خبر سعيد.. تصنيع قطارات الخط الثالث لمترو الأنفاق محليا

**Nader** · 15-11-2008 11:10 PM

المشاركة الأصلية كتبت بواسطة tutankhamoun

على فكرة يا جماعة

مصر بتصنع عربات السكة الحديد من زمان مفيش مشكلة في الموضوع ده

المشكلة ان احنا مش بنعمل مواتير .......... و هي دي مربط الفرس

+1

مصر بتستورد الجرارات، لكن عربات السكة الحديد صناعة محلية.

**onsi** · 16-11-2008 02:26 AM

هو دة كدة يبقى خبر سعيد؟!
اذا كانت قطارات المرحلة الاولى والثانية المستوردة شكلها دلوقتى يكسف وباذات المرحلة الاولى شكلها عفوا زى المراحيض العامة
فياترى المحلى هيكون اية؟؟

**OlaOsman** · 16-11-2008 09:34 AM

المشاركة الأصلية كتبت بواسطة onsi

هو دة كدة يبقى خبر سعيد؟!
اذا كانت قطارات المرحلة الاولى والثانية المستوردة شكلها دلوقتى يكسف وباذات المرحلة الاولى شكلها عفوا زى المراحيض العامة
فياترى المحلى هيكون اية؟؟

العنوان تريقة طبعا :)

**محمد عز** · 16-11-2008 09:43 AM

على فكره مصانع الهيئة العربيه للتصنيع والمصانع الحربيه
مصانع على اعلى مستوى

لكن المصانع ده موقوفه بفعل فاعل علشان لو اشتغلت صح
مصانع القطاع الخاص مش هتقدر تقف قدامها

**tutankhamoun** · 16-11-2008 09:44 AM

المشاركة الأصلية كتبت بواسطة OlaOsman

العنوان تريقة طبعا :)

و تريقة ليه يا علا ؟؟؟
ما فعلا شركة سيماف بالإشتراك مع الهيئة العربية للتصنيع بتصنع عربيات السكك الحديدية من زمان
يعني الموضوع مش جديد
الجديد فيه إن التعاون المرة دي هايبقى مع اليابان اللي عملت الخط التاني بتاع المنيب شبرا

إنما يا جماعة عربيات السكك الحديدية صناعة مصرية ماعدا الجرار اللي فيه الموتور زي ما وضحت قبل كدا ووضح بعدي الأستاذ نادر

و بعدين المفروض نفرح ........ مش نزعل و نتريق يا أختي الكريمة
أي حاجة نتقدم بيها و لو خطوة صوغنطوطة .......ربنا يطلعنا من النفق المظلم اللي احنا عايشين فيه

و شكرا لوقتك الكريم و موضوعك الحلو

**OlaOsman** · 16-11-2008 09:58 AM

يعجبني تفاؤلك دايما بالصناعة المصرية يا توت :)

بس المناخ العام و الإهمال السائد لا يبشروا بأي خير - بالنسبة لي على الأقل.

**sab3aawy** · 16-11-2008 10:52 AM

يا جماعة انا بس عايز اقول لكم ان الجيل التالت من قطارت المرحلة الاولى(الاووووووووووووووو� �وووووووووولى مش التانية، المترو الازرق القديم) مصنع فى مصر بمعرفة شركة سيماف ،(اللى هى العربيات اللى فيها مروحة التهوية متدارية فى السقف وفيها مساكات جلد فى الحديدة اللى الناس بتمسكها وانذار اغلاق الأبواب بيقول دينج دونج مش بيقول بيب زى العربيات الفرنساوى من الجيلين السابقين عليها)
وشغالة بقالها ييجى 15 سنة اهى وزى الفل

فبالتالى احنا مش ضايعين للدرجة اللى بعض الناس بتحاول تصورها لنفسها

عموما مبروك علينا المترو الجديد وعبال ما نشوفه شغال ان شاء الله عن قريب

**OlaOsman** · 16-11-2008 10:58 AM

المشاركة الأصلية كتبت بواسطة sab3aawy

يا جماعة انا بس عايز اقول لكم ان الجيل التالت من قطارت المرحلة الاولى(الاووووووووووووووو� �وووووووووولى مش التانية، المترو الازرق القديم) مصنع فى مصر بمعرفة شركة سيماف ،(اللى هى العربيات اللى فيها مروحة التهوية متدارية فى السقف وفيها مساكات جلد فى الحديدة اللى الناس بتمسكها وانذار اغلاق الأبواب بيقول دينج دونج مش بيقول بيب زى العربيات الفرنساوى من الجيلين السابقين عليها)
وشغالة بقالها ييجى 15 سنة اهى وزى الفل

فبالتالى احنا مش ضايعين للدرجة اللى بعض الناس بتحاول تصورها لنفسها

عموما مبروك علينا المترو الجديد وعبال ما نشوفه شغال ان شاء الله عن قريب

انت متأكد يا سبعاوي انه شغال زي الفل؟ الناس الل بيركبوا المترو ده كل يوم فعلا بيشتكوا مرة الشكوى من أعطاله كل يوم و التاني.

**sab3aawy** · 16-11-2008 11:17 AM

المشاركة الأصلية كتبت بواسطة OlaOsman

انت متأكد يا سبعاوي انه شغال زي الفل؟ الناس الل بيركبوا المترو ده كل يوم فعلا بيشتكوا مرة الشكوى من أعطاله كل يوم و التاني.

كل الأعطال الى انا سمعت عليها كانت اعطال شبكة، لكن انا بتكلم عن العربات نفسها اللى مستحملة زرالة شعب يقتنع افراده انهم احفاد التتار رسل الدمار والخراب على الأرض، ولم يسلم من اذاهم اتوبيس او قطار او حديقة عامة ، قارنى حاله عربات المترو بحالة اى اتوبيس عمرةه 15 سنة هتعشغال فى هيئة النقل العام هتعرفى انا بتكلم على ايه

مش عارف ليه انا افتكرت مرة زمان انا اخدت العربية بتاعة والدى-الله يرحمه-وعملت بيها مشوار ورجعت، بعدها ولمدة سنة كل عطل يصيب العربية يكون السبب فيه هو المرة التى خروجت بها، لدرجة ان احد الاطارات نام بعد خروجى بالسيارة بشهرين واعتبر ابى ان سبب نوم الاطار هو خروجى بالسيارة من شهرين سابقين