أفضل نوع كاوتش للـ x5

**inspiron** · 04-09-2013 12:45 PM

محتاج رأي الخبراء هنا عن أفضل نوع كاوتش للـ x5 وبفاضل بين ( الميشلان - دانلوب - فولدا ) وميال للفولدا لأني مجربه في المرسيدس ممتاز..وعلي حد عِلمي إنه مش بعيد عن الميشلان والدانلوب وأرخص منهم كتير.

**mohamed_rhem** · 04-09-2013 12:58 PM

لو بتدور علي حاجه سعرها حلو وممتازة

يوكوهاما S.Drive ياباني وكيله غبور

كونتينينتتال الماني

**Ahmed Amin** · 04-09-2013 01:38 PM

وهوا الكونتينينتتال عامل كام أنهارده مقاس ال x5
متهيالي أنو هيكون أفضل وأريح للعربية عن الميشلان والدانلوب

**horas3000** · 04-09-2013 01:44 PM

انت كده جيب في ملعبي ههههه
الاول انت ناوي علي run flat زي الفابريكه و لا عادي ؟ لان ده هيفرق في السعر كتيييييير
و من صوره التوقيع باين انه الجنط ال 20 فاهلا بييييييك

احنا الفابريكه كان دانلوب ياباني و طبعا run flat و دي فرده ناشفه اصلا و كانت صباح الدبدبه و قله الراحه
لكن الحج الله يباركله قام بالواجب و جاب اجل الفردتين اليمين في اول 1000 كيلو و كائن من بتوع الكوتش كمل عليهم و عمل فيهم 29 خابور الله يجحمه
طبعا الفردتين اترموا و جبت 4 فرد بريلي عادين مش run flat لان فرده ال run flat ال 20 انش عامله 5000 جنيه (ايوه الفرده الواحده)
دول عملوا حوالي 15000 كم و بعدين الحج برضه جاب اجل واحده و كان في واحده تاريخها اقدم من ال 3 الباقيين و انا مخدتش بالي من كده و انا بغيرهم و طبعا بقينا محتاجين 4 فرد تاني بسبب مشكله ان الفرده الورانيه اعرض من القدامنيه
بس عموما هما اطري من الدانلوب طبعا بس مش كتير و العربيه برضه كانت بتدبدب في الطرق السيئه

فخدتها من قاصرها و جبت 4 فرد ميشلان من الكويت في اخر رحله ليا و دول ما شاء الله عليهم اطري من ال الدانلوب و البريلي بكتير و نقشتهم احسن برضه و فرقوا جدا في الراحه و الدبدبه قلت جامد و ان كان ده علي حساب الثبات و الفرمله سنه بس الكلام ده علي السرعات العاليه

الفولد انا معرفش عنها حاجه بصراحه
الدانلوب اوعي فرده ناشفه جدا
فاحسن حاجه في راي الميشلان و طبعا يكون اوروبي

اليوكاهاما انا مجربه في الكايين فرده حلوه جدا بس للاسف غبور مش بيبيع الا مقاسات الهيونداي

**inspiron** · 04-09-2013 06:29 PM

المشاركة الأصلية كتبت بواسطة mohamed_rhem

لو بتدور علي حاجه سعرها حلو وممتازة

يوكوهاما S.Drive ياباني وكيله غبور

كونتينينتتال الماني

المشكلة في المقاس لأن مقاس الجنط 20" فبعد البحث ملقيتش خالص المقاس ده في يوكوهاما.وطبعاً هي غنية عن التعريف.متشكر لمرورك

المشاركة الأصلية كتبت بواسطة LeitoSR

وهوا الكونتينينتتال عامل كام أنهارده مقاس ال x5
متهيالي أنو هيكون أفضل وأريح للعربية عن الميشلان والدانلوب

بالعكس الكونتيننتال فردة ناشفة وصوتها عالي كمان ( ده اللي مزعلني في الفانتازيا بس طبعاً حمالة قسية )
الميشلان مفيش أنعم منها

