الموضوع: سؤال عاجل في مصنعية الكهرباء ارجو الافادة

بشطب شقة كهرباء والصنايعي بيقولي الاسعار كالتالي:
اللمبة 35
البريزة 15
المروحة 30
المكيف 60
السخان 50
تركيب اللوحة 100
توصيل العداد 100
رمي الخراطيم في الخرسانة 150

اللي اعرفه ان الحساب بالنقطة سواء كانت لمبة او بريزة او مكيف او سخان اياً كان وبنجمع عدد النقاط ونضرب في السعر اللي هو 15 جنيه مثلا، ومش المفروض ان رمي خراطيم الخرسانة تبع الشغل ولا انا فاهم غلط؟ وتركيب اللوحة وتوصيل العداد حاسس انه مبالغ فيه؟ المشكلة ان الشغل خلص ومتفقتش مع الصنايعي من البداية وكمان الشغل مش عاجبني نهائيا. فارجو حد يفهمني بالتفصيل اسعار السوق اللي ماشية واحاسبه ازاي؟ ورايكم في الاسعار دي ايه واي تعليقات او نصائح وربنا يجزيكم خير

موضوع الحساب النقطة ده قديم قدم الديناصورات

الموضوع زي ما شرح الاخ ابو مازن هو بيقلب الشقة بعينه كدة ويديك رقم وغالبا مبيعديش 1000 جنيه

انا عملت شقتي 100 متر وفحت الكهربائي علب في كل مكان في الشقة علشان مستقبلا ممكن احتاجها ومضطرش اجيب مشترك بسلك وكلام فاضي، المطبخ لواحده عامل فيه 7 علب كهربا

التكلفة الاجمالية 900 جنيه منهم 100 جنيه تركيب النجف بعد ما نقلت العفش وعزلت لكن الرقم الي انت بتقول عليه ده غريب ومعروف ان اقل سعر للمصنعية بتبقى للسباكة والكهربا بغض النظر عن الخامات الي بتشتريها