الموضوع: استفسار بخصوص شقة

مبدئيا 150 الف تشطيب وعفش

المشاركة الأصلية كتبت بواسطة امجد مروان 454

السلام عليكم
اخی بحمد الله اشتری شقة للزواج نص تشطيب 160 غير صافی وهو حاليا مسافر وانا اللی هتولی الموضوع وعندی شوية اسئلة
الف مبروك
1_الشقة نص تشطيب يعنی كهرباء ومحارة وحلوق ولكن هو عايز يزود عدد الفيش وسمك اسلاك الكهرباء وشبابيك الوميتال فهل الكلام ده ينفع ولا خلاص طالما الشقة اتمحرت .
ينفع عادى جداً والالوميتال بيتركب كمان بعد الدهان بالنسبه للكهرباء ينفع تزود فيش عادى جداً
2_عند نهاية الأقساط ايه اجراءات التسجيل علشان يحفظ حقه وهو هيكون نزل مصر وهل ناخد معانا محامی ولا مش لازم مع العلم عند كل قسط الراجل بيمضی جمب التاريخ وبس كده ؟ وصاحب البيت راجل ثقة ولكن هل حقه محفوظ بالعقد اللی مش متسجل ؟وكمان فی 10 آلاف فی العقد لاتحاد الملاك غير تمن الشقة هل ده شرط لنفاذ العقد ولا ممكن ياجل دفعهم؟
3_عايز اعرف التكلفة المبدأية لتشطيب وفرش الشقة وهی علی المحارة والتشطيب متوسط يعنی مش شعبی ومش مبالغ فيه ولكن نضيف (2حمام ومطبخ و3 غرف ورسيبشن 2 قطعة)
(بورسلين للرسيبشن وسيراميك للباقی فرز أول ودهانات جوتن وتشطيب حمامين وشراء صالون وركنة وسفرة وغرفة نوم وغرفة أطفال ومطبخ والأجهزة الكهربائية والسجاد وباقی الحاجات يعنی فرش كامل)أنا عارف إن الموضوع مش ينفع يتقدر كده ولكن عايز تكلفة تقديرية الی حد ما
ياريت اللی يعرف حاجة يفيدنی جزاكم الله خيرا.

تكلفة تشطيب الشقه فى حدود 60 الف جنيه
والعفش حسب اللى هتختاره

المشاركة الأصلية كتبت بواسطة أبو آسر

المبلغ ده يشطب تشطيب شعبي عادي مش هيجيب بورسلين ولا سيراميك فرز أول
التشطيب المتوسط المعقول مش أقل من 600 جنيه للمتر المربع يعني لو الشقة 140 م صافي فتكلفة التشطيب هتكون مش أقل من 85 ألف جنيه إلى 100 ألف
والفرش في حدود 50 ألف كويس
ينفع تزود فيش كهرباء وتركب شبابيك ألوميتال وهتحتاج مبيض محارة بعد ما تخلص يرمملك اللي اتكسر
عند تسجيل العقد يفضل الاستعانة بمحامي لضمان كافة الحقوق لأن بيبقى في حاجات مستخبية مش هيعرفها غير المحامي
لحد ما العقد يتسجل ممكن ترفعوا دعوى صحة توقيع على العقد الابتدائي ، مش بيثبت الحق في الشقة بس إجراء مهم لضمان أن من وقع على العقد هو المالك الأصلي للشقة وممكن الاستعانة بيه في حالة حدوث خلاف لا قدر الله ، وطبعا يفترض ان معاكوا نسخة من أوراق ملكية الأرض والتراخيص وما شابه وتطلعوا على الأصل برده

60 الف هيشطبوا ليه بورسلين للريسبشن وسيراميك لباقى الاوض والمطبخ والحمام لانه بيقول ان الكهربا معموله والسلوك ماشيه فى الخراطيم والشقه متمحره
يعنى يتبقى له تزويد فيش وسيراميك وكرانيش والوميتال