المشاركة الأصلية كتبت بواسطة horas3000

انت كده جيب في ملعبي ههههه
الاول انت ناوي علي run flat زي الفابريكه و لا عادي ؟ لان ده هيفرق في السعر كتيييييير
و من صوره التوقيع باين انه الجنط ال 20 فاهلا بييييييك

احنا الفابريكه كان دانلوب ياباني و طبعا run flat و دي فرده ناشفه اصلا و كانت صباح الدبدبه و قله الراحه
لكن الحج الله يباركله قام بالواجب و جاب اجل الفردتين اليمين في اول 1000 كيلو و كائن من بتوع الكوتش كمل عليهم و عمل فيهم 29 خابور الله يجحمه
طبعا الفردتين اترموا و جبت 4 فرد بريلي عادين مش run flat لان فرده ال run flat ال 20 انش عامله 5000 جنيه (ايوه الفرده الواحده)
دول عملوا حوالي 15000 كم و بعدين الحج برضه جاب اجل واحده و كان في واحده تاريخها اقدم من ال 3 الباقيين و انا مخدتش بالي من كده و انا بغيرهم و طبعا بقينا محتاجين 4 فرد تاني بسبب مشكله ان الفرده الورانيه اعرض من القدامنيه
بس عموما هما اطري من الدانلوب طبعا بس مش كتير و العربيه برضه كانت بتدبدب في الطرق السيئه

فخدتها من قاصرها و جبت 4 فرد ميشلان من الكويت في اخر رحله ليا و دول ما شاء الله عليهم اطري من ال الدانلوب و البريلي بكتير و نقشتهم احسن برضه و فرقوا جدا في الراحه و الدبدبه قلت جامد و ان كان ده علي حساب الثبات و الفرمله سنه بس الكلام ده علي السرعات العاليه

الفولد انا معرفش عنها حاجه بصراحه
الدانلوب اوعي فرده ناشفه جدا
فاحسن حاجه في راي الميشلان و طبعا يكون اوروبي

اليوكاهاما انا مجربه في الكايين فرده حلوه جدا بس للاسف غبور مش بيبيع الا مقاسات الهيونداي

شريف بيييييييييييه ده أنا ناسي والله إنك كنت راكب نفس العربية..يا باشا ربنا يجازيك خير علي المعلومات دي..طيب إذا قولنا ميشلان معندكش فكرة الفردة تعمل كام وممكن ألاقيها فين ( يعني مش ممكن تكون عند غطاطي في فيصل مثلاً وبكده سعرها هيفرق عشان جملة ) وتكون run flat

**horas3000** · 05-09-2013 01:51 PM

المشاركة الأصلية كتبت بواسطة inspiron

شريف بيييييييييييه ده أنا ناسي والله إنك كنت راكب نفس العربية..يا باشا ربنا يجازيك خير علي المعلومات دي..طيب إذا قولنا ميشلان معندكش فكرة الفردة تعمل كام وممكن ألاقيها فين ( يعني مش ممكن تكون عند غطاطي في فيصل مثلاً وبكده سعرها هيفرق عشان جملة ) وتكون run flat

و الله يا زعيم كان بودي اساعدك
بس انا ريحت نفسي و جبت الفرد من الكويت لان للاسف اغلب بتوع الكوتش في مصر حراميه
يعني مش فاهم ازاي سعر الفرده في الكويت مع الجمرك و الشحن يبقي اقل من هنا
مع ان المواصفات بتبقي اعلي كمان خصوصا تحمل الحراره
اتصل بغطاطي و اسال بس اهم حاجه اتاكد من تاريخ الانتاج لان المقاسات الكبيره دي مش منتشره و مش بيجيبوها علي طول

