ياجماعة انجدونى.العربية تبطل معايا وانا ماشي على السرعات العالية

**dr.hany** · 15-11-2008 12:12 AM

مش بقولك المشكلة دوختنى.حطيت ايدى على الموبينة اول ما العربية بطلت فلاقيتها دافية او بمعنى تانى تعتبر بارده فممكن مايكونش العيب منها

المشاركة الأصلية كتبت بواسطة king_de_egypt

بص الحوار دا مدوخنى فى هيونداى اكسنت و ووصلتلو بس اللى بيحصل معايا هو كالاتى بتفصل خاااااالص تدوس على البنزين متحسش بحاجه و مره واحده تشم ريحه بنزين و تشتغل تانى او تبطل علطول فا طلع مشط الكترونى او بص على الموبينه ممكن تكون بتسخن لو بتسخن اووى يبقى بتفصل على ما تبرد و برضو خلى الكهربائى يبصلك على المشط الالكترونى وابقى قولنا

**king_de_egypt** · 15-11-2008 12:14 AM

المشاركة الأصلية كتبت بواسطة goldenfish7

مش بقولك المشكلة دوختنى.حطيت ايدى على الموبينة اول ما العربية بطلت فلاقيتها دافية او بمعنى تانى تعتبر بارده فممكن مايكونش العيب منها

لا كدا يبقى الموبينه كويسه هى لما بتسخن اووى كا تبقى بتفصل طب روح لكهربائى كويس خليه يشوفلك المشط او روح لمكانيكى يشوفلك الترمبه البنزين و احتمال يبقى حاجه من الاتنين

**haitham83** · 15-11-2008 12:16 AM

انا حصل معايا فى هيونداى اكسل و بعد طلوع الروح طلع من الكونتاكت و غيرت قلب كونتكت المفتاح بس

**dr.hany** · 15-11-2008 08:44 AM

الكونتاكت يعمل كده ازاى

المشاركة الأصلية كتبت بواسطة haitham83

انا حصل معايا فى هيونداى اكسل و بعد طلوع الروح طلع من الكونتاكت و غيرت قلب كونتكت المفتاح بس

**dr.hany** · 15-11-2008 08:57 AM

هو الرداخ هو نفسه طرمبة البنزين وللا حاجه تانيه

المشاركة الأصلية كتبت بواسطة shankosi

الرداخ ....................

**engahmed214** · 16-11-2008 02:57 PM

أنا معايا فليشيا 95 و كانت بتعمل كده معايا ,
بعد ما دوخت طلع المشكلة في الأسبراتير فا غيرته وأشتغلت زي الفل الحمد لله

**waled369** · 16-11-2008 03:01 PM

لو مش طرمبة البنزين ( ممكن تكون بتعلق ) يبقى أكيد حاجة في الكهرباء مفيش حاجة تالتة ممكن تعمل كده .

**samirayad** · 16-11-2008 05:18 PM

المشاركة الأصلية كتبت بواسطة goldenfish7

بصراحة المشكلة ديه مغلبانى ومش لاقى ليها حل مع الميكانيكية.اول ما اشتريت العربية ديه وهى فيليشيا 95 من حوالى 8 اشهر كانت بتعمل معايا الحركة ديه وبعدين المشكلة اختفت لمدة 4 شهور وفجاة رجعت تانى.بكون مثلا ماشي على 80 فبلاقى العربية سكتت فجاة من غير سابق انظار وماترداش تشتغل اللا بعد ماسيبها شويه.ارجوكم ساعدونى على قد ماتقدروا انا خلااااااص تعبت

شوف كدة بكات الكربراتير......وبالذات بتاع السرعة العالية.....ممكن يكون اتسع وبيخلى البنزين كتير الداخل للأسطوانات...وعشان كدة العربية ممكن تبطل......والفترة اللى انت بتستناها بعد كدة والعربية بدور بدون مشاكل .....علشان البنزين الزيادة بيكون تبخر......ربنا يوفق

**samirayad** · 16-11-2008 05:28 PM

المشاركة الأصلية كتبت بواسطة goldenfish7

هو الرداخ هو نفسه طرمبة البنزين وللا حاجه تانيه

نعم الصنايعية بيطلقوا لفظ الرداخ على طلمبة البنزين لهذا النوع.......وعموما القلب الداخلى للطلمبة هو الرداخ أو الرق الداخلى...وعلميا يطلق عليها طلمبات موجبة.... displacement pump positive

**mo7a_mo7a** · 17-11-2008 01:30 AM

بص يا سيدي لو استهلاك البنزين عندك طبيعي ومش عالي يبقي تستبعد الطلمبة والكربراتير

الواضح انه عيب كهربا فين بقي هي دي القضية يجوز من الموبينة ومش شرط تسخن ويجوز من البوجيهات بردو

وفي احتمال بعيد جدا ان يكون من رشاشات البنزين فيهم 2 بيتسدو
بس ده لو حصل العربية مش حتدور بسهولة

انت محتاج كهربائي مش ميكانيكي