سوزوكي سياز ولا سيات توليدو

**ENG.MaRk** · 15-06-2015 03:43 PM

المشاركة الأصلية كتبت بواسطة bobozoro

Eng. Mark
شكرا علي الرد المفصل بس حبيت اوضح 3 حاجات:
1- توليدو مش DSG لانها عربيه عائليه مش رياضيه, وده مش هروب من DSG لانه في رأيي تحفه تكنلوجيا ومشكلته الوحيده هنا شوارع مصر
2- فيه نقطة مهمة اعتقد تم اغفالها وهي مناسبة العربية لشوارع مصر واستخدام الناس ليها هنا, من مطابات توقف متكرر خبطات وانت واقف راكن وخبطات وانت ماشي ومش هتاخد حق ولا باطل, وتحميل العربيه 5 ورا ساعات, حاجات كتير تخليك تفكر 100 مرة قبل ما تجيب عربيه محترمة في البلد ديه.
3- الناس حابه تشوف دلع في السيارات اللي بتشتريها جديد ومش مستعديه تدفع كتير علشان كده تلاقيه بيدور علي الكماليات اللي موجودة في السيارات المحترمة بس تكون في سيارة علي قد الحال

واعتقد النقطة التالتة ديه سر انتشار سيارات كتير بتكون حالتها معقوله وامكنيات ودلع عاليين والناس تطلع بيها السما لحد ما سعرها يقرب من العربيات المحترمة ويوقعونا في الحيرة اللي احنا فيها ديه والامثلة كتير

1-أنا عارف إن التوليدو مش DSG و المشاركة مكتوبة عموماً مش علي عربية معينة :)
2-العربية تاني أكبر استثمار بعد السكن و أكيد نوع العربية يتناسب طردياً مع مكان سكنك أو دخلك الشهري بمعني أصح ف أكيد لو معاك عربية غالية هتمشي في مناطق نظيفة مش هتلاقي الأطفال اللي بيجرحوهالك أو اللي بيخبط فيك لأن المناطق النظيفة شوارعها بتكون واسعة و فيها أماكن مخصصة للركنة و لو إن استنتاجي ده بنسبة 60% خطأ إلا إن الخبطات اللي في العربية بتبقي أرزاق يعني ممكن تبقي راكن تحت شجرة و تقع علي العربية و احتمالات كتيرة قد تحدث مش لازم حد يخبطها و بالنسبة لتحميل العربية بالوزن الزائد ده فيه كارثة مش خطورة لأن الفرامل بتبقي مصممة إنها توقف وزن معين ممكن لو الوزن زاد عن المعقول فرامل العربية هتبقي insufficient إنها توقف العربية
3-مفيش عربية كاملة في مصر و كل واحد بييجي يختار بيختار علي أساس ايه أكتر نقاط مهمة في العربية و ايه اللي يقدر يتعايش من غيره :)
في النهاية أحب أقولك أياً كان اختيارك استمتع بيه علي قد ما تقدر يعني make the most of it و ربنا يوفقك لما فيه الخير إن شاء الله :)

