الموضوع: المارش فى الفليشيا ومراعاه الزبون

المشاركة الأصلية كتبت بواسطة egyplan

السلام عليكم يا اعضاء الاسكودا
احب اليوم احكيلكم على قصة حصلت فى الواقع اليوم وهى عظة وعبرة
اولا السيارة فليشيا موديل 96
منذ ايام قليلة والمارش اصبح بطئ وكنت مكسل اشوف ايه المشكلة
الى انه امس مبقاش يدور
اوم زقيت العربية الى ان دارت وركنتها على منزل فى شارع عشان تدور الصبح واوديها لكهربائى
المهم جيت الصبح بدور المارش كان تقيل جدا بس دار سنه والعربية دارت
روحت مودى العربية عند كهربائى
قعد فك المارش وفتحة ومش لاقى فيه مشكلة راح قال العيب ان وصلة الاسلاك مصدية
راح جايب صنفرة وقعد يصنفر الاسلاك اللى داخلة على البطارية والمارش (الترامل) وراح مجرب المارش خارج السيارة فدار معاة
راح مركبة وبندور برضة مادارتش
راح فاكك المارش وفاكك الموبينه ولقاها سليمة وراجع على الشربون لاقاه سليم
المهم قالى المارش ده محروق فى الموبينه
وهتضطر تشترى مارش استيراد ب 300 جنية
روح فاتح شنطة العربية وشديت الكرتونه البيضا المرمية فى العربية منذ اكثر من ست سنوات
وفتحت الكرتونه وطلعت المارش القديم اللى كان باض منذ حوالى ست سنوات والكهربائى الله يكرمه مطرح ماهو قاعد ساعتها قالى لما اشتريت واحد جديد صينى لا ترمى المارش وشيله يمكن تحتاج منه قطعة غيار
وفعلا قلت للراجل فك المارش ده وركب الموبينه دى مكان دى
راح فاكك المارش وركب الموبينه وجينا نشغله خارج السيارة اشتغل ولما ركبناه فى السياره لم يشتغل
قلتله اكيد الموبينه دى تركب على المارش ده جرب كده
راح زعل وقال للصنايعى لم المارش فى الصندوق ومكانش عاوز يعمل التجربه
قلتله انت زعلان ليه ؟ انا هديك فلوس
مكانش راضى وقالى مش هيشتغل والحكاية والروايه المهم انا اضايقت من الموقف وازاى يقول للصبى يحط المارش فى الكرتونه
المهم ركبه وبرضه ماشتغلش رحت مديلة فلوسه ورحت رايح على سوق السابع
المهم لقيت كهربائى فك الماشين وركب الكويل مكان الكويل وشغلة وتمام التمام
الغرض من القصة
ان الكهربائى الاول كسل يحل المشكلة ومعاه مارشين وعاوز يخلى الزبون يروح يشترى مارش
وثانى حاجة اخد حسابه وكانه صلح المشكلة
وبعد ما صلحت المارش عديت عليه فى الورشة وقلتله انت مطلعتش جدع
لانك لم تصلح المارش وكنت عاوز تدبس الزبون فى فلوش كتير
قالى اصله مبيحبش حد يتدخل فى شغلة
- الاستفادة من القصة :
1- لاتلقى قطع الغيار القديمة قد تحتاجها فى وقت زنقة وتوفر عليك فلوس
2- لابد ان تتعلم شوية ميكانيكا عشان تعرف ان الصنايعى مش فاهم وميشتغلكش
3- لاتياس لو صنيعى معرفش يحل المشكلة عدى على صنايعى تانى
4- تتعلم الصبر والمصابرة انك تكتب ما حدث فى الموقع عشان الناس تعلق وتتعلم من القصة
مع التحيه

درس ى منتهى الاهمية وننصح به دائما دا انا المقصات اللى متغيرة موجودة موقلقش الجراش عندى شبة ورشة من كل حاجة موتور فتيس مساعدين كبالن رفارفرهههههههههههه مستحيل ارمى اى حاجة**