان شقتك اسمها نص تشطيب انما فعليا هتلاقى انك بتهد كل حاجه..المحارة ممكن تكسرها وتقول ياريتهم سلموهالى بدون محارة وده على الأقل هيحصل معاك ف حيطه او اتنين وممكن يعيد على محارة حاجه والسقف لو عندك حالته وحشه زى ما حصل معاك هتدفع كتير اوى في المصيص,الكهرباء هتلاقى ان مفيش اسلاك واصله عاده وهتزود فيش بكتير جدا وتزود في الاسلاك والمفاتيح..
السباكه غالبا هتحتاج تفصل نفسك عن باقى العمارة عشان متحصلش مشكله هبله ف العماره تغرقلك شقتك وتبوظلك الارضيات او الفرش وتعمل الشقة على محبسين ع الأقل وتكسر وتوصل مواسير نضيفه
شوف كمان لو هتعمل بيت نور او ديكورات في بعضالحوائط ودى مكلفه
تشطيب كويس مش هتقل 85 الف اقل تقدير خصوصا ان الصنايعيه بقوا جشعين جدا واسعارهم نار نار نار

شكرا علی الرد
بس بالنسبة للاسلاك تقريبا ضعيفة مش تستحمل تكييفات فهل بقی تتشد كلها ويتحط غيرها ولا ايه الحل؟
وتقصد ايه حضرتك بالنسبة لفصل الصرف يعنی تنزل ماسورة مباشرة من الشقة للعمومی ممكن توضح؟
وايه لازمة النص تشطيب بقی علی كده اسم علی الفاضی بس ده انا بفكر لما اشتری الشقة بتاعتی استلمها علی الطوب وانزل من سعرها