**hugan** · 15-06-2015 03:45 PM

المشاركة الأصلية كتبت بواسطة eng.mark

أنا هأقولك المقاييس المصرية لتفضيل عربية عن أخري ... أولاً المشتري بيبص لمنشأ العربية بغض النظر عن هي عربية حلوة ولا وحشة و ماشي بمبدأ صيني "لأ" كوري "حلو" ياباني "يا سلام عليه" أوروبي "غالي ملناش دعوة بيه" ... ثانياً بيبص علي سعر إعادة البيع "قبل ما يشتري" و ديه حاجة هتجنني في الشعب ده ... مش عارف ليه بيسبق الأحداث و يفكر يبيع قبل ما يشتري و حتي مش بيفكر هل هو هيستمتع بيها و هتعمله satisfaction ولا لا ... ثالثاً هل العربية compatible مع بنزين 92 ولا لازم ليها 95 مع العلم إن اللي يقدر علي سعر عربية محتاجة 95 أكيد هيقدر علي تمنه ... رابعاً هل قطع الغيار متوفرة خارج التوكيل ولا لأ مع العلم إنه ممكن يكون راكب عربية ب 175000 أو أكثر و عايز يجيبلها قطع غيار استيراد ... خامساً السحب و الثبات مع الوضع في الاعتبار إن مفيش أي عربية سحبها كويس في مصر و سعرها competitive يعني كل اللي ممكن تستمتع و انت سايقه سعره يبدأ من 300 ألف ... سادساً الشكل و الكماليات و ده طبعاً مش عامل كبير للحكم علي العربية لكن بيوضع في الاعتبار و ده بسبب إن التوكيلات بتنفض العربية من الكماليات بدليل إن ال316i f30 برة مصر و خصوصاً في ألمانيا فيها كماليات أكتر من ال320i (أو زيها) في مصر ... سابعاً الشعب ماشي بمبدأ "ابعد عن الdsg و غنيله" مع العلم إن ناس كتير ماجربتهوش و بتحكم عليه لمجرد إن سمعته مش طيبة يعني من الآخر mainstream و أعتقد إن 70% من اللي ساقوه مايعرفوش هو بيتكون من ايه أو ايه الtechnology اللي وراه ... طبعاً أنا في الأول كنت بأدافع عنه لكن اكتشفت إن شأنه شأن حاجات كتير في البلد بتبقي كويسة جداً و الفتي بيبهدلها مع العلم إن برضه جزء كبير من سمعته السيئة هي إهمال من الوكيل و عند من الشركة الأم و بطلت أدافع عنه لأني لقيت الناس عندها استعداد تتخانق لمجرد إنك مختلف معاهم في الرأي و أنا مش بحب أزعل حد مني و مش فاضي للخناقات :) ... ثامناً الانتشار و ده هيرجعنا تاني للنقطة الثانية ... أخيراً السعر أو الvalue for money و النقطة ديه بالذات بتوقف حال عربيات كتير كويسة mechanically لكن options قليلة زي اللي بيفضل سيراتو علي شارك مثلاً و ده مش معناه إن شارك أحسن أو سيراتو أوحش لكن ده علي سبيل المثال ... طبعاً كل واحد بيفكر في النقاط ديه كلها simultaneously عمره ما هيوصل لbargain كويسة و هيبقي confused بطريقة رهيبة تخلي دماغه هتنفجر من كتر التفكير و عموماً مفيش عربية في مصر مرضية تماماً لأن لو العربية حلوة هتلاقيها محتاجة 95 مثلاً و سعرها غالي جداً (بالنسبة للشعب الغلبان ده) و لو عربية كويسة و سعرها مش غالي هتلاقي توكيلها "ربنا يكون في عونه" زي فيات linea و bravo اللي بهدلهم omatra و لو عربية إعتماديتها عالية و مفيهاش مشاكل هتلاقي سعرها غالي نسبياً و كمالياتها مقابل سعرها قليلة و لو الtechnology اللي فيها complex مع الحرارة و المطبات و الزحمة و جهل و عدم خبرة العاملين بالتوكيلات هتلاقي صيانتها شبه مستحيلة و مشاكلها هتكتر يوم بعد يوم هتكرهك في العربية ... خلاصة الكلام لأني طولت جداً لو عايز تشتري عربية في مصر ماتصعبهاش علي نفسك و حاول تقلل النقاط المهمة و تحصرهم في نقتطين أو ثلاث علي الأكثر و آسف علي الإطالة :)

كلام جميل
هاترجع في النهايه
ان المصريين بيشترو العربيه بطلوع الروح
والقرش عندنا عزيز وغالي
بالتالي مفيش حد عنده استعداد للخساره اﻻ القليل

**hugan** · 15-06-2015 04:05 PM

المشاركة الأصلية كتبت بواسطة ahmzd

أنا والله حاليا بفكر في التوليدو برضه وبقوة وخصوصا بعد التخفيضات الجامدة دي، بس خايف من قلة انتشارها برضه، غصبن عن الواحد لإن مش بنشتري عربية ب 150 ألف كل يوم!! عموما أنا بفكر فيها لإني مش بغير غير كل 5 سنين مرة.. وربنا يهدينا للأصلح.

