الموضوع: العربية بتسخن جدا والماية بتنقص

من ضمن أعراض تلف جوان وش السلندر ..وجود طحينه في الريداتير أو في زيت المحرك ..من ضمن الأعراض ..وكلمة من ضمن الأعراض يعني في أعراض تانيه ..زي مثلا دخان أزرق طالع من الشكمان ..نزول ماء من الشكمان ..نقص مياه..عموما في حالتك دي فك البوجيهات بوجيه بويجيه وشوف في عليهم مياه ولا لأ

كانت عندي المشكلة دي و دوختني…
هتلاقي خرطوم خبيث بتاع الراجع من الموتور للريدياتير او خزطوم من طرمبة الميه للموتور سايب شوية و بيسرب ميه .. عايزين يعيد عليهم رباط كويس بس ..
روح لواحد ابن حلال و امين بتاغ ريدياتير عشان لو نشال هيعمل عليك شغل ..

المشاركة الأصلية كتبت بواسطة islam abdallah

فعلا انا حاسس بكدة لان اول مرة بعد م غيرت البوجيهات وانا بجرب وامبير الحرارة علي فتحت الكبوت لاقيت ماية علي الارض معرفش اية مصدرها ولما العربية بردت ملقتش اي تسريب ماية

بس كده .. يبقي هوه ام الخرطوم الخبيث ده… .
لما العربية تكون باردة هات مفك و شوف كل الخراطيم الصغيرة اللي حوالين الموتور و اربطها كلها كويس و حرق علي الرباط…
و لو انت عارف شكل طرمبة الميه عيد رباط علي كل الخراطيم اللي خارجة و اللي داخلة منها من ناحيتها و من ناحية الموتور ..
و هتعرف مكان التسريب بانك تلاقي زي صدأ كده نتيجة تسريب الميه من الخرطوم ده ..

المشاركة الأصلية كتبت بواسطة mazagangee

بس كده .. يبقي هوه ام الخرطوم الخبيث ده… .
لما العربية تكون باردة هات مفك و شوف كل الخراطيم الصغيرة اللي حوالين الموتور و اربطها كلها كويس و حرق علي الرباط…
و لو انت عارف شكل طرمبة الميه عيد رباط علي كل الخراطيم اللي خارجة و اللي داخلة منها من ناحيتها و من ناحية الموتور ..
و هتعرف مكان التسريب بانك تلاقي زي صدأ كده نتيجة تسريب الميه من الخرطوم ده ..

حط مياه ملونة وهي تبين ليك مكان أي تسريب ..يفضل مياه خضرا ..وتكون رخيصه شوية ..هتبان معاك من مشي يوم