الموضوع: مازدا ٣ ولا دودج دارت ولا استرا جي تي سي ؟

علشان بس ماتحيرش نفسك
حدد ايه شكل الاداء الرياضي اللى انت متوقعه ؟

و على فكرة برضه السيتروين ds5 و البيجو 508 عايزين بنزين 95 علشان ادائهم يكون مماثل للمازدا تقريبا

على العموم اداء كل العربيات اللى ذكرت متشابه جدا

و ابعد تماما عن السيراتو ما ينفعش تحطها فى مقارنة معاهم

المشاركة الأصلية كتبت بواسطة monamize4

ال508 لو ببنزين 80 هتبقى اسرع من المازدا
موتور THP محترم (FI) متصنع بالتعاون مع BM مايتقارنش
مع موتور المازدا اللى نزل من حوالى 10 سنين و الفتيس برضه نفس القصة

و ع فكرة ,,
كذا حد معاهم ال 508 و بيستخدموا بنزين 92 و العربية اداءها كويس و ال 95 افضل طبعا

بالظبط كدة ... مفيش وجه مقارنة بين ال508 و المازدا أو ال C segment عموماً لأن أول فئة 508 أفضل من هاي لاين أي عربية فيهم و أنا أضمنلك إنك هتاخد منها الرفاهية و الكمايات و الأداء الرياضي اللي انت عايزه حتي لو ب 92

بحث سريع كده البيجو ٥٠٨ .. بالرغم انها اعلي في التورك واعلي في العزم بفرق حوالي ٦٠ حصان عن المازدا .. الا انها اتقل بحوالي ٣٠٠ كيلو .. فتقريبا هتديك اداء مماثل للمازدا مقابل فرق سعر حوالي ٣٠ الف جنيه ..

ولكن يحسب ليها الفخامه ( سيارة رئاسيه كده :d ) .. والوسع والرفاهيه .. والموتور والست سرعات والتسارع .. ولكن تظل اتقل ولو علي موتور اعلي ف في اعتقادي هتأدي اداء قريب من عربيه بمتور اقل واخف ..

المشاركة الأصلية كتبت بواسطة monamize4

ال508 لو ببنزين 80 هتبقى اسرع من المازدا
بدون مبالغات
المازدا بالبنزين 92 بتجيب 100 كم فى 10 سواني
اما البيجو بتجيبهم فى 9 سواني
فرق ضئيل جدا
على العموم اللى اثنين ما بيعدوش ال 200 و مفيش عندنا طرق تستحمل السرعات دى اصلا
موتور THP محترم (FI) متصنع بالتعاون مع BM مايتقارنش
اهلا و سهلا يعني ايه الاستفادة من المكنة دي غير تكلفة اعلى للصيانات الدورية و تكلفة اعلى فى حالات الاعطال لاقدر الله
على عكس مازدا مفيش مبالغات
مع موتور المازدا اللى نزل من حوالى 10 سنين و الفتيس برضه نفس القصة
بعيدا عن المبالغات ... المكنة و الفتيس بيأدوا وظفيتهم كويس جدا وهو المطلوب.... اداء ممتاز - استهلاك رائع جدا .... كل حتة فيها ياباني و الوحيدة فى مصر ياباني

و ع فكرة ,,
كذا حد معاهم ال 508 و بيستخدموا بنزين 92 و العربية اداءها كويس و ال 95 افضل طبعا
اديك بتعترف ان الاداء الاعلى محتاج بنزين 95 زى ما قولت مازدا و بيجو ب بنزين 92 اداء متقارب(و قد تتفوق المازدا تقريبا ) مع فارق ان مكنة البيجو حتتعب بسرعة جدا لانها غير مصممة للبنزين 92 (عمرها حيتقصف بسرعة جدا و اشهر الامثلة بيجو 407 ديزيل مفيش عربية وصلت 100 الف كيلو بالمكنة الاستوك لان الجاز المصري مليان شوائب و مواصفاته لا تتفق مع المواصفات الاوروبي فكل ال 407 ديزيل اتدمرت و كله غير مكن ) (و على فكرة ال 508 هى بديل 407) و حيحصل معاها زى ما حصل مع مكن الميرسيدس و اوبل و فولكس و غيرهم (واقع لا مفر منه للاسف)


الحاجة الاهم بيجو شركة عريقة جدا بس دا لما نتكلم عن 504 و 205 على رأى توب جير ( بيجو تصرف فلوس علشان تصنع اسوء السيارات الاوروبية )

