فورد فيوجين - تقرير الألف كيلو

**Omar Sarray** · 13-06-2015 06:30 PM

انا بعت سيراتو ومازالداوحجب فورد فيجن تايتنيوم فئه قبل الاخيره فيها شاشه وحساس ورا وقدام جنوط 18 فتحه سقف سعرها 292 الف حشتريها أسبوع جاى كاش ان شاء الله إنما اول فئه وانى فئة فيها شاشه صغيره وفيها حساس ورا بس وفيها جنوب 16 أو 17 مش 18 ومها مفتاح زر تشغيل وكلهم نفس الأمان فرق كماليات فقط وان شاء الله يارب تطلع عربيه حلوا وكويسهل حشتريها من توكيل بتاعه اوتو جميل فورد مصر سابقا

**bonboneto** · 14-06-2015 11:30 AM

صباح الخير
موضوع استلام السيارة كان على حسب اللون و على حسب مواعيد الشحنة اللى جاية من برة , ياعنى كان فى الوان متاحة و الوان هتستنى لحد 3 شهور ,, انا كنت عايز الفضى و استلمت خلال اسبوع.
الفئة التيتانيوم هيه اللى فيها شاشة 8 تاتش
الفروقات اعتقد سقف البانوراما و الشاشه ال 8 بوصة و الجنوط 18 مش 17 و اضاءه زنون و اعتقد فى كاميرا للبارك سينسور
انا اشتريت من توكيل فورد عبد اللطيف جميل
انا اشتريت من مدينة مصر شارع عبدالرازق السنهورى بس فى فرع فى مصر الجديدة و اعتقد فتحوا واحد كمان فى المهندسيين
أمنت فى شكرم رويال بس شركتى ليها اسعارخاصة مع رويال , فى نوعين من النأمين شامل و جزئ 2.77 و 3.25 % من قيمة السيارة
بالنسبة للتوكيل انا رأى ان كدة كدة عربية بسعر ده لازم كل حاجه تبقى مع التوكيل فا لازم لما نيجى نقارن يبقى مع توكيلات بنفس المستوى زى فولكس فاجن و بيجو و اوبل ,, عموما انا اتكل على الله و حسيت ان عبداللطيف جميل كا توكيل عايزين يعملوا حاجه كويسة و ربنا يستر :)

**melouk1** · 15-06-2015 04:33 PM

رائعة و أنا شايف إنها أجمل واحلى من ال ٥٠٨ و الاوبل الانسيجنا

**أبو عبدالله** · 16-06-2015 02:37 PM

ماشاء الله تبارك الله
طيب ممكن تقولنا ايه السلبيات من وجهة نظرك
وهل هيا تقيلع في طلعتها وايه اكتر حاجه عجبتك فيها كعربية
وربنا يباركلك فيها ويعطيك خيرها ويكفي عنك شرها

**mrscout** · 16-06-2015 05:29 PM

الف مبروووووك ربنا يديك خيرها ويكفيك شرها انا عندي سؤال هي نازلة بالفتيس باور شيفت ولا غيروه علشان سمعت أنه عمل مشاكل مع ناس

**ashouhdy** · 17-06-2015 02:43 AM

هي فتيس باور شيفت بتاع الفوكس

**pipelineeng** · 23-06-2015 11:29 AM

أخبار التكييف أيه ؟؟
زى اليبانى ولا أحسن ولا أقل ؟

**Omar Sarray** · 02-07-2015 04:34 AM

هل تعلم ان كل خامات فورد فيودن فيها 31 الف حبه صويه وهل تعلم ان لو مسكت ايدك فى بيبان او جلد عربيه فى كل مكان تحس فيه نعومه وطراوه مش خشنه زى عربيات تانيه هل تعلم انى جبتها فئه تايتنيوم ب292 الف من اوتوجميل فرع ابو رواش كاش مش تقسيط لون اسود تحفه عليها هل تعلم ان فيها باور شفت بس اقوى من باور شفت فوكس يكفى انها عربيه محترمه جدا والعهده على الراوى

**ahmad--ezzat** · 15-07-2015 08:43 PM

ربنا يحفظهالك ياباشا...ويكفيك شرها...العربيه في السعودية الناس بتشكر فيها جدا...بس اهم شيء التزم بالضماااان عشان لو لقدر الله وحصل شيء هتلوووص...ربنا يحفظهالك