الموضوع: ظبط 600 حمار فى فيوم لتوريدهم لمحلات الكباب والكفتة

اتكتبلهم عمر جدبد

مدحت كوتة بتاع السيرك القومى طلع قال إن الحمير المذبوحة تبعهم . هل كلامه منطقى ولا ممكن يكون بيكذب و إيه مصلحته

أعتقد إنه صادق لإن طبيعى جدا يكون فيه مصدر لحوم لإطعام حيوانات السيرك و محدش حيربى عدد غير طبيعى من الحمير علشان مجرد يبيعهم كباب و كفته . كذلك منظر التقطيع يدل على إنها أرباع حيوان صحيحة يعنى شكلها باين . كمان محدش أهبل يعمل حاجة زى كدة بكمية كبيرة و الشرطة متعرفش.

لكن طبعا ده ميمنعش إن كام حيوان يتسرب لسوق البنى آدمين .مثلا محل كباب مزنوق فى حتة و لا إتنين مش حيخسر . واحد من العمال يسرب ربع حمار لواحد بتاع حواوشى ميضرش

سنة 2007 اشتريت سانوتش كبده ب70 قرش
كان لذيذ
و انا بااكل قلت فى نفسى كبدة ايه الى ب70 قرش دا لو كبدة كلب مش هتكون رخيصه كده
من ساعتها انا لا ااكل اى لحوم من القاهره
نفس القصة هنا لقيت لحمة مفرومة بثلاثة ريالات للكيلو---------طبعا بعدت عنها
و انا اصلا لا ااكل لحوم او فراخ مستوردة
لان اصلا الاوربيين غاشين لحومهم من اول العلف بتاع جنون البقر لغاية لحوم الخيل التى اكتشفوها فى اوروبا مرورا بفضيحة ماكدونالدز و اكيد كنتاكى مش بعيد و الكلام عن ان الفراخ المستوردة اصلا بتتكهرب لان المصنع مش هيجيب عشان حضرتك عشرات العمال عشان يدبحولك الفراخ---هو عامل واحد و ضغطة زر مليون فرخة تتكهرب و تمام التمام