حاقول لك معلومة جميلة بيجو 508
باعوا فى اوروبا فى 2010 ....727
2011......85000 (دى السنة اللى اخدت لفيها العربية جوائز كتير و دعاية رهيبة و الناس اشتريت )
2012.....81000
2013.....56000
2014.....41000(هنا الناس عرفت ان التجربة اكثر واقعية من الاعلانات )
اجمالى المبيعات خارج اوروبا من 2010 الى 2012 100000 تقريبا

مبيعات مازدا 3 فى امريكا
2010....95000.
2011.....100000
2012...113000
2013....101000
2014...103000
فى امريكا مبيعات مازدا اضرت مبيعات تويوتا

مبيعاتامازدا 3 فى اوروبا
2010....183000
2011....138000
2012....123000
2013....146000
2014....173000
مازدا انتجت 4 مليون عربية من 2003 الى 2014 و هى بتوصف انها اسرع عربية تباع (مش زى بيجو بيصنعوا و العربيات بتتركن عندهم فى المصنع )


بيجو افعلا فخامة جامدة جدا لا تقارن بمازدا بس مع اول مشكلة حتزعل اى حد .....

أنا سعيد جداً بطرحك للمعلومات الرائعة
لكن السؤال هنا هل موتور ١٦٣ حصان
مثل موتور ١٠٥ حصان
اتمنى الإجابة بالشرح من فضلك ☺️

المشاركة الأصلية كتبت بواسطة melouk1

أنا سعيد جداً بطرحك للمعلومات الرائعة
لكن السؤال هنا هل موتور ١٦٣ حصان
مثل موتور ١٠٥ حصان
اتمنى الإجابة بالشرح من فضلك ☺️

مبدئيا كدا ما ينفعش نقارن مكنة عادية جدا (اللى فى المازدا )
بمكنة تربو (بيجو) ولا انا غلطان ؟

و لكن ما علينا
حضرتك لو تابعت التعليقات السابقة حتعرف
ان مكنة بيجو الجديدة تعتبر الافضل فى فئتها بالنسبة للاوروبيين لانه بتندرج تحت مسمى Euro 6 engines
و دى بتدى اقل انباعاثات للكربون و افضل اداء و استهلاك (انا بعترف بكدا و لا انكر )
و لكن الكلام دا لما بكون بستخدم الوقود المتاماشي مع التكنولوجيا المتاحة و صاحب العربية قال كدا فى التعليقات السابقة ...... تمشي ببنزين 92 عادي جدا لكن 95 اداء افضل

ما علينا
نيجي لكلام الشركتين
بيجو بتقول 508 بتجيب 100كم فى 8.9 - 9.4 يعنى نقول 9 سواني
التكنولوجيا الجديدة اهتمت بمستوى الانبعاثات على حساب الاداء الرياضي
بمعنى مكنة البيجو بطلع اكبر عزم دوران 240nm عند 1400 Rpm
طبعا العزم بيقل بعد و قبل ال 1400 و المعروف انك علشان تشد لازم العزم يفضل يزيد معاك لحد 4000 لفة على الاقل
(الامريكان ولاد اللذيذة عملوا كورفيت عندها نفس عزم الدوران عند اى عدد من لفات الموتور و دا يعتبر ابداع )
و بطلع ال 165 حصان عند 6000 لفة
اكبر عزم للمكنة عند عدد لفات قليلة و دا علشان يدي اقل استهلاك مع اقل انبعاثات و اداء جيد

كل دا هلك للباور اللى طالع من المكنة
على العكس
مازدا بتقول 3 بتجيب ال 100كم فى 10 سواني
143 nm عند 4000 لفة
105 حصان عند 6000 لفة
مفيش الهلك الكبير اللى في بيجو
فعمليا مفيش فرق جبار فى السرعات الاولى .... و فرق الاحصنة الكتييير دا حيفرق فى التوب سبيييد اللى مش حيقدر يجيبها في مصر

فانا قلت الاداء متقارب و لم اقل دا مثل دا

و قلت مازدا مشاكلها حتكون اقل و اعتماديتها اعلى و سوقها اكبر و صيانتها اسهل

بالمنطق كدا ايه اللى يخليني اشتري عربية فيها تربو تزودني حمل صيانات اكتر و تعقيدات انا فى غنى عنها و انا عندي بديل اقل فى الفخامة متشابه فى الاداء اقل فى السعر اقل فى الصيانة عمره اطول بالتجربة على مستوى العالم

مازدا اقتصادية عملية
بيجو فخامة و شياكة