تغيير ريداتير الفليشيا

**ayman20100** · 17-06-2015 11:22 AM

السلام عليكم ورحمة الله
كل سنة وانتوا طيبين
انا عندي ظهرت مشكلة سخونة في العربية على السلانسية تقريباً بتختفي مع السرعة العالية
والترموستات عندي تمام والمروحة تمام والماية مش بتنقص
السؤال اغير الريداتير ولا لاء
انا شاكك فيه وهو بقاله فترة كبيرة وفي نفس الوقت مش عاوز ارميه وهو سليم (لو كان سليم )
حد ممكن يساعدني ازاي اعرف اذا كان تالف بدون ما اعتمد على التجربة في التحديد

**egyplan** · 17-06-2015 12:35 PM

اخى الفاضل
اولا غالبا مش مشكلة ريداتير
وعشان تتاكد انه مش مسدود افتح غطا القربة وبص فيها وزود بايدك سلك الاكسراتير لو لقيت الميه بتخش القربه من الخرطوم الصغير يبقى الدورة شغاله ومش مسدودة
وممكن تغسل العربية والربداتير اولا
الريداتيت لو مسدود مش هتلاقى الميه بتلف فى الدورة والحل ان بتاع الريداتير يبص عليه ويسلكة
وطبعا اوعى تشترى ريداتير جديد لان بتاع الريدياتير ممكن يقنعك عشان يبيع لك واحد
اسال عن ورشه او اتنين للتاكيد

المشكلة ممكن تكون ان دورة المياه واخده هوا

**Abo_Mazen** · 17-06-2015 12:49 PM

حط مياه ملونه كده كام يوم ...وشوف فيه تسريب عندك أو لا ..وممكن تروح لبتاع ريداتير قول له سيخ الريداتير ..لو فيه حاجه هتبان

**ayman20100** · 17-06-2015 05:39 PM

الميه مش بتنقص
دورة الميه واخده هوا ازاي المفروض مع الدوارة غطا القربة بيخرج الهوا من دورة الميه
عشان كده شكيت في الريداتير

**sakr_skoda** · 17-06-2015 07:51 PM

على السرعات العليا فقط يبقى ريداتير اشترى واحد جديد المونيوم وركبة حتنسى المشكلة دى انا فاكك الاصلى النحاس سليم 100% وكان بيعمل نفس المشكلة ولما غيرتة انتهت الى الابد****

**ayman20100** · 18-06-2015 12:16 PM

المشاركة الأصلية كتبت بواسطة sakr_skoda

على السرعات العليا فقط يبقى ريداتير اشترى واحد جديد المونيوم وركبة حتنسى المشكلة دى انا فاكك الاصلى النحاس سليم 100% وكان بيعمل نفس المشكلة ولما غيرتة انتهت الى الابد****

لا المشكلة على السرعة البطيئة مش العالية
امبارح كشفت على التاكيهات لقيتها تمام
فاضل امامي الاتي
ريداتير
او طرمبة ميه
او تنفيس من احد الحراطيم بتاخد هوا منه
ومحتار

**shahed133** · 23-06-2015 04:41 AM

المشاركة الأصلية كتبت بواسطة ayman20100

لا المشكلة على السرعة البطيئة مش العالية
امبارح كشفت على التاكيهات لقيتها تمام
فاضل امامي الاتي
ريداتير
او طرمبة ميه
او تنفيس من احد الحراطيم بتاخد هوا منه
ومحتار

المشكله عندك مشكلة مروحه والدليل ان العربيه في السرعات العاليه مبتسخنش عشان تيار الهوا الي داخل للمكنه من بره بيكون شديد فبيقوم بوظيفة المروحه . ودا بيكون ضعيف على السرعات البطيئه والمروحة ضعيفه اصلا فالموتور بيسخن .. ولو انت مركب المروحه الاصليه فلازم الموتور يسخن منك لانها صغيره .. الكلام ده عن تجربه كان راكب عندي المروحة الاصليه وكان عندي نفس المشكله بعد معاناه وفتي كتير من الصنايعيه الي قالي حل وش السلندر والي قالي التاكيهات والي قالي الرادياتير بايظ بس الحمد لله ربنا سلم وشكيت في المروحه قررت اشتري واحده جديده وفعلا اشتريت مروحة عربيه دايو على مقاس الرادياتير بالظبط وقمت بخلع الاصليه وركبت الجديده بنفسي وثبتها في الرادياتير عن طريق اربعه قفيز بلاستيك والحمد لله بقالها سنه ونص امبير الحراره كبيره 80 في عز الحر وعلى فكره انا لظروف شغلي بلف بالعربيه طول النهار ... الموضوع كله مش هيكلفك غير 200 جنيه دا سعر المروحه جديده وممكن تجيبها استيراد ب 100 جنيه ولو رحت بور سعيد هتجيبها بخمسين حنيه .. ودي صورة المروحه

**aw2100** · 23-06-2015 11:03 AM

المشاركة الأصلية كتبت بواسطة ayman20100

السلام عليكم ورحمة الله
كل سنة وانتوا طيبين
انا عندي ظهرت مشكلة سخونة في العربية على السلانسية تقريباً بتختفي مع السرعة العالية
والترموستات عندي تمام والمروحة تمام والماية مش بتنقص
السؤال اغير الريداتير ولا لاء
انا شاكك فيه وهو بقاله فترة كبيرة وفي نفس الوقت مش عاوز ارميه وهو سليم (لو كان سليم )
حد ممكن يساعدني ازاي اعرف اذا كان تالف بدون ما اعتمد على التجربة في التحديد

درجه الحراره بتوصل كام والمروحه بتشتغل
ولما المروحه بتشتعل الحراره بتبقى كام