الموضوع: محتاجين أرآء ذوي الخبره

المشاركة الأصلية كتبت بواسطة aumn2003

شاكر لحضرتك جدا جدا يا بشمهندس احمد المشكله فعلا اتعالجت وجربت العربية انهارده علي الصحراوي والحمد لله كانت طبيعية وجزاك الله خيرا

للتوضيح اكثر انا عملت ايه بالظبط

اولا اشتريت العبوة بتاعت تنظيف البخاخات وحطيتها علي تانك فاضي وفولت العربية
وثانية اشتريت بخاخ تنظيف بوابة الهوا والبخاخات ومشيت علي التعليمات اللي مكتوبة علي العلبة


مشيت عليها تقريبا 20 كليو وهيا فيها المشكله وبعدها بقت طبيعية جدا والمشكله اتحلت الحمد لله

وطبعا عندي حاليا استفسارين وياريت برضه الاقي رد من حضرتك:

الاول : اقدر احط المنظف بتاع البخاخات ده كل اد ايه ؟؟ يعني مع كل تفويلة؟؟ ولا كل شهرين؟؟ ولا كل عدد كليمومترات معينة؟؟

ثانية : العربية بتدور من اول لقطه بس بتبطل علي طول ثاني بقفل الكونتاكت وارجع افتحة وادور عشان تتدور وتفضل شغاله
هل ده طبيعي ولا في حاجه ثانية محتاجه تنظيف مثلا ال tbs او حاجه ثانية غيره ؟؟


شكرا

الحمدلله وربنا يتمم شفاها على خير :)

بالنسبة للمنظف بتاع الرشاشات ده ماتحطهوش كتير - يعنى مرة واحدة فى السنة مثلاً
بالنسبة لمنظف البوابة ممكن تستعمله كل ماتحس إن العربية فيها مشكلة مش حاتخسر حاجه - ويستحسن تستعمل منظف بوابة throttle body cleaner مش منظف كاربتير carb cleaner
وبالنسبة لتبطيل العربية بعد ماتدور دى أعراض إن طلمبة البنزين إبتدت تفيص وزى ماقولتلك قيس ضغط الطلمبة ونضف التانك - إللى بيحصل عندك إن فيه بلف فى الطلمبة check valve وده بيسمح بمرور البنزين فى إتجاه واحد ومايرجعهوش التانك علشان لما تبطل العربية يفضل خط البنزين متحضر ومليان بنزين فالعربية تدور معاك على طول - البلف ده لو باظ - بعد ماتبطل العربية البنزين حايرجع التانك وخط البنزين بيفضى أو يفضل فيه شوية صغيرين يادوب يدوروا العربية وبعدين تبطل تانى على مالبنزين يملى الخط - لو فتحت الكونتاكت ومادورتش مرتين تلاته حتلاقى العربية تدور وماتبطلش - ممكن تمشى عليها كده شوية بس مانصحكش لأنها فى أى وقت حاتقطع خالص وممكن تتزنق فى زحمة أو على طريق سفر- فغيرها أضمن . ولما تغيرها نزل التانك نضفه وغير الطلمبة وركب كله نضيف.

المشاركة الأصلية كتبت بواسطة aumn2003

بشمهندس احمد انا شاكر لحضرتك جدا علي الاهتمام ومساعدتك في حل المشكله اللي كانت عندي
ردي ده متاخر شويه بس لاني طالع عيني مع العربية دي والمشكله بتتكرر دايما وبالذات في الاوقات اللي المكنه بتكون بارده فيها لذالك لما اتحلت المشكله حابب اعرض الحل لعلي وعسي نفيد غيرنا وميتبهدلوش ولا يغرموا فلوس كتير زي ما حصل معايا

مبدائيا انا غيرت طرمبة البنزين كامله بالعوامه الامريكي يو اس الاصليه وفضلت المشكله قائمه وبعدها غيرت حساس الكرنك وبرضه المشكله موجوده وبعدها رحت لراجل محترم جدا اسمه المهندس باسم في الحرفيين في مركز اسمه روتستار كشف علي العربية وفجاه قالي ده مشكلة كنترول
طبعا انا مصدقتش ولكن لما جربنا كنترول تاني فعلا المشكله اتعالجت


شاكر لحضرتك جدا
واتمني نفضل علي تواصل

الف شكر على مشاركتك معانا للعطل بتاع حضرتك وربنا يتمم اصلاح العربية على خير ان شاء الله