الموضوع: إيه أفضل كومبريسور ومقياس كاوتش

انا عندى الكمبريسور الى فى الصوره شغال تمام وسريع بس بيسخن جدا لدرجة ان السلك الى راكب فى المشبك للبطارية بيسيح ويدخن والكمبريسور بيبقى مولع انا كنت عوز اغير السلك بنوع انظف يمكن ميسحش ياريت لو فى حل تقترحة علية ولو فى تعديل اعملة علشان ميسخنش قوى كده اكون شاكر ليك جدا

أنا عاوز أقولكم على "سر خطير" حصلى أثناء محاولات إصلاح المغفور له بإذن الله الواحد بستم
أول مرة نزلت نص البلد أدور على مشابك توصيل , مكنتش أعرف إنها عند بتوع الإلكترنيات, المهم نزلت لفيت فى العتبة لاقيت مشابك بالسلك بتاعها حوالى 3 متر مجوز بـ 5 جنية, و جبتها و طولت بيها السلك.
لاقيت الكمبروسر مش شغال حلو, بطئ جداً و تحس إنه بيعافر علشان يشتغل و كأنه بيودع!!!!
مجاش فى بالى إن السلك ممكن يكون السبب, لحد ما بالصدفه إحتاجت السلك و غيرته بسلك شعر 1 مم...... ما شاء الله كان توربين و السلك مبيسخنش فضل على ده الحال لحد ما حصل اللى حصل و الحمد لله.

لو هتغير السلك لاااااااااازم سلك 1 مم عالأقل و يكون معتمد (يعنى الشعر النحاس فيه كتير و قطرة 1 مم فعلاً مش شعرتين و متغلفين بثلاثة كيلو عازل )
و المشابك اللى الإثنين بـ 3 جنية فى رام - باب اللوق, ممتازة على قد الغرض ده.

شكرا على ردك بس انا كنت هعمل كده فعلا كنت هجيب سلك شعر ا ملى السويدى المشكلة بس السللك الاصلى راكب ومقفول علية فى العلبة السوده الى فى يد الكمبريسوس ومعرفتش افتحها و لم بصيت لقت علشان افتحها لازم افك الكمبريسور ولا ليها حل تانى ومعلش هو لية جسم الكمبريسور بيسخن قوى كده بيبقى مولع لدرجة انى مبقدرش افك الخرطوم وبسيبو لم يبرد وهل فية صيانة بتتعملة او بيتذودلة زيت مثلا ولو فى نوع كويس قولى علية واجيبة منين علشان فى واحد صحبى عاوز واحد شكرا ومعلش اسئلتى كتير

شكرا على ردك بس انا كنت هعمل كده فعلا كنت هجيب سلك شعر ا ملى السويدى المشكلة بس السللك الاصلى راكب ومقفول علية فى العلبة السوده الى فى يد الكمبريسوس ومعرفتش افتحها و لم بصيت لقت علشان افتحها لازم افك الكمبريسور ولا ليها حل تانى ومعلش هو لية جسم الكمبريسور بيسخن قوى كده بيبقى مولع لدرجة انى مبقدرش افك الخرطوم وبسيبو لم يبرد وهل فية صيانة بتتعملة او بيتذودلة زيت مثلا ولو فى نوع كويس قولى علية واجيبة منين علشان فى واحد صحبى عاوز واحد شكرا ومعلش اسئلتى كتير

الصح طبعاً لازم يتفك و تفك لحام السلك بتاعه خالص و تركب سلك جديد, و السويدى ممتاز طبعاً و معتمد.
بالنسبة للسخونة لإن الكمبروسر صينى, و كل اللى فى السوق صينى أو قطع غيار صينى و تجميع مصرى, المهم متشغلوش متواصل أكتر من 3 دقائق, و أيدك على السلك و هو شغال, أول متلاقى السلك بدأ يسخن , ريحه شويه.
لما فتحته من جوة لاقيت بستم و شميز , و رغم إنهم كانوا كاتبين إنه مش محتاج تزييت, إلا إنى لاقيتهم حاطين شحم, فقولت أتوصى شوية, بس الصوت زى مهو و السخونة زى مهى.