للاسف التخفيضات مش عشقا في المصريين
غصب عنهم بسبب مبيعات سيات الضعيفه عموما

**hugan** · 15-06-2015 04:28 PM

المشاركة الأصلية كتبت بواسطة ahmzd

يعني من الآخر حضرتك تنصحني بيها وللا لأ يا أستاذ hugan

والله ياباشا مش عار ف اقولك اشتريها من عدمه
لكن انا ممكن اخلي نفسي مكانك
هاشتري بدون تردد
شارك
او ازود شويه اجيب سيراتو

**bobozoro** · 15-06-2015 06:31 PM

موزعين سيات بدأوا يسطعبطوا اصلا, شوفت مقال اسمه "ارتفاع مدة حجز السيارات بالسوق المصرى لـ7 أشهر" حد من سيات بيتكلم فيه بيقول "وقال مصدر بشركة «سيات» لـ«البورصة»، إن زيادة مدة الحجز على سيارة «توليدو» ناتجة عن نجاح السيارة فى تحقيق مبيعات كبيرة بالسوق المصري، وزيادة حجم الطلب، مقارنة بالمعروض." من امتي ؟

واتصل يقولوا ما فيش الان استني اخر الشهر اتصل بموزع يقولي فيه واحدة لقطة يا تلحقها يا متلحقهاش اقل من الهاي لين وعايز يبعها ب 159 بيتكلم كأن ال 9 الاف ديه مش فلوس.

ما فيش فايدة

**hugan** · 15-06-2015 08:16 PM

المشاركة الأصلية كتبت بواسطة bobozoro

موزعين سيات بدأوا يسطعبطوا اصلا, شوفت مقال اسمه "ارتفاع مدة حجز السيارات بالسوق المصرى لـ7 أشهر" حد من سيات بيتكلم فيه بيقول "وقال مصدر بشركة «سيات» لـ«البورصة»، إن زيادة مدة الحجز على سيارة «توليدو» ناتجة عن نجاح السيارة فى تحقيق مبيعات كبيرة بالسوق المصري، وزيادة حجم الطلب، مقارنة بالمعروض." من امتي ؟

واتصل يقولوا ما فيش الان استني اخر الشهر اتصل بموزع يقولي فيه واحدة لقطة يا تلحقها يا متلحقهاش اقل من الهاي لين وعايز يبعها ب 159 بيتكلم كأن ال 9 الاف ديه مش فلوس.

ما فيش فايدة

عارف بيعملوا ليه كده
ﻻءن العربيه مش موجوده اساسا
بالتالي بيفتح مده الحجز علي امل انه يجمع اكبر كميه ويبداء اﻻستيراد
نفس الكلام بيعمله سوزوكي مع السويفت واﻻورتيجا العربيات الواقعه في البيع
هنا المشكله بتلاقي في خلال 5سنوات من نزول الموديل لتغيره
المبيعات كلها ماتعملش 2000 عربيه او اقل
وتدخل في مشكل اعاده ااببيع السيئه اللي هي اصلا ضايعه
وندره قطع الغيار

-

الموضوع: سوزوكي سياز ولا سيات توليدو

LinkBack

أدوات الموضوع

عرض

-

-

-

-

-

المواضيع المتشابهه

سوزوكي سياز ولا جين 2 بسرررررعة

سوزوكي سياز فيديو

ستيب واي اتوماتيك Vs سوزوكي سياز

سوزوكي سياز

سيات ليون الفئة التانية ولا سيات توليدو هاي لاين ولا سوبارو امبريزا و كلهم ٢٠١٤

الكلمات الدلالية لهذا الموضوع

المفضلات

المفضلات

ضوابط المشاركة