الكربراتير مش بيحس !!

**عمرو كاشف** · 15-06-2015 10:13 AM

انا كنت عند الميكانيكي من كام يوم وكنت بغير طقم كهرباء وبالمرة كنت عايز اظبط تاكيهات عشان دخلة الصيف ولما جية يظبط الكربراتير لاقينا المسامير كلها مقفولة على الاخر ورغم كدا الماكينة شغالة فقالي انت كدا محتاج حد متخصص كربراتير عشان يشوفلك الدنيا دي ... لان المفروض ان الماكينة تبرجل وتبطل لما المسامير دي تكون مقفولة على الاخر ... ياريت الافادة في تشخيص المشكلة من اهل الخبرات

**Abo_Mazen** · 15-06-2015 11:22 AM

كده الكاربراتير عندك فعلا رجلاش المسامير فيه مشكلة ..شوف حد بتاع كاربراتير ..رأيي الشخصي بقى ..يعني أنا لو مكانك كنت هعمل اللي هقولك عليه ده ..الكارب ده يترمى ويتجاب واحد غيره لإنه شكله كده ملعوب فيه ..والكارب ما دام إتلعب فيه يبقى هتصرف عليه كتيييييير ومش هتاخد منه خير ...ده رأيي أنا يعني

**mossallem** · 15-06-2015 07:28 PM

طيب هو الكربراتير الجديد بكام

**Zing0** · 15-06-2015 09:38 PM

طيب جرب قبل مترمى
1- حملة نظافة للكربراتير بالإسبراى, و لو بتعرف تفك الكربراتير يبقى عملت صح الصح. السدد بيعمل كده.
2- مسمار بيك السلانسية (الكبير اللى فى وش الكربراتير سواء عاده أو كهرباء, اللى كل شوية يتسد و نسلكه ده)
حضرتك تفكه و تغير المسمار بالكامل (مسمار و راس المسمار :الراس بـ 5ج و المسمار بـ 10ج) و تجيب المسمار مقاس 50 (لا أكتر و لا أقل ده الفابريكا) و ركبه حلو و أربطه للآخر.(لو مفتوح شعرة صغيرة هيعمل كده و يهبب البوجيهات)

لو لسه مش حاسس, يبقى تتوكل على الله و تطلع على متخصص كربراتير سمعته كويسه يعملك أكس و باب, و تتفق معاه على السعر قبل ميفك حاجه من العربية.
كربراتير اللادا غالى شوية , حوالى 600 ج استيراد و الجديد يعدى الـ 1200 عند حمدى لادا
لو حضرتك فى القاهرة كنت دليتك على معتز المصرى اللى فى دار السلام, بس أسعارة زادت شويتين الفترة دى.
أعانك الله

**عمرو كاشف** · 15-06-2015 11:36 PM

المشاركة الأصلية كتبت بواسطة zing0

طيب جرب قبل مترمى
1- حملة نظافة للكربراتير بالإسبراى, و لو بتعرف تفك الكربراتير يبقى عملت صح الصح. السدد بيعمل كده.
2- مسمار بيك السلانسية (الكبير اللى فى وش الكربراتير سواء عاده أو كهرباء, اللى كل شوية يتسد و نسلكه ده)
حضرتك تفكه و تغير المسمار بالكامل (مسمار و راس المسمار :الراس بـ 5ج و المسمار بـ 10ج) و تجيب المسمار مقاس 50 (لا أكتر و لا أقل ده الفابريكا) و ركبه حلو و أربطه للآخر.(لو مفتوح شعرة صغيرة هيعمل كده و يهبب البوجيهات)

لو لسه مش حاسس, يبقى تتوكل على الله و تطلع على متخصص كربراتير سمعته كويسه يعملك أكس و باب, و تتفق معاه على السعر قبل ميفك حاجه من العربية.
كربراتير اللادا غالى شوية , حوالى 600 ج استيراد و الجديد يعدى الـ 1200 عند حمدى لادا
لو حضرتك فى القاهرة كنت دليتك على معتز المصرى اللى فى دار السلام, بس أسعارة زادت شويتين الفترة دى.
أعانك الله

موضوع الاكس والباب دا يتكلف كام؟ في حد معرفة قالي ان الكربراتير سعره 250 استيراد الكلام دا صحيح؟

**mossallem** · 16-06-2015 02:03 AM

اكس وباب من 200 ل 250ج

**Abo_Mazen** · 16-06-2015 09:04 AM

المشاركة الأصلية كتبت بواسطة zing0

طيب جرب قبل مترمى
1- حملة نظافة للكربراتير بالإسبراى, و لو بتعرف تفك الكربراتير يبقى عملت صح الصح. السدد بيعمل كده.
2- مسمار بيك السلانسية (الكبير اللى فى وش الكربراتير سواء عاده أو كهرباء, اللى كل شوية يتسد و نسلكه ده)
حضرتك تفكه و تغير المسمار بالكامل (مسمار و راس المسمار :الراس بـ 5ج و المسمار بـ 10ج) و تجيب المسمار مقاس 50 (لا أكتر و لا أقل ده الفابريكا) و ركبه حلو و أربطه للآخر.(لو مفتوح شعرة صغيرة هيعمل كده و يهبب البوجيهات)

لو لسه مش حاسس, يبقى تتوكل على الله و تطلع على متخصص كربراتير سمعته كويسه يعملك أكس و باب, و تتفق معاه على السعر قبل ميفك حاجه من العربية.
كربراتير اللادا غالى شوية , حوالى 600 ج استيراد و الجديد يعدى الـ 1200 عند حمدى لادا
لو حضرتك فى القاهرة كنت دليتك على معتز المصرى اللى فى دار السلام, بس أسعارة زادت شويتين الفترة دى.
أعانك الله

أهو بص بقى ..على كلام حضرتك ده هو هيبدأ يفتح في مصروف أهو عشان الكابراتير ...أنا بقول آخره في موضوع المصاريف على الكاربراتير ده إنه يغير جوز المسامير دول ويجرب ..ضبط كان بها ..ما ضبطش ..يشتري كاربراتير إستعمال وخلاص ...وغريبه قوي حكاية الكاربراتير ب 600 جنيه دي ..متهيألي بتاع اللادا أرخص من كده إستعمال...إلا لو حضرتك متأكد وشفت بنفسك يبقى كده صح

**Zing0** · 16-06-2015 03:02 PM

أهو بص بقى ..على كلام حضرتك ده هو هيبدأ يفتح في مصروف أهو عشان الكابراتير ...أنا بقول آخره في موضوع المصاريف على الكاربراتير ده إنه يغير جوز المسامير دول ويجرب ..ضبط كان بها ..ما ضبطش ..يشتري كاربراتير إستعمال وخلاص ...وغريبه قوي حكاية الكاربراتير ب 600 جنيه دي ..متهيألي بتاع اللادا أرخص من كده إستعمال...إلا لو حضرتك متأكد وشفت بنفسك يبقى كده صح

آسف يا جماعة الزهايمر أشتغل بدرى (معرفش هنعمل إيه فى الصيام) !!!!
الكربراتير أبو 600 ده الصينى جديد و الـ 1200 جديد روسى من حمدى لادا (بس الكلام ده من حوالى سنتين)
الإستيراد إنت و شطارتك فى الحالة و السعر.
أعتذر مرة أخرى عن السهو غير المقصود.

و إن شاء الله تطلع شوية مسارات عاوزة نضافه جوة الكربراتير و خلاص.