الفرد run flat مش هتقل عن 5000 جنيه باي حال من الاحوال
دي في التوكيل بتعمل من 7500- 8500 و بالطلب
فانا لو منك هخليني في العادي عشان الميزانيه و الدبدبه خصوصا و ان ال x5 فيها استبن مش زي باقي البي ام
عموما الفرده العاديه بتعمل في حدود ال 2500 + او - حسب الماركه
و ربنا يعينك

المشاركة الأصلية كتبت بواسطة 2CODE

طيب ما تجرب الـApproved Star من BMW (شوف فيديوهات عنه في youtube) هو هتلاقي عليه نجمة من فوق في الفرده وحاجة فخمة كده
انا طالب 4 فرد في الـSpecial Order بتاعي - دي كاوتشات عاملاها BMW بس مش بتنزل في كل العربيات
روح البافارية واسألهم على اسعارها للـX5

لا يا زعيم
موضوع الـApproved Star مش ان BMW هي اللي بتعمل الكوتش
الموضوع ان المصنعين الكبار زي بورش و BMW و مرسيدس عملوا زي اتفاقيات مع مصنعين الاطارات ان الشركات تختبر الكوتش و توافق عليه و بكده يبقي ملائم للعربيات دي
و في حاله BMW بيتم وضع نقش نجمه علي الكوتش بما معناه ان الكوتش ده موافق عليه من BMW و يناسب سيارتها
و في بورش بيتم وضح حرف N مع رقم 0-3 و دي حسب تاريخ الموافقه و برضه معناه ان الكوتش ده موافق عليه من بورش و يناسب سيارتها

نفس الفكره دي موجوده في الزيوت علي فكره و الزيوت المعتمده من BMW بيبقي مكتوب عليه LL07 او LL01
و نفس الحوار بالنسبه لمرسيدس و بورش و VAG

و كويس انك جبت السيره ده عشان inspiron باشا ياخد باله منها برضه
بس عموما المقاسات بتاعت ال x5 و خصوصا الفرده اللي ورا بتبقي غالبا approved لاغلب مصنعين الاطارات المشهورين

**inspiron** · 06-09-2013 02:35 AM

أنا متشكر لحضرتك يا شريف بيه..الحمد لله جيبت 4 فرد عاديين مش run flat ميشلان سعر الفردة 2480 جنيه والـ run flat سعرها 5800 جنيه !!!!!!!!! لا تعليق وعمار يا مصر

الإحساس بالنعومة والمطبات فرق 180 درجة عن الـ run flat أنا فعلاً مش عارف غالية كده علي إيه !!

**horas3000** · 06-09-2013 03:28 PM

المشاركة الأصلية كتبت بواسطة inspiron

أنا متشكر لحضرتك يا شريف بيه..الحمد لله جيبت 4 فرد عاديين مش run flat ميشلان سعر الفردة 2480 جنيه والـ run flat سعرها 5800 جنيه !!!!!!!!! لا تعليق وعمار يا مصر

الإحساس بالنعومة والمطبات فرق 180 درجة عن الـ run flat أنا فعلاً مش عارف غالية كده علي إيه !!

طب الف مبروك
و تدوبوهم في الخير و بعافيه ان شاء الله
و السعر ده حلو قوي و كده ارخص من اللي انا جبتهم تقريبا
و زي ما قلت لك ال run flat مش عملي خالص في مصر سواء كسعر او راحه و طالما فيه في العربيه استنبن مفيش داعي منه
و هي غاليه عشان مدعمه من جوه بطبقة كوتش محترمه و ده كله تكلفه

-

الموضوع: أفضل نوع كاوتش للـ x5

LinkBack

أدوات الموضوع

عرض

-

-

-

-

المواضيع المتشابهه

يا جماعة أيه أفضل نوع كاوتش ل byd

أفضل نوع كاوتش للماروتي 12/145/70

أفضل نوع كاوتش للــــ a5

أيه أفضل نوع كاوتش للساجا ؟

ماهو أفضل نوع كاوتش ؟

الكلمات الدلالية لهذا الموضوع

المفضلات

المفضلات

ضوابط المشاركة